....الفصل الثاني ...
"بعد خمس سنين من احداث استوقفناها
عن ليث اللي بقى بالمصحه النفسيه طول هالسنين
كان يحاول يطلع بكل مره وينحاش بس ينكشف
ويرجعون يمسكونه حاول انه يقنعهم انه طبيعي
مافيه شي بس سلطة الدكتور اللي مشرف ع حالته
كان مخطط مع عمه يوسف الا يثبت انه يعاني من
من مشاكل نفسيه وعقليه وحالته تستدعي انه يبقى
بهالمصحه
كان اكثر واحد مجنن الممرضين معه تعود ع
حزنه وتبلد قلبه من اوجاع هالدنيا من فراق امه
بالسجن وفراق ابوه بالقبر رجعت شخصيته المجنون الهستيري من بعد م اخذ شهرين كاملين
تحت تأثير الصدمه والهواش والعصبيه بالمصحه !!
اما امه حكمو عليها سجن ٨ سنين مؤقتاً الين م
يعيدون النظر في القضيه احتمال يكون فيه ادله
تظهر بهالوقت اما لتبرئه المتهمه او تأكيد صحه اتهامها
بمقتل جابر سعود جابر ال** تعبت نفسيتها حيل
نحفت اختفت ابتسامتها وسعادتها من بعد فراق زوجها
وولدها م تحملت صابها الاكتئاب كرهت كل شي بحياتها
تتمنى بس شوفه ولدها اللي حرموها منه طول هالخمس سنين تتمنى بس
تسمع صوته تتمنى تمسك بس ايده
بس لاحول وولاقوه لهم !
_ " عند يوسف اللي قدر ينفذ ما تبقى من خطته انه
ينقل ابوه من المستشفى الى دار المسنين برآيه
ان محد يقدر يقوم فيه وانه يحتاج رعايه والخ
وفعلاً سواها وبكذا قدر يكون هو الوريث الوحيد
لعايله سعود الجابر كان الورث هو السبب الوحيد
اللي مخليه قدر يطلع من المصيبه اللي فيه وقدر
يرجع يسيطر ع كل شي معهم ..
وراح يوضح
بالبارتات الجايه مين اقصد باللي معه !
_ " بيت ابو ضاري "
ع حال ابوهم اللي يحاولون يعالجونه من الادمان
بالمخدرات والخمر طول هالسنين طبعاً بكل مره
يلقونه متعامل مع احد من دون ما يدرون حتى يوصل
له ويتعاطى المخدرات حاولو كثير انهم يقطعونه
عن اصدقاءه اللي يتعاطون معه بس كل مره يفاجئهم
انه يتعاطى من دون علمهم !! اما راتب حور و
راتب ضاري ي دوب يكفي لاليجار واقساط السياره
وعلاجات ابوهم ومصاريف المستشفى الي يتعالج فيه
من الادمان ..
__
نبتدي بهذا اليوم بعد خمس سنين صعبه ع كل الطرفين
الساعه ٤:١٦ العصر " بيت ابو ضاري "
دخل وهو معصب ومتنرفز طلعت حور من المطبخ
: تبي احط لك الغدا الحـ.. سكتت باستغراب لما شافته دخل الغرفه وضرب
الباب
بقوه معصب عقدت حواجبها : بسم الله شفيه ؟
"عند ضاري "
دخل للغرفه وزفر بقهر وعصبيه : وجع يوجعهم هالكلاب
اوووووف !! عشان بس موقف سياره يتهاوشون؟؟ بزران
بزران !!! ياربي كيف اصلح قزاز السياره من وين لي فلوس؟
ضرب رجله بالفراشه وصرخ : الله ياخذهم !! اووووف اوووف !
....
" بيت ابو ضاري "
حط ايديه ع وجهه واخذ نفس عميق يحاول يريح نفسه
ويتمالك اعصابه قطع عليه الباب لما اندق عقد حواجبه
دخلت وهمست باستغراب : شفيك ؟
تنهد : ولا شي
حور : وصراخك اللي قبل شوي ؟
ضاري : كنت شوي معصب من شي تافه
ضاق صدرها : وش الشي التافه اللي معصبك!
تأفف : يوه منك ي حور لاتنشبين لي ترى ولله
مو رايق هاه !
كشرت : اوووف عاد ازعل وطق راسك بهلاربع جدران
شدخلني انا اروح ابلع ابرك لي وعناد فيك ماراح
اغرف لك غدا
ضحك : ملسونه
حور : مسوي طالع منها ي الهيبه انت قال مو رايق قال
وطلعت ابتسم : ياربي هالبنت بتجنني ولله اخخخ بس
م تدرين ولله شكثر انك مونستني بهالدنيا وبضيقتي ي خيتي م تدرين !
دخلت للمطبخ هفت قصتها وبثقه وبايدها الملعقه : وش هالدنيا بالله عشان
يصارخ ويعصب .. يالله اجرني بمصيبتي ابتليتني بأخو غبي للاسف
فزت لما سمعت صوته وهو داخل للمطبخ
: نعم نعم انا اللي يارب يعيني عليك !!
لفت وخزته : الواحد يتنحنح يدق الباب ع الاقل
عقد حواجبه : اولآ ي اختي الغبيه م يحتاج اتنحنح
وانتي اختي ومحرم لي ومافي احد غيرك
ثانياً هذا مطبخ ركزي مطبخ يعني من زين شكلك
ادق عليك باب المطبخ واستأذن ؟؟
ضحكت بسخريه وتقليد : هاهاهاها كوميدي انت
ضاري : مو اول وحده تقول لي هالكلام انتي !
ضحك بيحارشها: طيب ي عجيزنا انتي وقميص الروز حقك ذا
لفت وخزته : معليش ي الكول انت ثوب ابيض مصفر
من كثر الغسيل ومشهب والشوشه خلني ساكته بس
كشر : بسم الله الرحمن الرحيم م انلام لما سميتك ملسونه
وش هالردود اعوذ بالله عطيني بس دقيقه ارتب كلام بعقلي
وارد
طيرت عيونها : قول ماشاء الله قول !! يمهه حتى ع لساني تحسدني ؟
خزها : من زينك ومن زين لسانك حتى احسدك ؟ المهم ترى مابي غدى
بطلع
كشرت وضاق صدرها : بتغدى لحالي ؟
ضاري : خلي ابوي يتغدى معك
تأففت : يالغبي ابوي تغدى من الساعه ٢ مدري عاد نام هو ..
عقد حواجبه : كيف ينام وادويته مخلصه ؟ تنهدت : مدري نعسان ..
ضاق صدره : مدري من وين بنجيب له ادويه ؟
صار يكلف كثير ولله احس نفسيته زفت لانه م اخذها !
هزت اكتافها وبتفاؤل : م تدري ممكن ما عاد يحتاج ادويه
ضاري :م ضنتي ولله شوفي كم سنه له يتعالج فيها
كشرت : اوف منك ليه متشائم انت
ضحك : خلاص المتفائله يالله قفلي الباب وراي
تنهدت ومشت وراه لحد م طلع وقفلت الباب ودخلت
اخذت صحنها وطلعت للصاله وجلست تاكل
لما شافت ابوها دخل عليها ابتسمت : يبه ؟ هلا حياك
حياك ادخـ.. بصدمه طاح صحنها من ايدها وانكب ع الارض مفجوعه
مرعوبه !!!
