اسيرة_ الشيخ _شاهين

غش من البارت القادم

# اسيرة_الشيخ_شاهين

# غش من البارت القادم

باوعت عليه...
-شاهين اني موافقة نتزوج

شاهين -صدگ

-اي صدوگ اني ما الي احد غيرك
بس انته سندي واشوفك واگفلي بكل الأحوال
رغم الي سويته متخليت عني

شاهين-هذا واجبي
صدگيني كل السويتة مو لأجل غاية
بس علمودج لان تكسرين خاطري وانه المتكفل بيج هسه
بس تدرين هذا قرارج فرحني

-انته تحبني ؟

-ها
-شنو اعنيلك؟ وليش قررت نتزوج من جديد

-شوفي مريم
انه بصعوبة وحدة تدخل گلبي -خلي اكون صريح وياچ
حبيت المرحومة من كل گلبي ومن توفت
گلت خلص گلبي قفلته ومفتاحة ضيعته
فجئه طلعتي
بحياتي بدون اي مقدمات ...انفرضتي عليه
وانه گلبي ينزف رغم طول السنين احسها عايشه بگلبي وبروحي

بس مع الأيام حسيت انه انجذب الج بصورة موطبيعيه
كلشي منج يلفت نضري
سوالفج ابتسامتج كلشي ..رجع گلبي يدگ مرة ثانية وانعادت نفس النبضات
اثاري الحب مايحتاج باب وقفل يدخل للگلب بدون استإذان

مريم.-يعني كلامك جد
لو متعود ع النثر وتسطير الكلام مثل دفتر المذكرات

فتح عيونه بصدمة -....مريم بداعة اهلج
شقريتي من الدفتر

مريم-ماقريت شي بعدني بالبداية بس حبكم انته وعلاهن
بس ليش هيج متخوف

-سبق وگتلج بيه شغلات خاصه مااحب احد يشوفها
وها خلي ابالج انه خصوصياتي
لو اشوفها الج بأرادتي لو اذا منعت عنها مستحيل تتقربين الها خط احمر

-شمعنى

-بكيفي شلج بدوخة الراس خلينة بواقعنه
وگوليلي اي وقت يعجبج نملچ

-بكيفك الوقت الي تشوفه مناسب انته

-باچر عادي

-اي عادي

-بس شوفي هذا الشي محد يدري بيه بس امي
لان ابوي عباله احنه هسه حالنه حال اي متزوجين فهمتي عليه

-تمام ماعندي مشكله اني كوله نفس الشيء سواء يدري او لا

-خوش چا ابوي باجر عنده مشية وراح يروح
وگالي تروح وياي
انه راح اگله مااگدر وتعبان حته نملچ لا من شاف ولا من درى بيناتنه

*******************
ثاني يوم الساعه 10:00

سلمان ..يلا شاهين روح بدل وتعال وياي خل نروح للمشية

-لابويه ماروح تعبان

-شني ماتروح ولك انته الشيخ بمچاني الوادم تنشد
اعليك

شگللها من تزوج گام مايطب الدواوين
والمشيات

-لابوية بس احس روحي مريض شوية ومالي خلگ

-شعندك

-راسي كلش يوجعني مااشوف دربي

-خوش ضل هنا
چا ادهم مااجه اليوم

-لا بويه مااجه خابرني وگال هذا الأسبوع كله مااجي عندي شغل بالصيرفة

-هاا يلا انه رايح

-الله وياك بوية

راح ابوي وانه رحت جبت السيد يعقدلنه جبته من غير عشيرة مايعرفني حتى لايروح يسولف للوادم

مريم..للعصر
اگلب بالملابس الي جايبينهن الي عود
الألوان احمرر فاقع واصفرر وبرتقالي
شنو هاي حتى عيوني دمعت ...لگيت واحد لونه بيجي
لبسته
شسوي ملابسي مايقبل بيهن شاهين
اضطريت البس من ذني

اجتني عمتي...يعع فلك طرچ تردين تزلين هجي جدام السيد
من غير عباية

مريم..يا نسيت هسه اروح لحليمة تنطيني عباية

بسعاد..تعوج حلگها ..منين تجيبلج حليمة
اذا يومية لابسة وحدة وشارده بيها

مريم..عمه شسالفه كول بشر يغلط
واني غلطت واعترفت بغلطي بعد شسوي

بسعاد..على كيفج اكلتيني بلسانج روحي واخذي منها بس فضينه عيي السيد جاعد متاني

رحت لحليمة اخذت العباية
لبستها وعمتي غطتني بشال على وجهي
گعدتني بالباب مالت الديوانيه جان مفتوح ع النص
حجه السيد
وگال رددي وراي شنو اگول
بقه يحجي واني اردد وراه لمن خلص دوري
والتفت لشاهين بقه يحجي وياه مثل مگلي

اخر شي باركلنه وطلع
هلهلت عمتي ودخلت للغرفه لبست روب ابيض وگعدت ع الجرباية

دخل شاهين

-الف مبرووك حبيبتي صدگيني مراح تندمين على قرارج هذا

-الله يبارك بيك
اكيد مراح اندم لان انت رجال قليل موجودين منك

-مسح بأيده على شعري -يلا گومي نصلي ركعتين حته الله يبارك بينه

-ركعتين شنو

-اهوو نسيت انتي ماتعرفين هاي السوالف
انه راح اصلي الوحدي وبعدين راح تتعلمينهم واطبقينهن بعد

اشوفه صلى واني بس گاعده واباوع لصلاته هاي شنو ماعرف وره ماخلص
اجه يمي گعد بقى يسولف شلون يحبني ويهتم بيه
ومراح يخلي احد يلمس شعره منج

وراها صرت زوجته عن حق

قرب الفجر يطلع واني منايمة شسويت بروحي شنو هذا التصرف الغلط
ليش قبلت اتزوجه واني مااالي اي مشاعر اله
مجنت متوقعه راح اتزوج بهاي الطريقه ..جنت احلم احلام ورديه
فجئة گعدت من هاي الأحلام لگيت نفسي بغابة مليانة ذياب وكلها تريد تنهش لحمي

شسوي لو خطتي مراح تنجح ..اذا فشلت هالمرة
راح اخلص من حياتب للأبد مراح استسلم

هذا غش من البارت القادم ان شاءالله
ردت انزل بس مانزلت
لان حلغي عطلتي علمودكم وعلمود انهيها بسرعة القصه
لتضوجون مني ولاتعلقون بتعليق جارح رجاءا
لو مااحبكم مجان نزلت الغش اليوم وخربت البارت
الي بي مفاجئه 🤪
ويحتاج هواي يلا اكتبه واطول بي

تصبحون ع خير