الكاتبة : سلطانه
نتمنى لكم قراءة ممتعة
الفصل الأول ...
) أهيم في عيناها فأجن بمالمسة شفتي شفاهها (
بوسط ذاك الحي الفاخر
وبهالبيت الهادي
الساعه
58:11 الليل بهدوء المكان وسكونه ..
سحب بريك بسرعه وباستعجال نزل من السياره ركض باتجاه البيت اال وقف وضرب بايده ع راسه
: اخخخخ نسيت المفتاح
رجع بسرعه للسياره اخذ المفتاح وقفلها شيك ع
ساعته شهق : اوف الساعه بتجي ١٢ !! اخخ ي ليث اخخخ ولله بيهجدك
ابوك لا وصلت ١٢!!
لف بسرعه وركض للبيت م لبس جزمته
زين كان تو جاي من االستراحه ويعرف ابوه حازم
قبل الساعه ١٢ وانت بالبيت واذا تأخر بيسحب منه
السياره وبطاقته الصراف من قوه استعجاله
تعثر برباط جزمته طاح ع وجهه قام بتألم رفع
وجهه غمض عيونه بقوه وهو طايح ع بطنه : اخخخخ
وش ذا الحظ
قام وضحك ع نفسه : ولله شكلك بتنام برا ي ليث
اخذ جزمته وركض لعند الباب الا وقف واستغرب
قبل م يفتح الباب عقد حواجبه : شسالفه غريبه انوار
البيت مطفيه ؟؟!!
وابتسم : تخيل بس لو انه نايم ي انا ؟؟ يووووه
يمديني اسهر ع كيف كيفي
ثم سكت وعقد حواجبه وتكدر : والا يمكن مسوي فيها
فخ ؟؟ هز راسه يحاول يبعد عن الالفكار السوداويه اخذ نفس
عميق وشال جزماته بايده وفتح الباب بهدوء وقلبه
يدق بسرعه من الربكه طل بشويش شاف البيت مظلم
ومافيه الا نور بسيط ابتسم : ياالله لو نايمين بس
والله بنهبل من الوناسه دخل وقفل الباب بشويش
ببطئ ومشى بخطوات خافته ع اصابع رجوله
بضحكه سخريه : بس اوصل للغرفه اخذ شاور بارد
واتابع هالفلم المجنون واشرب من هالبارد ومكرونه بالبشاميل !! اخخخخ بس ي زينك ي يمه محد حاس
بجوعي غيرك
وضحك ع نفسه : شفيني انهبلت ؟ كاني مو شايف خير؟
اخذ نفس عميق ومشى توجه للدرج صعد بهدوء
باستغراب وهو يشوف البيت هادي !! بالعاده ابوه
وامه بهالوقت يكونون فيه ينتظرونه !! وخصوصاً ابوه
حريص ع الوقت ع ولده الوحيد اللي بعمر ٢٠ اللي هو
ليث من خوفه عليه يحسب له الوقت والطلعات ويعرف مين
اصدقائه ووين الاماكن اللي يروح لها ويراقبه طبعاً
وصل للدور الثاني وهو بيتوجه لغرفته بسرعه
الا صنم بمكانه
من الصدمة !!! م وعى الا بواحد مهدده بالسلاح سحبه لداخل
غرفة امه وابوه وهو مو واعي بالصدمه !!! الا جمد مفجوع وهو يشوف
واحد متلثم
بشماغه وموجه السلاح لامه اللي جالسه منهاره
اما ابوه ع الكرسي ساكت من صدمته
الا رفع عيونه ليث مفجوع لما طاحت عينه بعيون
هالشخص حس الدنيا ا ّسودت بعيونه بهاللحظه همس وبلعثمه يحس قلبه
يرجف : عمـ..ي ؟ ،
" بحي من احياء الرياض ببيوت ع قد الحال
بشوارع قليل فيها عواميد الاناره وكل جهه
بكتابات وشخابيط ع الجدران المتكسره و لا
الشبابيك ولا حتى الابواب ولا تصاميم
هذا حال الفقارى اللي يكافحون بهالحياه عشان مصدر رزقهم بس " بغرفتها صغيره المساحه اللي مافيه الا فراشها
ع الارض ودولاب صغير خشبي ع جنب
عقدت حواجبها من هالصوت المزعج !! الا فزت
من نومها بسرعه اخذت تتنفس بعشوائيه
وتشهق بخفيف وتحس بحراره بجسمها وبدأت
تعرق غمضت عيونها بهدوء مسحت وجهها
وسمت بالله رفعت وجهها بعيون مدمعه تذكرت
امها اللي فارقتها من سنه بسبب جلطه
نزلت دمعتها وهمست : الله يرحـ..مـ..ك
عسـ..ـاك بالجنه البارده ي الغـ..ـاليه
قامت توجهت للحمام وانتم بكرامه
غسلت وجهها وطلعت توجهت لغرفه اخوها اللي قبالها
وبجنبه غرفه ابوها وحمام ومطبخ هذا البيت الصغير اللي يحتويهم دقت
الباب بهدوء وفتحته بخفيف الا استغربت
لما شافته جالس ع الارض متربع وقدامه ورقه وقلم
رفع عيونه ع الباب ينفتح استغرب : حور ؟؟
طالعته باستغراب : م نمت؟
تنهد : لاقاعد احسب الايجار ..
مشت له وجلست قباله : م استلمت راتبك؟
تنهد : لا وانتي ؟
طالعته بانكسار : لا انا وولا عاملات الكافتيريا
عقد حواجبه : كلهم !! حور : ايه
ضاري : طيب م اشتكيتو ؟ م كلمتو احد ؟
تنهدت : كلمنا المشرفه قالت انتظرو كم يوم لين
م يودعونها بحساباتكم
ضاري : ان الله عاد محتاجينها هاليومين احنا
حور : قول لحق الايجار يصبر علينا اسبوع بس ضاري : قلت له الاسبوع اللي فات وسكت
وقال هالاسبوع اجيبها
حور : وانت مامعك شي؟
ضاري : وين ي حظي ؟ حطيت كل فلوسي بالسياره
ذي اف كل شوي خربانه !! و على علاجات ابوي
الا شفتيه ؟؟
هزت راسها بهدوء : لا بغرفته اكيد نايم من ادويته
ضاري : ماراح يقوم الا ع الصبح المهم انتي وش مصحيك
هالوقت ؟ دخلت غرفتك لقيتك نايمه ولا ؟
حور : كنت نايمه وصحيت من بعد كابوس
ضربها ع خدها بخفيف وبضحكه : بسم لله عليك
مسكت خدها بضحك : لاتسوي هالحركه ياخي
قبص خدها كشرت وابتعدت عنه : يوه منك
ضحك : يوه مني ؟؟ روحي روحي نامي ياالله
قامت : طيب بقوم بس اسمعني
طالعها : هاه
حور : لاتهلك نفسك بالتفكير قفل هالدفتر وسم بالله
ونام ورانا دوام لاتنسى
ضحك : ماعرفتك ي النصوحه
هفت قصتها بثقه : بسم لله علي المفروض اني ع كرسي
بمجلس الشورى
تنهدت : بس الشكوى الله تواضعي خلاني اكون بهالمكان
ضحك : وولله تعيشين احلام اليقظه
قلدته : هاهاها كوميدي انت المهم تصبح ع خير
ابتسم : وانتي من اهله ي الملسونه
