#زواج_مجهول
البداية
انا اسمي نور م94 قصيرة بكل عيوني كبار بيضة متزوجه💔وتوا تعرفو قصتي اكتر
عندي اخت وحده اسمها فاتن بابا اسمه فاروق و ماما ليلى
محمد زوجي م86 كابتن طياران مغرور وااجد ومتكبر
عنده زوز خوات ايمن اكبر منه متزوج مرته رحمه
خوهم تاني اسمه نادر
امه فاطمه و بوه علي طبعا متزوجني بقرار من جده سالم توا تتعرفو ع القصه
&&&&&
قبل شهر
الحلقة1
الكوافيرة: سمحه طالعه..مشاءلله
انا ابتسمت منغير نيه
فاتن: ناني الله اكبر عليك تهببلي بكلل
انا: تسلمو
مها صاحبتها: بسرعة البسي الكاب متعك..تعرفي اتصلت عميمه وقالت مش حايعطلو
انا: ع اساس فيه ناس اهو مكياج و فيلو بلا عرس منغير شي..لو جنازتي ارحم كانت
فاتن: ااء الناس يبحتو فينا و انتي تعلي في صوتك
انا:..خليني نلبس احسن
فاتن: رووقي..حاولي تخليك عاديه
انا: به
مها: خلاص توا نحكي مع طارق يجينا
فاتن: ايه خودي فوني وكلميه..بدامه نساعدها على الاقل
مها: اوگ
خشيت للحجرة البست و ساعدتني فاتن في لبس الطرحه
وجي طارق و خداني
انا نشوف للاقارب و ناس كلهم فرحااانه الا اني لان مانعرفش كيف يجبروني ع حاجه اني مانبيهاش قرار زواج مجهول مانعرفش السبب و علاش بابا دار هكي فيا
محمد: اووف ولله حصلنا
ايمن: خلاص ياراجل اهدا
محمد: تي ..نبي نفهم بس علاش جدي مصر ان نكمل هدااا كله
ايمن: لو نعرفو راهو ماصلناكش لهني..وبعدين البنت ماعندهاش ذنب..وانت تعرف جدي كلمته بتمشي غضبن على الكل
محمد مسح ع لحيته بعصبيه
تماام..بس تأكد حتى لو خديتها.الي في راسي نوصله نووصله
ايمن: خش توا روح بيها الناس يستنو
محمد: اووف
امه: خش ياولدي الناس يستنو
محمد: رافع هيا والا ناس
امه: خلاص الله يربحك خش روح بيها وريحنا جدك توا يدير حاله
محمد: هوا هدا كل شي الا جدي على حساب حياتنا
امه تساويله في بدلة: نجك ليااا طالع سمح بكللل..الله اكبر..مشاءلله
محمد خشيت للقاعده لقيت الانظار كلها ليها كانت منزلة راسها و مرتبكه و خايفه
محمد رفع الطرحه:
انا ارتبكت مانبيش نرفع عيوني فيه
محمد رفعلها عيونها و قرب باسها ع راسها: مبروك ..طالعه حلوة
انا ابتسمة: الله يبارك فيك
محمد ابتسم وشد ايديها
رحمه: فاتن ممكن تعطيني الكاب نلبسها
فاتن: حاضر
اهوا. ..تفضلي
رحمه: تسلمي
انا: لبستها و طلعت
حضنت ماما و فاتن و قعدت نبكي
ماما تبكي: الله يسامحه..هدا قدرك يابنتي
انا: نبكي
فاتن تمسح في دموعها: خلاص تأخرتي
انا: به (تلفتت لي بابا)
الله يسامحك..يابابا ياسندي الله يسامحك
أنت تقرأ
زواج مجهول (روايات ليبية )
Romanceرواية ليبية تحكي علي زواج قائم علي طرف واحد و الآخر مجهول ؟ كيف و أين و لماذا ؟ هذا ما سنعرفه في الرواية ؟ رواية من داخل المجتمع الليبي ؟
