ارض الاحلام

البارت الخامس

مرحبا يا حلوين شرايكم بالبارت مال بارحة صح مطولتة حتة متملون..

ارض الاحلام البارت5

اجة اتصال ل علي من احمد لان هوة وعبد اللة راحو للمطار يحجزون لان يردون يرجعون لاربيل..وطلعت الرحلة الساعة ب3 علي راح كلهم والكل حضر نفسة لان ما بقة شي للسفرة ولازم يرحون للمطار قبل ساعتين تغدو وسلمو وطلعو واهل ملاك ضاجوو لان الكل راح يشتاقلهم وبالاخص علي ضاج لان راح يكون بعيد عن ملاك وعبد اللة وغصون هماتين ضايجين بس اكيد راح يبقون علة تواصل..الة ملاك صارت مثل الاطرش بالزفة ولة همهة ولة ضايجة بالعكس فرحانة كلش لان راح تخلص من شوفت علي لان هية تخجل منة..ههههه..
راحوو بيت جهاد..طبعا للمعلومة نازك عمة ملاك هية و ولدها بقوو يم جدهم وجدتهم لان بقوو وحدهم وهماتين لان كانوو يمهم قبل فترة فلذالك مراحوو..
علي:اول ما طلعنة من بيت عمي توجهنا للمطار انتضرة بصالة الانتضار تقربا ساعتين يلة صعدنة الطيارة ورجعنة لاربيل ..اول ما وصلنة استقبلتنة عمة نازك وسلمنة عليها وعلة الكل وراستن صعدت لغرفتي ارتاح لان تعبان كلش اول محطيت راسي علة المخدة اريد انام اجت ملاك علة بالي ضحكتهة وابتسامتها ياللة كلشي بيهة حلوو وفوك هاذةةكلة مادبة.. صدق عجبتني..
------
ملاك :راحوو بيت عموو جهاد واني كلش تعبانة اول محطيت راسي علة المخدة غفيت من النعاس وكعدت الساعة ب5 من كثر التعب اي واللة هواية تعبانة ..اول منزلت راستن رحت اكلت شي خفيف سويت سندويش واكلتة وية بيبسي ...كملت ورجعت لغرفتي وصرت اكلب بالتليفون ياللة شهل ملل مليت من كعدت البيت يلة خلي اكل لامي باجر نروح للمول...
-------
في مكان اخر

حسين : اجاني اتصال من مؤمل ..الوو
مؤمل :هلوو حسون شخبارك ..
حسين :تمام وانتة ..الشباب شخبارهم..
مؤمل :بخير الحمد اللة ..والشباب كلهم بخير وباجر عدنة طلعة لكل راح نلتقي بمول......تجي
حسين: انشاء اللة باجر نلتقي..
------

ملاك :ماما واللة مليت من كعدت البيت شرايج نروح اليوم للمول..
فاطمة :انشاء اللة نروح ليش لا..
ملاك:رحنة اني وماما وروان للمول وشترينة كم شغلة ..ماما نسيت تليفوني بالسيارة انطيني السويج اروح اجيبة واجي ..اخذتة من امي ورحت داعبر الشارع لان السيارة بالشارع الثاني..واني داعبر ما حس الة سيارة اجتي سريع ودعمتني..محسيت علة شي ثاني راستن فقدت الوعي...
حسين:صعدت بالسيارة واتصل علية مؤمل وكلي استعجل واني استعجلت شوية وهستوني وصلت المول ودخلت للمول ولتقيت بالشباب وكان موجود واحد ويانة لاحبة وليحبني سمعني حجي وماسكتتلة رديت علية وتعاركنة وعفتهم وطلعت وكنت كلش معصب ومتنرفز وسقت السيارة سريع وما حس الة بنية وكفت كبال السيارة وملحكت الزم بريك ودعمتهة ..ياللة اني شسويت من هاذي اللحضة تغيرت كل حياتي..تجمعت الناس كلهة داير وكان الحادث قوي والبت مدماية ..انصدمت من المنظر ومتت بدمي ياللة بس لا تموت..اجتي ام البنية واختهة وصارن يبجن ونقلناها للمستشفى وهسة هية بغرفة العمليات ..اشوية واجة ابوهة واعتقد اخوها هماتين وطول هلفترة امهة واختهة ما بطلن بجي واني مصدوم وام البت صارعدهة انهيار عصبي من الموقف وانطوهة ابرة مهدءة للاعصاب ..شوية وطلع الدكتور..
عبد اللة :دكتور بشر فدوة كةل العملية نجحت..
الدكتور :نزل راسة بخذلان ..مع الاسف مكدرنة ننقذهة.. البقية بحياتكم

ولهنا ويكون خلص البارت حبايبي اكيد كلكم انزعجتو لان بطلت القصة تموت بس هاذي هية سنت الحياة والدنية متوقف علة شخص وهسة ياترى شراح يكون مةقف علي من بعد ما حبهة لملاك..