#زواج_مجهول
الحلقه الرابعةة
بعد مرور شهرين
محمد:هيا قولي خيرك
نور كيف بتتكلم:.....
محمد: نور شويه بس.نشوف المكالمه
نور: به ^^
محمد: ايوا
رانيا:خيرات وينك ؟!
محمد: في الحوش اكيد..خيرك
رانيا: امم معاها
محمد: هههه مع من يعني
رانيا: غدوة ضروري نشوفك..مرايفتلك امم تنساش الايام الي بينا
محمد: هه تم
رانيا: شكلها جنبك
محمد: رانيا اختصري شن الي صاير
رانيا: لا..شي..بس ضروري نشوفك غدوة احسن شي ونحكو
محمد: به تمام
رانيا: تشاو حبيبي
انا: خيرك „„ااء نقصد صايرة حاجه
محمد: لالا.جاي جعان هلبااا و نبي نأكل
انا: امم توا ندير بيتزا ع سريع انت خش دوش و تلقاها واتيه
محمد: تم ياطشه
انا: محمدددد
محمد: هههههههه خلاص ها „„ماشي ماشي
انا: خشيت للمطبخ وتيت الحاجات جهزت الصالصه و بشرت جبنه و بديت نعجن في العجينه
انا: توا شن ندير؟؟؟!نقوله والا لا !بس مرات يفهمني غلط ياااررربي ساعدني شن هالحصلة الي حصلت فيها..احسن حاجه نطلق من توا ..لالا مستحيل ..يااربي كون معاي و اعطيني حل (وحطت ايديها ع خدودها وايديها ملبزات بلعجينه😂)
محمد: شني ياطشه هبلتي تحكي بروحك؟!
انا: لا
محمد قرب منها و حط ايديه ع خدودها
انا نشوفلها و قلبي دقاته ينسمعو
محمد: احم شن تعجني بخدودك
انا: اءء لا بس غير نشتهن
محمد: اهاا به
انا: ها ها ها يامستفززز
محمد: مني؟!
انا: هدا جدي سالم ؟!
محمد: ايوا ختمت
انا: احم الو
سالم: اهلين يابنتي كيف حالك
انا: الحمدلله جدو وانت ؟!
سالم: الحمدلله..مانبيش تطول عليك..اني جاي في طريق
انا: كييييف؟؟؟!😱
سالم: خيرك؟!
انا: اءء قصدي تنور ياجدي بس انت قريب توصل
سالم: اني ..طوط طوط طوووط
انا: هيييي فصل الخط
محمد: خيرك. شن فيه وشن يبي جدي ؟؟!
انا: جاي
محمد: شني ؟!
انا: مش وقت كلام توا ضروري نلقو حل „„„ والا جدك بيفرمني و بيفرمك
محمد:😂😂
انا: اوف ولله مش وقته
محمد: ع فكرة حتى لو غيرتي الحاجات و رقدتي في نفس دار ..اعرفي ان مش ميت عليك و لا على قربك „„ اقل شي ع خاطر مصلحه روحي وبس..اما انتي فاأخر همي و مستحيل نفكر حتى تفكير فيه ياانسة نور ماتوجعيش راسك ولا تفكري صدقيني بتتعبي وبتكون ديري في حاجات ع الفاضي „„„ صح ضحكت و سايرتك بس مستحيل تكوني في قلبي و اعرفي ان معاملتي بتنقلب معاك „„ بلمختصر مش ميت عليك زواجنا ورق وبس
نور عيونها تعبو دموع و رفعت عيونها فيه: تقدر تصارح جدك بلي تقول فيه ليا..بدامه انت تبي هكي. .مش مجبور تكمل خلي ننهوها احسن.وطلقني.وهكي ترتاح و نرتاح حتى اني خير نقعد مع واحد زيك
محمد: مش اني الي نتهدد
انا: ولا اني الي ينضحك عليا „„ بس نفس الشعور حتى اني مش طايقاتك
أنت تقرأ
زواج مجهول (روايات ليبية )
Romanceرواية ليبية تحكي علي زواج قائم علي طرف واحد و الآخر مجهول ؟ كيف و أين و لماذا ؟ هذا ما سنعرفه في الرواية ؟ رواية من داخل المجتمع الليبي ؟
