احببت مغرور ❤

الحلقة 3

وسام:اسمعي
نورة: نعم😒
وسام: اني نعجبت بيك وبي شخصيتك واول مرة تقابلني بنت قوية باقي البنات ديما يطيحولي
نورة:😳😳 اني مش زيهم البنات هما وتوا تفضل
وسام: خيرك تدوي هكي هي شني خودي رقمي
نورة:😒 خليه عندك رقمك اني مش متع الدوة هادي
وسام:😳😳😳 تدوي بجد
نورة: وجهي وجه بصارة 🙂 سلامات بوي جي
.
.
.
.
ومشيت وخليته ف حالة صدمة
حسين: شني صار معاك اليوم
نورة: الحمد لله حضرنا المحاضرات وخلاص
حسين: باهي بنيتي ربي يوفقك
نورة: انشاء الله يارب قتلك ي بوي
حسين: نعم
نورة: تخطمني ع المكتبة عندي كم حاجة ناقصتني
حسين: حاضر تو نمشو للمكتبة
ومشينا للمكتبة وخديت يلي ناقصني وروحنا
نورة&حسين:السلام عليكم
عائشة:وعليكم السلام
نورة: وين سناء ي ماما
عائشة: هوينا ف الدار بريلها
نورة: لالا بنركب نرتاح تعبت اليوم هلبا
عائشة: به بنيتي براحتك
وركبت ف داري وفتحت النت لقيت سلمى متصلة بعتلها
نورة: هلا
سلمى: اهلين حبي
نورة: شن الجو
سلمى: تمام وانتي
نورة:الحمد لله شن صار فيكم
سلمى: رفعني فطرنا وهدرز عليا وروحت وانتي
نورة: حكتلها يلي صار معاها بتفصيل
سلمى: حمااارة في حد يضيع وسام
نورة: مقدرتش نبلعه مغرور
سلمى: غبية حيط
نورة:😒😒😒😒
سلمى: هي باي انوسي يتصل
نورة:بايات
سكرت منها ورقدت طووول
.
.
.
.
عند وسام
وسام: تي اول بنت تقولي لا ي راجل
انس: هوا باش قتلك انت في تهلم
وسام: وراس امك زيد غادي انت التاني
انس:😒😒
وسام: اي حقا تعال جاي
انس: ليلة السودة النودة شن في 😳
وسام: ع راسك غر تعال
انس:🧐 ها شن في
وسام : تو انت تكلم ف صاحبتها ولا
انس:🙄 اي
وسام: جيبلي رقمها منها او ايميلها
انس: خيرك انت شن فيك
وسام: تي غرر دير يلي قتلك عليه
انس: به تو نكلمها
وسام: تي لالا توا ي راجل كلمها
انس: تي باهي وانت احرف من حناي
واتصل انس بي سلمى
انس:الوو
سلمى: اهلين
انس: اهلين بيك حبي
سلمى😍: شن الاخبار
انس: تمام وانتي
سلمى: تمام
انس: خيرك مافتحتيش نت اليوم
سلمى: والله عندي قراية الحق
انس: اها ربي يوفقك انشاء الله
سلمى: انشاء الله اجمعين
امس: قتلك
سلمى: نعم
انس: صاحبي وسام تعرفيه ولا
سلمى: اي خيره؟
انس: لا شي هوا معجب بي صاحبتك نورة ويبي رقمها او ايميلها
سلمى: تو نكلمها
انس: لالالالا ماتقوليلهاش خليها مفاجاة
سلمى: اها اوك ايميلها......
وسام يوشوش لي انس : رقمها
انس: ءءءءء رقمها به
سلمى: 094......
انس: شكرا حبي
سلمى: العفو
انس: اسمعي بعدين نبيك ف موضوع
سلمى: حاضر تو نفتح النت توا
انس: تمام تو نفتح حتى اني هي
سلمى:سلام
انس: سلام
انس: تغدينا تاخد الرقم والايميل غيرها لا
وسام: رزيني فيها بطنك هياا
انس: حسد حسد قل اعود برب الفلق
وسام:🤦‍♂️🤦‍♂️🤦‍♂️
انس:هي شني
وسام: باهي غر هاته
انس:094......
وسام: منور ي قدرررر
انس:مصلحة  😒
.
.
.
.
عند نورة فقت مع جو الخمسة نضت صليت العصر ونزلت لقيت سناء وامي
عائشة: نوضي وقت الناس بدت تجي عرس اختك مزال عليه تلاتة ايام وبري خودي شن ناقصك
نورة: مش ناقصني شي ي امي
عائشة: يعني كلكم تمام
نورة: اي
سناء: خايفة ومتوترة
نورة: عادي وخيتي صلي وادعيربي يفتحها عليك
سناء: انشاء الله
ع خشت سماهر مروحة من المدرسة
سماهر : السلام عليكم
نورة&سناء: وعليكم السلام
وركبت بدلتت ونزلت والناس بدت تجي ليه ليه ( عاد تعرفو كيف الليبين وعراسهم 😁) وجي  الليل درنا سهرية وغنينا ودرنا جو وجو صاحباتي ندى وسلمى
نورة: امحمد ي حبيبها خميس وجمعة جيبها 💃👏👏( امحمد خطيب سناء*)
.
.
سلمى: حتى كان قصيرة شويةحي حي حي حي دلوعة وعندي شخصية حي حي حي حي👏👏
.
.
نورة: سلم بوي الي رباني حي حي حي حي قدري ف العالي خلاني حي حي حي حي 👏
.
.
سماهر: الموضة مش موضة دكتور حي حي حي حي الموضة صايع فوق السور حي حي حي حي 👏👏
.
.
نورة: الموضةمش موضة لبوات حي حي حي حي الموضة حوش بلا حماوات حي حي حي حي👏👏
.
.
وكملنا سهرية غني وهياجة وكل حد خش ل فراشه وباتو عندي سلمى وندى وفتحت النت شوي لقيت وسام باعتلي طلب انصدمت بس قلت اكيد بعته هكي وخلاص وسكرت النت ورقدت
.
.
.
.
نضت تاني يوم درنا الفطور وقعمزنا نهدرزو وماشيناش للجامعة لان عرس اختي وكان يوم الحمام وتت سناء لبستها البودرية وكل شي وجت النوبة ضربت وهيجنا مع بعض وركبنا ف السيارات اني وندى وسملى وسناء مع احمد واحمد طول الوقت يشبح ل ندى من المرايةة
احمد:نفتحلكم اغاني
نورة: ياريت ع الاقل يقولو عندهم عرس مش مسكتين
احمد: تي اسكتي وانتي تبقبقي مطول لسانك
نورة: به به سكتت
سلمى&ندى&سناء:😂😂😂
وفتحلنا اغاني وهيجنا و وصلنا للحمام ولبست سناء البودري وطلعت تحفة وطلعنا وركبنا السيارة وغنينة
.
.
.
.
نورة: لبس البودري محلاه كل بنية تتمناه👏👏
احمد: انتي بتهبلي عليه😂😂
ندى&سلمى&سناء:😂😂
نورة: والله مامعدلة عليك انت جاياتك عليا
.
.
.
نورة: لبس البودري والحنة ربي مايحرمنا منه 👏👏
احمد:زمري 😂😂
نورة😒😒😒👏👏👏
.
.
.
.
وصلنا للحوش وباركو ل سناء وصورو معاها وجي الليل يلي هوا وقت الحنة رقدت سناء وقعمزو يحنو فيها ودرنا شوط دربوكة
.
.
.
.
نورة: ستر الله باقي ديري عزم ستر الله باقي ديري عزم ستر الله باقي ديري يانا يانا ديري عزم ستر الله باقي وبعد غياب سيورك تلاقي ديري عزم ستر الله باقي يانا يانا ديري عزم
.
.
.
نورة&سلمى&ندى&سماهر: قالو زوجوها نور العين قالو زوجوها نور العين قالو زوجوها يانا يانا نور العين قالو زوجوها قلت الروح مني طلعوها نور العين قالو زوجوها يانا يانا نور العين
.
.
.
سلمى: ف باب المدينة ريت الزين ف باب المدينة ريت الزين ف باب المدينة يانا يانا ريت الزين ف باب المدينة طفل صغير شاورلي بعينه ريت الزين ف باب المدينة يانا يانا ريت الزين
.
.
.
سماهر: ف باب المهاري ريت الزين ف باب المهاري ريت الزين ف باب المهاري يانا يانا ريت الزين ف باب المهاري طفل صغير ويقولي تعالي ريت الزين ف باب المهاري يانا يانا ريت الزين
.
.
.
ندى: ف باب الرياسة ريت الزين ف الرياسة ريت الزين ف باب الرياسة يانا يانا ريت الزين ف باب الرياسة طفل صغير شاورلي ب راسه ريت الزين ف باب الرياسة يانا يانا ريت الزين
.
.
.
نورة: الشينة خداته نور العين الشينة خداته نور العين الشينة خداته يانا يانا نور العين الشينة خداته ب سبعة اماس قلبي قطعاته نور العين الشينة خداته يانا يانا نور العين
.
.
.
نورة: مرمية هدومه ف الدولاب مرمية هدومة ف دولاب مرمية هدومة يانا يانا ف الدولاب مرمية هدومة كيف ننساه وكيف ننسى قدومه ف دولاب مرمية هدومة يانا يانا ف الدولاب
.
.
.
سلمى: ي غالي عليا ماننساك ي غالي عليا ماننساك ي غالي عليا يانا يانا ماننساك ي غالي عليا لين نموت ويعزوك فيا ماننساك ي غالي عليا يانا يانا ماننساك
.
.
.
وكملنا ليلتنة دربيك وغني وضحك وبصارة وكل حد مشي ل فراشه ورقدت طوول من التعب
.
.
.
نضت تاني يوم وكدالك درنا فطور وفطرنا وقعدنا نطيبو ف الكسكسي لان اليوم الفاتحة وكل حد  لاهي ف حاجة وبعدها ناداني احمد
احمد: ي نووورة
نورة: نعممم
احمد: حدديلي البدلة متاعي اني وبوي
نورة: هي هي نحددهم وانادي عليك
احمد: تمام نراجي فيك وقت ماتعطليش
نورة: تمام
مشيت نجري حددت السواري ومشيتت اعطيتهم لاحمدد ومشو للفاتحة بعدها امحمد اتصلبي سناء
امحمد: الوو
سناء: ايوا
امحمد: مبروك علينا ❤
سناء:الله يبارك 😍 قريتو الفاتحة
امحمد : اي ي حلالي 😍
وبعدها سكرت الخط وبوي اتصل بي امي
حسين:الووو
عائشة: ها طمني شن صار معاكم
حسين : قريناها
عائشة: روروروروري خلي نمشي نقوللهم
وسكرت الخط وجت قتلنا ودرنا شوط دربوكة وباركنا ل سناء وقعمزنا نهدرزو فجاة اتصل بيا رقم ف الاول مارديتش وعاود مارديتش التالتة قلت نرد
نورة : الوووو
مجهول: ايوا
نورة: تفضل من انت
مجهول : .....
نورة:😳😳😳😳
.
.
............ يتبع
انشاء الله تكون نالت اعجابكم يارب
                        للكاتبة:heba_kalifa