خطيئه اخي (مكتمله)

خطه

#خطيئه_أخي

البارت ١٢

👑استغفر الله العظيم واتوب اليه👑

الطائره وصلت مطار القاهره وباسل وليندا رجعو شقتهم🌏

ليندا : الشقه وحشتني

باسل : وانا كمان .. انا هدخل اغير . عايزه حاجه

ليندا : شكرا

دخل باسل اوضته خد شاور ونام علي السرير وهو بيفكر في كل اللي بيحصل

وفي ليندا اللي لمساتها ليه وطريقتها في التعامل معاه حاسس فيها بتغير
وخيالات من ليله امبارح بتيجي في باله وده مجننه اكتر

باسل : اكيد حلم .

بيكلم نفسه : انا حاسس انه حقيقه . مش عارف افرق اسالها طيب حصل بينا حاجه . لا طبعا مينفعش
انا كنت سكران

ليندا في اوضتها بتكلم ايمان وبتحكلها علي الرحله واللي حصل

ايمان : انا فرحانه انكم قربتو من بعض .

ليندا : بس هو سالني اما صحي انا ضايقتك

ايمان : عادي يا بنتي باسل حاسس . وخايف عليكي

ليندا : بس انا فرحانه اوي . وله نفين يا بنتي كانت هتولع مني
ايمان : ربنا يبعدها عنكم . انتي فين دلوقتي
ليندا: في اوضتي
ايمان : ليه . مش مفروض تكونو مع بعض في اوضه وحده

ليندا : مش عارفه يا ايمي

ايمان : طيب هقفل معاكي وانتي روحي شوفيه كده . سلام

باسل كان بيحاول ينام والتلفون رن . فتح التلفون واتصدم

باسل : انت فين يا حيوان
المتصل : ....
باسل : حادثه ايه . انا جيالك

قام باسل بسرعه ولبس هدومه ..

ليندا شافته وهو لابس ونازل : انت رايح فين يا باسل

باسل : مشوار مهم
ليندا : مشوار ايه . احنا لسه داخلين
باسل : خلي بالك من نفسك . سلام .

خرج من الشقه وقفل الباب وليندا مستغربه هو ليه متسربع كده.
باسل ركب العربيه وراح علي المستشفي كان باسم اخوه العربيه مقلوبه بيه وايده مكسوره ومتعور جامد

باسل بلهفه : مالك يا باسم

باسم : العربيه اتلقبت بيا . انا بقالي اسبوع هنا في المستشفي
باسل : شوفت اخرت اللي عملته في ليندا . ظلمتها

باسم : انا هتجوزها وهصلح غلطي

باسل قلبه دق من الكلمه : مش هينفع خلاص هي اتجوزت
باسم : مين
باسل : انا اتجوزتها اما حضرتك هربت وسرقت الفلوس . انا اتجوزتها
باسم : خلاص طلقها
باسل : اطلقها
باسم : اه طلقها وانا هتجوزها
باسل : مينفعش طبعا .انت بتقول ايه ..
باسم سكت ومردش عليه
باسل : ارتاح وانا هخرج اطمن من الدكتور علي حالتك