# اسيرة_الشيخ_شاهين
# بارت 5
# للكاتبة_ريتاج الموسوي
...شيخ عمي رعد وداني يريدك
شاهين ..شيريد
..مادري
..خوش روح وانه جاي وراك
ضليت افكر شيريد مني رعد معقوله غير رأيه وراح يوافق يزوجني علاهن
لو مدبرلي مكيدة
ردت اروح اخبر ابوي بس ..ابوي اعرفه يخاف عليه ومراح يخليني امشي احسن شي اروح بدون مايدري واذا سألني اگله جنت بالبستان
رحت لبيته جان واگف بالباب و وجهه مايتفسر عرفت اكو شي
ماحجه وياي طول مااحنه بالباب بس رد السلام بثگل ومن وره خشمه ...
دخلت للديوانيه وهو على نفس الجمود
جر نفس وگال ...انته تريد علاهن
..اي اريدها اليوم وباجر وعگبة ولايمكن اتخلى عنها
رعد...انه ماردت ازوجها الك لان اكرهكم
واگولهه بوجهك ماخايف منك
بس ياحيف بتي وگفت بوجهي ..وتهددني لو اوافق لو تاخذك غصب عني
صاح بصوت عالي ...تعرررررف يعني شنوووو بتي تهددددني
كله بسبببببك وانه مو عاااجز لا
اگدر اذبحها واذبحك بس الوادم تلومني وكلها راح تتهمها بشرفها ...يعني بكل الحالات راح ينحجه عليه
لزمتني من الأيد التوجعني ...بس عفيه گدرت شلون تنتقم مني
شاهين ...عني انته شجاي تحجي
والله ماانتقم منك علاهن احبها وما ...رفع ايده بوجهي
...
العندي گلته لاتكمل
الخميس الجاي تجي تعقد عليها وتاخذها غير الخميس مالكم مرة يمي فهمتتتت
بس شوووف هذا الحجي خليه ترجيه بأذنك وانه كلتلها هم
اذا اشوف علاهن بالشارع لو بأي مكان
صدگني ساعتها كتلها حلالي
شاهين ...عمي ليش تقسى هيج على علاهن ترا ماسوت شي غلط
رعد...ههه ماسوت شي غلط؟
ليش شنو الغلط بعد وين صايرة بت تتواعد وتوگف بوجهه ابوها تتحدا
والسبب ياهو انته ..احلفك بكل عزيز عندك لو صايرة بعرضك ترضاهه
دنگت ماحجيت شي
...هاا شو دنگت صعبه مو
شفت شلون انه نكسر گلبي وحيلي مات
أنت تقرأ
اسيرة_ الشيخ _شاهين
General Fictionمساء الخير والسعادةلقلوبكم... متابعيني الاعزاء مثل متعودتو رجعتلكم وقصه مختلفه واحداث مشوقه تتحدث عن العشائر واحكام الشيوخ...عنوان قصتنه... أسيرة _الشيخ_شاهين...انتظروني قريباً بقصة جديده انشاء الله تعجبكم ولتنسون اظغطون نجمه+ تصويت +متابعه ليصلكم ا...
