ارض الاحلام

البارت 4

هاي يا حلوين شخباركم طبعا البارت هاذة مخصوص ...لشخص كلش غالي علة كلبي وهية اقرب صديقاتي..احبها واحبكم..

ارض الاحلام البارت 4 ؛؛

ابو عبد اللة :بصراحة اني وبدون مقدمات رايد اخطبلك غصون بت عمك ..شكلت..
عبد اللة :ابتسمت بداخلي لان اني رايدهة من اول ما شفتها ..كتلة بيكيفك يابة الي تشوفة مناسب ..اذا انتة راضي اني راضي..واكيد ماعندي شك بختيارك..
ابو عبد اللة :يعني انتة موافق ..
عبد اللة :اي ليش لا هية خوش بنية وبنت عمي ومتطلع منهة العيبة ..فاكيد اني موافق وما عندي اعتراض..
فاطمة: اللة يفرح قلبك مقل ما فرحت قلبي..
ابو عبد اللة : خوش لعد اني باجر انشاء اللة افاتح جهاد بالموضوع..
عبد اللة :الي تشوفهة مناسب ...يلة اني اترخص..تصبحون علة خير..
..وانتة من اهلوو..
رجعت للستقبال..
سجاد: شو وجهك منوور خير فرحنة وياك..
عبد اللة : لا منور ولة شي لتتوهم..
------------
ملاك :صبح الصبح كعدت الساعة ب8لكيت البنات كلهن نازلات جوة ..الكل ديتريكون...صباح الخير..
الكل صباح النور..
هدى :هاي شلابسة ملوك وردي ..خو من سمعتي راح تنخطبين صارت كل ايامج وردية ...ههههههه
ملاك:هية كالت هيج ..واني ياكاع انشكي وبلعيني..
احمد: اشو ما شفتج لبستي وردي من خطبتج لبستي احمر..هههه
روان: في منتصف الجبهة..هههه
هدى :اني اعلمك لو ما اخليك تتندم ميطلع اسمي هدى ..
رقاوي:ماما يعني لاح ادربين بابي..
هدى :لا ماما مراح اضربة راح اموتة..
(بالنسبة لبو عبد اللة راح اسمي محمد لخاطركم ولو اني متعودة اكول ابو عبد اللة بس يلة )
محمد:اكول ابو احمد..
جهاد: تفضل ابو عبود احجي..
محمد :واللة رايدك بطلب واتمنى متردني..
جهاد:ما عاش اليردك يخوي..
محمد:خوش لعد راح ادخل صلب الموضوع ..صراحتا اني رايد غصون لابني عبد اللة شتكوول ..
جهاد: واللة صراحتا انا عن نفسي موافق بعد عبد اللة ابنك وانعم منة بس القرار يضل يم غصون واخوانهة والكل موجود  ويسمعون شرايكم..
احمد وسجاد وعلي :موافقين..
غصون :اكول ملوكة شرايج اساعدج بالمطبخ.
ملاك: هههههه..يلة تعالي ..
احمد: واللة و كبرنة واستحينة .. خطية خجلت.. هههههه
سجاد: غصون ..تخجل.. لالا ما اصدق..
عبد اللة اشو وجهك صار يضوي والابتسامة واصلة لاذانك.. هاي لان راح تخطب لو اكوو اسباب ثانية...
عبد اللة: هسة انتة شتريد بالضبط..عل اقل احسن منك .. راح تضل عانس ..ههههه
احمد :عانس مرة وحدة ..ههههه شنو هوة مرة..
عبد اللة :اي مو هذي سجودة حبيبت كلبي..هههه
سجاد نعم صوتة وصاح علة كيف:بيكفي خلص بيكفي..
كلهة ضحكت علي مسوي نفسة لبناني..هههه
علي :طول هذي لفترة واني ساكت همة يحجون واني افكر بملاك شلون راح نعيش سوة واني كلشي ما اعرف عنهة بس اكو شي يجذبني الهة ما اعرف بس شكلي صدق معجب بيهة..
ملاك: رحنة اني وغصون للمطبخ وجهة احمر من الخجل صدق اني حاسة بشعورهة لان من فتحوو وياية موضوع خطبتي اني هم صار بية مثل ما صار بيهة بالضبط..
غصون :ملاك انتي شنوو رأيج بعلوش..
ملاك :ما اعرف ..بس صراحتا كلش تعجبني شخصيتة وهادىء وما عرف بس صراحتا كلش عاجبتني شخصيته ..
طبعا بهل اثناء غصون مسجلة صوتها ودزتة لاخوهة وكتبتلة رسالة (علوش اسمع ملاك شتكول عنك)
طلع علي برة بالحديقة وسمع التسجيل الصوتي وبتسم ومنا بدة قصة حبة لملاك..