//////Unicode//////
"မိသားစု ဓာတ်ပုံရိုက်မယ်လေ"
ဘယ်သူက ထအော်လိုက်လဲမသိပေမယ့် "နမ်ဂျွန်း"မျက်နှာက ရှုံ့တွသွားတာအသိသာကြီးပင်။ မြို့နယ်တရားရုံးမှာ လက်မှတ်ထိုးအပြီး အိမ်မှာ ဧည့်ခံနေခြင်းဖြစ်သည်။
အိမ်နီးနားချင်းများက တကယ်ဘဲဒီပွဲကိုလာချင်စိတ်ရှိတာလား??? ယောကျာ်းငယ်ငယ်လေးယူလိုက်တယ့်သတင်းကို လာအတည်ပြုတာလား မသဲကွဲတော့၊ သေချာတာကတော့ ဒုတိယအချက်သာဖြစ်ဖို့များသည်။
ခုတော့ ခြံရှေ့မြက်ခင်းပြင်ပေါ်မှာ လူစည်နေတာတော့အမှန်ပင်။
"နမ်ဂျွန်း ဟိုမှာဓာတ်ပုံရိုက်ဖို့ခေါ်နေတယ်"
ကိုယ့်ပုခုံးကိုလာဆုပ်ညစ်ရင်း စကားဆိုလာသော"ယွန်ဂီ" ၊ ပါးစပ်လှုပ်ရုံပြောသွားတာက.."မင်းမျက်နှာအဲ့လောက်ကြီးပျက်မနေနဲ့တယ့်"၊ ဪ...ကျွန်တော့်မျက်နှာက အဲ့လောက်ကြီးသိသာနေပြီလား???
"သား...လာလေ"
အိုမား ဘေးမှာဝင်ရပ်လိုက်တော့ ထိုလူသားက ဟိုဘက်ကိုအနည်းငယ်တိုးပေးသည်။ကျွန်တော် မသိကျိုးကျွံပြုရင်း အတတ်နိုင်ဆုံးမျက်နှာကိုပြုံးထားမိသည်။
ခင်ဗျားတို့သိတယ့်အတိုင်း ဟန်ဆောင်ပြီးပြုံးရတာ သိပ်ခက်တယ်ဆိုတာ။
"ဘာလဲဟ...
လုပ်ပြုံးကြီးမှန်းသိသာလွန်းတယ်"
"ဆော့ဂျင်" ခပ်ကြိတ်ကြိတ်ရေရွတ်ပြီးအကြည့်တွေလွှဲပစ်လိုက်သည်။ ကိုယ်က သူနဲ့ရင်းနှီးအောင်လုပ်ပြီး သူ့အမေကိုအပျော့ဆွဲဆွဲမို့ဟာကို ၊ ဒီစိတ္တဇကောင်က ထင်သလောက်မလွယ်ဘူးဘဲ...။အဟက်..ငါကလဲ အဲ့လိုအကြောတင်းတွေကိုမှ သဘောကျတာ၊ သိပ်ပျော့ညံ့လွန်းရင် ပျော်စရာမကောင်းတော့ဘူးလေ..အဟွန်းး။
အတွေးများကိုပုံဖော်ရင်း စိတ်လွတ်လက်လွတ်ပြုံးလိုက်မိသည်။ ကင်မရာမီးရောင်အောက်မှာ ကျွန်တော့်အပြုံးကအသက်ဝင်နေမှာအသေအချာ၊ "ကင်မ်ဆော့ဂျင်"ဆိုတာ ထိုလိုလူမျိုး။
"ကဲ...Post နောက်တစ်မျိုး"
ခု ပုံစံက သားနှစ်ယောက်ကိုဘေးမှာထားပြီး အမေနဲ့ဓာတ်ပုံရိုက်နေသလိုပင်၊ လူတွေက ပါးစပ်ကသာ ချီးမွမ်းနေကြတာ အကြည့်တွေက ကဲ့ရဲ့နေမှန်း "နမ်ဂျွန်း"သိသည်။
ဒါပေမယ့် အိုမား ပျော်နေတာဘဲ..၊ ကျွန်တော်ကျေနပ်ရမှာပေါ့လေ။
