رواية بنات ليلي
بقلم اسماء السيد محيسن
الحلقه العشرون
بسم الله الرحمن الرحيم
روح : مبروك يا حبيبتي عقبال ما تفرحي بيه وهو عريس
ماجده : الله يبارك فيكي يا عمه عقبال ما تفرحي بالدكتور عمر انتي مش هتشفولوا عروسه بقي يا عمه
روح بإبتسامه : عروسته موجودة يا روح قلب عمتك
نظرت ماجد الي جميله في سعادة ثم قالت : ومين ده يا عمه نعرفها
روح : جميله تعرفها شهد بنت عمه دكتوره جراحه ومحترمه واخلاق و مش بتاعت مشاكل
جميله : اللي ضربتني يا عمه
زوجه أخيها ( زينب) : يا مرك يا زينب مين اللي ضربتك يا بنت باطني
جميله : اه يا اما هانتتي وضربتني
زينب : لأ يا حاجه روح تعرفي أنها هانت بنتي في بيتك يا حاجه وعايزه تجوزيها لإبنك
روح : بنتك اللي غلطانه يا زينب وشهد مغلطتش
جميله بتمثيل الحزن : يعني هتصدقيها هي يا عمه وتكذبيني اني ده انتي اللي مربياني يا عمه
روح : تربيه واعره يا بنت اخويه
زينب : ايه يا حاجه روح ميصحش أكده هو في زي بنتي في ادبها وأخلاقها
روح : بصي يا زينب انا هشتري راحه عيالي وعيالي عايزين ولاد عمهم وصح انا معرفهمش اد أكده بس نمشي ورا المثل اللي يجول اللي ماتعرفهوش احسن من اللي ما تعرفه و هبقي اجي مره تانيه اعزمكم علي خطوبه عمر
زينب : بس المثل العكس وانا عيالي مش هنيجي يا روح ولو بنتي كانت قالت حاجه يبقي فعلا الكلام اللي بنتي قالته صح يا حاجه
روح : انا عندي المثل أكد ايه يا زينب الايام ما بنا يا زينب فتكوا بعافيه
مشيت روح
زينب : انا مش هعاتبك علي اي حاجه يا جميله بس اعملي في حسابك أن خطوبتك علي ابن خالتك قبل خطوبه عمر علي اللي ما تتسمي
جميله : بس يا اما
زينب بصرامه : بت مش عايزه دلع كلمه وقولتها ومش هعيدها تاني فاهمه ولا لأ
جميله بحزن : فاهمه يا اما
عند روح أثناء سيرها
روح لنفسها : انا اروح اطبخ طبخه حلوه اكده واخدها واروح للبنات ويارب الحاج جلال يسامحني
رجعت روح الي منزلها ثم دخلت الي زوجها المكتب
روح : يا حاج جلال
جلال : عايزه ايه يا روح انا مش فاضيلك عاد
روح : مش فاضي لروح ده انا روح
جلال : انجزي عايزه ايه
روح : هنخطب لعمر شهد ميته
جلال : مش انتي مش موافقه وقاعدتي تزمي فيها قدام بنت اخوكي ولا انتي نسيت
روح : منسيتش بس عرفت الغلط من الصح وعرفت اني أنا غلطانه انا هروح لمرات ابني كمان شويه ومش هعود غير علي المغرب
جلال : ماشي يا روح روحي
★★★★★★★★★★★★
عند شهد
ظلت شهد طول الليل مستيقظه ظلت تصلي صلاه الاستخاره مرات كثيرة
هنا : انتي منمتيش طول الليل ليه يا شهد مالك
شهد : مفيش حاجه ابلغ عمي بموافقتك
هنا : تعالي هقولك جوا
دخلوا الي الداخل
نظرت شهد لهنا : ها اقول انك موافقه
هنا بكسوف : انا هقولك الصراحه يا شهد
شهد بإبتسامه : قولي يا ستي
هنا بكسوف : انا بحب احمد
شهد بضحك : ما انا عارفه يا روحي انتي لسه هتقولي يا سعديه ما هو باين عليكي يا هطله
هنا : وانتي رأيك ايه
شهد : اهم حاجه سعادتك وأنه يهنيكي ويستتك انا هعملك حفله يوم الخطوبه من اللي انتي نفسك فيها
هنا : ماهو يوم خطوبتي يوم خطوبتك يا روحي
شهد بتردد : ماهو
هنا بجدية: مالك يا شهد مش موافقه علي عمر ولا ايه
شهد : انا حاسه اني مبسوطه وطايره من الفرحه بس خايفه
هنا : خايفه من ايه يا شهد ايه اللي يخوف ده عمر يا شهد
شهد : ما انا عارفه أنه عمر يا هنا بصي يا هنا انا هرفض يا هنا مش هينفع
هنا : مش هينفع ليه انتي بتحبيه وهو بيحبك ايه اللي ناقص
شهد : خايفه اتلهي واظلمكوا معايا
هنا : انت طول حياتك اهم حاجه احنا فاكره ايام المدرسه الكراسات الحلوه لهنا وريم وانتي تقولي لستي انا مش مهم اي حاجه اهم حاجه اخواتي في كل حاجه اهم حاجه احنا مفيش مره عملتي حاجه عشان نفسك انا بقي المرادي يا شهد اللي هقف في وشك وهتصل علي عمك واقوله انك موافقه
شهد : لأ يا هنا
هنا بزعيق : لأ لعند أمتي عايزه تستني لعند ما تجوزي رغد العيله بصي لنفسك حبه بقي يا شيخه قالك كذا مره أن هو بيحبك ده كفايه أن هو ساب حاله وكل حاجه عشان متروحيش للدكتور لوحدك شالك بمعني شالك عمل كل حاجه انتي عايزاه انتي لو طلبتي ايه بيقولك شبيك لبيك
شهد بصراخ : انتي مش فاهمه حاجه
هنا بزعيق مماثل لشهد : انتي اللي مش فاهمه حاجه عمر بيحبك وانتي هتضيعي حبه في ايديك انتي جه بقي دورنا انا واخواتك احنا اللي هنقف لكي يا شهد المرادي
شهد بصراخ : انتوا كلتكوا عليا ليه
هنا : محدش عليكي يا شهد بس برده هتتجوزي عمر يعني هتتجوزيه
ثم تركت شهد هنا وخرجت
شهد لريم : فين رغد
ريم : قالتلي وانا بسرح شعري هروح استكشف المكان
شهد بصراخ : وتسبيها تخرج ليه وفين رهف
ريم : في الحمام
شهد بصراخ : هنا هاتيلي العبايه بسرعه
هنا : خدي العبايه اهي راحه فين
شهد : راحه اشوف اختك
مشيت شهد لكي تبحث عن اختها
شاهدت شهد تجمع اطفال
شهد : مشفتوش واحده غريبه عليكوا اكده
الاطفال : لأ والله يا خاله مشوفناش حد
ظلت شهد تبحث عن رغد في كل مكان ولم تلقاها
شهد لنفسها : مبدهاش بقي انا لازم اروح لعمي
ذهبت شهد الي منزل عمها
فوجدت عمر ويوسف في الحديقة
عمر : في ايه يا شهد حد جراله حاجه
شهد تأخذ نفسها : مش لاقيه رغد دورت عليها في كل مكان ومش لاقيها
يوسف : يالا يا عمر ندور عليها
شهد : انا هاجي معاكوا
عمر : يالا
روح : في ايه يا ولاد راحين فين
يوسف : مش لاقين رغد يا امي
روح : انا جايه معاكوا
عمر : مالوش لزوم يا امي
روح : ولو رجلي علي رجلكوا
ظلوا يبحثون عنها في كل مكان ولم يلقوها بعد
يوسف : طب ما تيجي نشوف بيت عمي مصطفى كده
شهد : وايه اللي هيوديها هناك
يوسف : عادي يعني يا شهد نتأكد برده
ذهبوا في اتجاه منزل مصطفى الدمنهوري
عمر طرق الباب
مصطفى : ايوه مين
عمر : رغد جيت عندك يا عمي
مصطفى : جو اهي كنت بحكيلها كل حاجه وبقولها امها ماتت ازاي ومين السبب في موت امها ولو مكنتش جيت كان زمان امها عايشه
شهد دخلت الي المنزل بعصبية : انت مستحيل تكون اب ازاي تقول لطفله زي ده الكلام ده اصلا
وجدت شهد رغد في احدي الزوايا وهي تردد انا قتلت ماما
نظرت رغد الي شهد قم قالت بدموع غزيره : انا اللي قتلت ماما يا شهد أنا اللي قتلتها لو مكنتش جيت انا كان زمنها عايشه انا قتلتها
أخذت شهد رغد في حضنها : هش انتي مقتلتيش حد يا روحي
رغد بعصبية : متكدبيش انا قتلتها انا حرمتكوا منها
حضنت شهد اختها انتي مالكيش ذنب ثم ظلت تهدأ من روعتها إلي أن هدأت تمام
حمل عمر رغد
يوسف : هات عنك عشان شكل الحرب العالمية التالته هتقوم عندك
عمر : خد اهي
شهد : بص يا راجل انت تناولا انت تعرفنا ولا احنا نعرفك انا كنت لعند اخر لحظه هاديه معاك بس ورحمه الغالين لو شوفتك قربت لواحده من اخواتي يبقي أقرأ الفاتحه علي أهل بيتك
مصطفى رفع يده لكي يضربها
عمر : عمي نزل ايدك
مصطفى : انت اتهبلتي يا بت انتي ولا ايه بتهدديني في قلب بيتي ونعم التربيه يا ناديه
شهد : متجبش سيره ستي علي لسانك انا اللي يجي جنب اخواتي امحيه من علي وش الأرض فاهم انا أفرط في حقي اه پس هما لأ
خيريه : ايه يا سيت الدكتوره بتهددينا كده ليه ده جزات جوزي أنه بيعرف بنته علي اخواتها وبيحكلها الحقيقة واحنا عايزين البنات الصغيره يتربوا اهني عشان نعلمهم القيم والأخلاق اللي شكلك متعلمتيش منها حاجه يا بنت ليلي
روح : في ايه يا بنت الصوالحه بنات ليلي محترمين ومؤدبين يا خيريه وفوقي لكلامك ماشي وانت يا مصطفى مش دول بناتك اللي خت فدان الأرض من اخوك مقابل تسيبهم في حالهم وبمعني أصح تبيعهم لأخوك جلال
ثم جاء جلال
جلال : روح اتكتمي
نظرت شهد الي الجميع ثم تركت المنزل
عمر : استني يا شهد
شهد : عايز ايه يا عمر من واحده ابوها بعها انا واخواتي محدش عايزنا ولا اب يطبط علينا ويحمي عننا لأ ده بيشكك فينا ولا عندنا ام الحاجة الحلوه اللي كانت في حياتنا ماتت هات يا يوسف اختي
يوسف : هوصلها البيت
شهد بحزن : لأ شكرا انا هروحها انا
أخذت شهد وحملت اختها
رغد بنوم ودموع شديدة : انا قتلت ماما يا شهد قتلتها
الي اللقاء في الحلقه القادمه
