روايه بنات ليلي
بقلم أسماء السيد
الحلقه الثامنه
بسم الله الرحمن الرحيم
عمر وأحمد بعد ما خرجوا من المحل
عمر : قولي بقي انت سجنتها ازاي
احمد بخوف : كانت غلطه يا عمر ومش هتتكرر والله ما كنت اعرف ان هي بنت عمك
عمر : انا بقي دماغي اتركبت انك لازم تتأدب
احمد : بس اختها قمر
عمر : حسك عينك تيجيب سيرت واحده منهم علي لسانك ولا اشوفك تهوب نحيه المحل سامع يالا
احمد : سامع يا باشا اهدي عليا كده
عمر : مش هادي
احمد : طب هعزمك علي حسابي
عمر بضحك : ايون كده اهدي
٭٭٭★٭٭٭★٭٭٭★٭٭٭★٭٭٭★٭٭٭★٭٭٭★
عند شهد و هنا
هنا : ده شكل الاتنين صحاب
شهد : صحاب ولا مش صحاب احنا ملناش دعوه بحد ونخلينا في حالنا ماشي وتسمعي الكلام يا هنا وبلاش تعاندي معايا
هنا بنظره الي اختها : ماشي صمتت هنا قليلا ثم قلبت الحوار محاوله منها علي اضحاك اختها اسكتي يا شهد مش البت سماح المقشفه اتخطبت للواد كريم الميكانيكي خالتي ام صباح كانت جايه تشتري طلبات و بتقولي مش عارفه ليه يا هنا الواد العسليه ده ملقاش غير البت ده بت دمها بارد وتنكه في نفسها كده ومتطاقش
شهد بضحك : خالتي ام صباح ولا انتي اكيد هي قالت الخبر وانتي اللي قولتي الكلام ده
هنا بضحك : اكيد طبعا ده انا هنا
شهد : الله يكون في عون اللي هيتجوزك
هنا : الله يكون العون فيه ليه ده انا هبقي هناه وسعده هو يطول يتجوز الدكتورة هنا الدمنهوري ده انا قمر
شهد : اياكم والغرور انا رايحه المستشفى اقفلي وروحي جامعتك يالا
هنا : ماشي انا هطلع ادي المفتاح لستي
شهد : اعملي اللي تعمليه انا ماشيه عشان أن شاء الله هعمل المستحيل واخش العمليات
هنا : اشطا استني كده اه ده انا مش عندي غير محاضره متأخره ساعه كده واقفل
شهد : سلام يا هنا مش عايزه وجع دماغ
شهد في الطريق
يارب اعملي الصالح انا واخواتي ونستريح بقي يارب اخواتي تعبوا في حياتهم اوي من الحرمان من الاب والام انا عملت انا وستي اللي علينا بس مهما عملنا مش هنيجي ذره في اللي بابا أو ماما كان هيعملوا
" مهما صار يظل الاب اب والام ام "
وصلت شهد المستشفي
شهد : ام اتصل علي ريم واشوفها عامله ايه دلوقتي ألو يا روحي عامله ايه
ريم : كويسه الحمد لله ياروحي وانتوا اخباركوا ايه
شهد : الحمدلله كويسين يا روحي
ريم : معلشي يا شهد هقفل اصل انا داخله محاضره
شهد : ماشي ياروحي بالتوفيق
وأغلقت الهاتف
شهد في خاطرها : ده الدكتور ماجد ام اروح اتحايل عليه عشان ادخل العمليات
شهد : لوسمحت يا دكتور ماجد ممكن اخش معاك النهارده العمليات
دكتور ماجد : مينفعش يا دكتوره
شهد : والله هخش ومش هعمل حاجه خالص عشان اخد خبره من حضرتك ارجوك وافق
الدكتور ماجد : المرادي بس وسيب تليفونك برا مش هيخش معاكي
شهد : حاضر يا دكتور
الدكتور ماجد : روحي اجهزي بقي
شهد بفرحه : في ثانيه يا دكتور
ذهبت شهد الي غرفه التعقيم وبعد فتره قصيره
دخلت شهد مع الدكتور ماجد غرفه العمليات
★٭٭٭★٭٭٭★٭٭٭★٭٭٭★٭٭٭★٭٭٭★٭٭٭
عند هنا
هنا في المحل
هنا في خاطرها : انا هقوم اطلع اشوف ستي عامله ايه طالما رهف ورغد في المدرسة
وبالفعل قامت هنا بغلق المحل وذهبت الي شقتهم
هنا : ستي انتي فين
ولا يأتي رد
ياستي ومفيش رد
دخلت هنا غرفتها ولم تجدها وثم ذهبت إلى المطبخ
ووجد ستها ملقاه علي الأرض
هنا : يالهوي ستي قومي يا ستي وتقوم بنثر قطرات الماء علي وجهها ولا يوجد أي استجابة
انا اروح اتصل علي شهد تجيب تاكسي أو إسعاف وتيجي بسرعه
وترن هنا علي شهد ومتردش
هنا بدموع غزيره : ردي بالله عليكي يا شهد
يارب اعمل ايه يارب ساعدني
اه افتكرت انا هتصل علي عمر يجي
وكتبت هنا رقم هاتف عمر واتصلت عليه
احمد : تليفونك بيرن يا معلم
عمر : ده شكله رقم غريب
احمد : طب رد يمكن يكون حد من بنات عمك
عمر : صدق عندك حق
رد عمر
هنا بدموع غزيره : ألو يا عمر انا هنا ستي يا عمر
عمر : طب اهدي وقولي في ايه
هنا الكلام متقطع : ستي د خل ت المط بخ لقيتها مش بترد وبتصل علي شهد مش بترد
عمر لأحمد : روح علي بيت الحاجه ناديه بسرعه
عمر : اهدي يا هنا انا معاكي علي الخط اهو دقيقتين وهكون عندك
هنا : بسرعه يا عمر ستي
وصل عمر الي المنزل فتحت هنا الباب إليه و دلف هو وأحمد
عمر :هو فين المطبخ يا هنا
هنا بجري : اهو هناك اهو
دخل عمر الي المطبخ ثم نادي علي احمد
عمر : يا احمد تعالي
ذهب احمد الي عمر
عمر : شيل معايا
احمد سند الحاجه ناديه علي عمر وعمر شال الحاجه ناديه علي ضهره انزل افتح الباب بتاع العربيه بسرعه وانتي اقفلي الباب يا هنا وتعالي بسرعه
هنا بدموع : حاضر انا جايه وراك اهو
حط عمر الحاجه ناديه في الخلف
عمر : اركبي يا هنا ورا وانت تطلع علي اقرب مستشفى بسرعه
احمد : حاضر
عمر : انتي بتعملي ايه
هنا : بحاول اتصل علي شهد ومتردش
وصلوا الي المستشفي
وتم نقل الحاجه ناديه الي غرفه الكشف
كشف الدكتور علي الحاجه ناديه
الدكتور : الحالة ده عندها انسداد في بعض الشرايين الموصله الي المخ
عمر : والحل يا دكتور نعمل ايه
الدكتور : هي دلوقتي هتتحجز في العنايه بس الحاله مش سامحه بتدخل جراحي وربنا يتولها
هنا جلست علي اقرب كرسي وتبكي ذهب عمر وأحمد الي هنا
عمر : هاتي رقم ريم اخليها تيجي عشان تشوف ستك
هنا بدموع : واخواتي دلوقتي هيروحوا من المدرسه هيلقوا البيت فاضي
عمر : انا عايز اوصل الاول لشهد هي في مستشفى ايه
هنا : مستشفى الضياء وممكن تكون في العمليات دلوقتي أو خرجت
احمد : اروح اجبها انا يا عمر وانت خليك جنب ستك
عمر : تمام
اتصل عمر في الأول علي أخيه
عمر : ألو يايوسف
يوسف : ألو يا عمر
عمر : انت في البيت
يوسف : اه في البيت
عمر : اديني امي كده
يوسف : هي جنبي اهي خدي يا امي عمر
روح : ألو يا ضانيا
عمر : انا لقيت ستي ناديه هي وبنات عمي
روح : يا منت كريم يارب
عمر : بس ستي في المستشفى في اسكندريه
روح : انا هلبس واركب القطر واجي
عمر : خلاص ماشي اديني يوسف يا امي
عمر : يوسف انت تاخد امك وتروح علي كليه الهندسه في واحده هتكون واقفه برا هدلك رقمها ده بنت عمك تاخدها معاك ماشي وانا هبقي افهمك كل حاجه وتركب قطر اسكندريه
يوسف : حاضر
اتصل عمر علي ريم
عمر : السلام عليكم انا الدكتور عمر جلال
ريم : وعليكم السلام ورحمه الله وبركاته يا دكتور
عمر : انا ابن عمك اخويا هيجي ياخدك دلوقتي عشان تيجي اسكندريه
ريم بخضه : ليه في ايه
عمر : ستك تعبت شويه وعايزاكي خدي هنا معاكي اهي
هنا بدموع : تعالي شوفي ستك يا ريم
ريم بدموع : حاضر يا هنا
عمر : تمام انا هديله رقمك يتابع معاكي
ريم بدموع : ماشي
وصل احمد الي مستشفي الضياء
احمد في الاستقبال
احمد : لو سمحت عايز الدكتوره شهد هي بتدرب هنا
ثانيه واحده يا فندم هي لسه طالعه من العمليات حالا دقيقتين وهتنزل
احمد : تمام يا فندم
شهد لسه هتميك الموبايل
ممرضه : دكتور شهد في حد تحت عايزك ضروري
بعد فتره نزلت شهد
شهد : اهلا يا استاذ احمد خير حضرتك عايزني في ايه
احمد : الصراحه ست حضرتك موجوده في العنايه في مستشفى ٭٭٭٭٭٭ وانا جاي اخد حضرتك للمستشفى
شهد خرجت مسرعه معه وهي في السيارة
شهد : طب الدكتور قال ايه
احمد : الدكتور قال إن عندها انسداد في الشرايين المؤديه للدماغ
شهد : لا حول ولا قوه الا بالله طب ممكن تليفون حضرتك اتصل علي اختي ريم تيجي اصل تليفوني فصل
احمد : عمر اتصل عليها
وصلت شهد الي المستشفي
ووجدت عمر وهنا جالسين علي المقاعد
شهد تحضن اختها : اهدي ايه اللي جرا
هنا بدموع غزيره : دخلت مطبخ لقيت ستي نايمه في الأرض قعدت اتصل عليكي مبترديش
عمر : ما كنتيش بتردي ليه يا انسه
شهد متجاهله كلام عمر : اهدي يا روحي هتكون كويسه
عمر : بقولك انتي مكنتيش بتردي علي التليفون ليه
شهد : كنت في العمليات ممكن تتديني تليفونك اتابع ريم عشان اول مره هترجع لوحدها عشان تليفوني فاصل
عمر : هي مش لوحدها معاها امي واخويا
الي اللقاء في الحلقه القادمه ان شاء الله يوم الجمعه
ياترا ايه اللي هيحصل
