حنان:شني ي بنيتي مو....
ندى: اي موااافقة
حنان: 😳😳😳😳
ندى: ءءء قصدي اي مشاء الله عليه اي موافقة 😅
عائشة& نورة: 😂😂😂😂😂
.
.
.
وكلمنا هدرزتنا وندى هايمة ف التاليفون تكلم ف احمد
احمد: شن رايك ف المفاجاة
ندى: والله حرام عليك مصارش فيا خير بكل
احمد: خلاص ي حبي عاد هالشهرين وتولي حلالي 😍😍
ندى: جديات 🙈
احمد: وربي جديات
نورة: غر في مني لاهيا راك تنسينا
ندى: نكلم ف احمد 🙈
نورة: خلينا نهدرزو قاعدلك هوا 😂
ندى: به 🙈
ندى: حبيبي
احمد: عيوونه 😍
ندى: توا بنسكر بنهدرز مع نورة
احمد: اوك حبي تمام باي
ندى: باي ❤
.
.
.
وقعدنا نهدرزو اني وندى وحكيتلها ع وسام
ندى: تبصرري 😳
نورة: وحق ربي 🙈
ندى:احححي رومنسي
نورة:🙈🙈🙈
ندى: بي يخطبك ؟؟؟
نورة: مش عارفة
ندى: انشاء الله خير وخلاص
نورة: انشاء الله
وكملنا هدرزتنا وروحنا مع المغرب خشيت بدلت حوايجي وقريت شوية وفتحت النت لقيت وسام فاتح بس مش باعتلي رسالة حسيت بشعووور اخييي وقررت نبعتله رسالة
نورة: هلا
وسام: اهلين
نورة: شن الجو💔
وسام: تمام وانتي
نورة: تمام خيرك ماكلمتنيش💔
وسام: مش فاضي
نورة: وسام خيرك تغيرت شن في
وسام: مافي شي 🙄
نورة: اوك تمام لما تفضى كلمني💔
وسام: به سلام
نورة: سلام 💔
وسكرت منه وبكيت بكيت بكيت لين دموعي جفوو
ونزلت لوطة لقيت امي وبوي مقعزين ف الصالون يهدرزو
عائشة: شني نقولولها وخلاص
حسين: خلاص اعطيناهم موعد عيب
عائشة: انشاء الله خير وخلاص المهم رايها
حسين: اكيد كان مش بي رضاها مستحيل نخليها تاخده
عائشة: اهي جت خيرك ي بنت اللطف عيونك منفوخات
نورة: لا شي تعبانة بس
حسين: نرفع نعاينك؟؟
نورة: لالا شوي ونبرا
حسين: به بنيتي ع راحتك تعالي قعمزي بحداي نبيك ف موضوع
نورة:😳 انشاء الله خير
حسين& عائشة: خير خير
نورة: نعم ي بوي
حسين: ي بنتي توا كبرتي وعمرك 22 سنة
نورة:😳 به
حسين: وفي ناس جو خطبوك مني واعطيناهم موعد
نورة: لالا ي بوي مانبيش اني لالا
حسين: عيبي بنتي عطيناهم موعد شوفيه وبعدين احكمي
نورة: مع انها مستحيل تقبل لاكن ماتبيش تجبر ب خاطر بوها قتله به تمام امتى بي يجو
حسين: الاحد
نورة: اللطف مانحلقوش انديرو شي
حسين : تلحقي تلحقي بادن الله
نورة: انشاء الله خير هي تصبحو ع خير
حسين&عائشة؛ قدامك كل خير
.
.
.
ركبت نجري ل داري وقمت التاليفون واتصلتبي وسام وللاسف طلع مقفل 💔مفهمتش سبب تصرفه هدا مع اني حبيته وحطيت ف راسي انه ضحك عليا زي باقي البنات 💔 قعدت نبكي نبكي نبكي لين خداني النوم ورقدت معاد نندري ع الدنيا منين زارقة
نضت تاني يوم وعيوني منفوخات من الدموع غسلت وجهي وصليت لقيت امي ادير فالغدي
عائشة: وراس بنيتي حددي ل خوك وبوك السواري وقت قريب صلاة الجمعة واختك جايتنا زايرة اليوم
نورة: به حاضر
عائشة: ونوضي اختك سماهر
نورة: به تمام
.
.
.
مشيت حددت سواري بوي وخوي واعطيتهم سواريهم ومشيت نوضت سماهر
نورة: سماهر انتي ي هووو
سماهر: اي اي غدوا
نورة:🤦♀️ تي نوضي
سماهر : خليني نرقد الهم الازقح
نورة: تي نووضي اختك جاية
سماهر: خيرها الهم ليها اسبوع بس
نورة: واني وين نندري بيها غر نوضي 🙄
سماهر: مانيش نايضة ماعندي مانديرلها
نورة: نوضي الشكلاطة متاعك خوك خداه 😂
سماهر: ناضت واقفة ومشت تجري وهيا نازلة تجي طايحة من الدروج
عائشة: خيرك اللطف ي ربي
سماهر: اااه ي ظهري وووه عليا اححي 😭😭
نورة: 😂😂😂😂😂
احمد: مهبولة زغرطو ف ودنها 😂😂😂 حي ع امهااا الطيحة زي طيحة هيفاء وهبي 😂😂
سماهر: ماهو ولدك واخد شكلاطي 😭😭
احمد: شكلاطت شني يلي واخدها 🤨🤨
سماهر: نورة قتلي انك واخد شكلاطي 😭😭
نورة:😁😁😁 ماتبيش تنوض ماعندي مانديرلها
عائشة: وتخلي اختك تجي مبلوطة ع ظهرها
نورة: شن بنديرلها به 😒
سماهر: وووه عليا ظهرررري
احمد: عنبوك مرة وحدة ضمي فمك الناس تسمع وانتي تقول ف صالة ولادة 😒
نورة&عائشة:😂😂😂😂😂
وناضت سماهر وهيا تكعكس يمين ويسار تقول كيف جايبة 😂😂
ومشي بوي واحمد للصلاة وجت سناء رحبنا بيها و وجهها منور هلبا
نورة: خيره وجهك منور اليوم 😑
سناء: ههههه الحسد الحسد
نورة: ع شني ي كبدي 😒
سماهر: انتي ضمي فمك مانسيتلكش الطيحة 😠
نورة: ضمي فمك اختك اكبر منك اني
سناء: ضمو فمكم اني اكبر منكم انتم
احمد: ضمووو فمكم اني اكبر واحد فيكم 😂
عائشة: وووه عليا مايبوش يكبرو بكل شن هدا
سناء&احمد&سماهر&نورة:😂😂😂😂😂الله غالب يام
.
.
.
ومشي اليوم هدرزة وضحك وبصارة وجي الليل وسناء روحت وكل حد خش ل فراشه وكدالك اتصلت بي وسام ونفس الشي مقفل 💔 فقدت الامل خلاص حطيت راسي ع المخدة وبكيت بكيت بكيت بكيت لين رقدت ونضت تاني كدالك غسلت وصليت ونزلت ومشي اليوم عاادي جدا وف الليل كدالك اتصلت ب وسام بس المرة هادي مش مقفل لا طلع خارج الخدمة 💔 هني عرفت انه تخلى عليا نهائيا حطيت راسي ع المخدة وبكيت بكيت بكيت بكيت لين دموعي جفوو ورقدت نضت تاني يوم غسلت وصليت ومشيت للجامعة لقيت البنات يراجو فيا واول ماشفوني انصدمو من عيوني المنفوخات واول ماشفتهمش ارتميت ف حضنهم وبكيت بكيت بكيت
سلمى: سمله خيرك 😳
ندى: ي عمري قوليلي خيرك
نورة: تخلى عليا ضحك عليا وسيبني 😭😭😭
سلمى&ندى: من هوااا 😳
نورة: وسام ي بنات وسام 😭😭😭
سلمى: تبصري لالا مستحيل
نورة: اي اي سيبني وضحك عليا زي ماضحك ع البنات التانيات 😭😭😭😭
ندى: خلاص حبيبتي هوا مايستحقكش
نورة: 😭😭😭
.
.
.
قعدت ف حضنهم لين هديت وخشينا المحاضرة واني مش معاهم بكل حاطة راسي ف المقعد وخلاص لين كملت المحاضرة وطلعنا وندى جي بوها روح بيها واني روحت بيا سلمى روح بينا خوها ( سلمى عندها اخ واحد وهيا راس بنت وخوها متجوز) وروحت ولقيت امي تراجي فيا
نورة: السلام عليكم
عائشة: وعليكم السلام طيب فيك نوضي دوشي والبسي الناس بعد العصر جايين
نورة: تمام
.
.
.
ركبت داري دوشت وبدلت ودرت شوية مكياج ودرت شعري ديل وقعدت نرتب ف الحاجات مع امي لين شرين باب الحوش ومشيت فتحت الباب لقيت زوز بنات و مراءة وحدة عندها عيل ف يدها والتانية واضح عليها صغيرة مش متجوزة ورحبت بيهم ومديتلهم العصير
نعيمة: والله اليوم جايين نطلبو ايد بنتك لي ولدي
عائشة: مرحبتين بيكم
وبعد ربع ساعة ناداني بوي
حسين: ي نووورة
نورة: نعم ي بوي
حسين: البسي وشاحك وتعالي
نورة: تمام 💔
خديت وشاحي وحطيت ع راسي وخشيت للمربوعة من غير مانقيم راسي ولا شبحت شكله
حسين: يالله نخليكم شوية
نورة: السلام عليكم
الولد: وعليكم السلام طبعا ان....
نورة: طبعا نبرة صوته حسيت روحي نعرفه لاكن مابيتش نقيم راسي وقتله اسمع ي ولد الناس اني نحب ولد تاني وخديت ب خاطر بوي وطلعتلك ومافيش نصيب بينا و وقفت وجيت بنطلع وقفني صوته
الولد : متاكدة ي نورة
نورة: تلفتت واني متغايضة وتفاجاة بيه انت 😳
.
.
.
.
.
........ يتبع
.
. أنشاء الله تكون نالت اعجابكم يارب
.
.
.
للكاتبة: heba_kalifa
أنت تقرأ
احببت مغرور ❤
Short Storyهلا اسمي نورة عمري 24عندي اختين واخ سماهر17 سناء 28متزوجة وخوي احمد يكون اكبر واحد فينا عمره 29وامي عائشة وعمرها 59 وبوي حسين68
