حياة اليتيمة 🖤

الحلقة 1

كنت راقدة ف السرير ونبكي نبكي ع حظي نبكي لاني قعدت مزلولة بينهم واني نبكي جتني مرت عمي خيرية
خيرية: نوضي نوضي بيبي زايد نوضي كان بديري الغدي
نسرين: به نضت غسلت وجهي ودرت الغدي
وع خشت عمي
عبد الله: كيف حالك بنيتي
نسرين:الحمد لله وانت
عبد الله: الحمد لله ف خير ونعمة
نسرين: هي تعالو تغدو
عبد الله وقاسم وعلي:هي
وزياد ركب من غير مايقول حتى كلمة
نسرين: زياد تعال تغدى💔
زياد من غير مايتلفت ماخاطريش
نسرين:💔💔
عبد الله: تزعليش بنيتي زياد مضغوط من الخدمة بس
نسرين: لالا عادي ي عمي 💔
وقعمزنا تغدينا واني تفكيري ف عالم تاني
نسرين: الحمد لله
عبد الله : اللطف مهناك ماكليتي
نسرين: لالا الحمد لله شبعت
ونضت من الغدي
انتصار&مودة: انشاء الله ناكلوه ف عزاك
قاسم: ف عزاكم انشاء الله خوت القهرة حقودات
مودة: شهقت ي بابا ع شني حقودات
خيرية: ياسر سحرتكم الحية
قاسم: ناض خبط الطاولة عليكم عيلة الزح
عبد الله: اقعدو فيها نهار احرف
خيرية: سحر مروجهم ي كبدي وشبحت ل علي
خيرك انت تشبح
علي: خيركم عليها البنت ياسر حرام عليكم يتيمة
انتصار: مسكين وخيي ساحراتك
علي: ضمي فمك انتي خير ما انوض نعجنك
انتصار:😠😠😠😠
خيرية: تي حية هيا انتم ماتعرفوش
علي: بناتك حاااااسدينهااااا
مودة&انتصار: ع شني ي كبدي
علي: ع جمالها وانتم شكلكم زي بوعجيلة جارنا ع جسمها يلي منسق وانتم زي الجيلاطي جسمكم ع اخلاقها يلي انتم اخلاقكم جاية من الخرارة(حشاكم) ع اسلوبها يلي يفتح النفس مش انتم اضيقو النفس وناض خبط الطاولة اقعدو ف دين امها
خيرية: السحر كلاهم ماكلة
مودة: امتى بتنتلف ونتفكو منها
خيرية: كرهتها
.
.
.
.
عندي اني يلي عيوني تورمو من الدموع وجعتني الكلمة علاش تاكله ف عزاي اني شن درتلهم ياريتني نلحق امي وبوي ونتفكى اااااااخ ياربي تعبت تعبت حرام عليهم علاش 😭😭😭😭😭
.
.
.
.
عند الاولاد
علي: شن هداااا امكم ماتحسش بكلللل واجعتني البنت لا ام لا بو ولا خو ولا سند ف حياااتهاا
قاسم: به شن بدير تراا خوتك كان نلقى نحطهم ف ست البيت ونفرمهم تي شن هدااا الهم الاحرف
علي: يكفي ان مبطلة البنت من قرايتها الجامعة ماخشتلهاش زي باقي البنات وبناتها مخليتهم اربعة وعشرين ساعة خاشين طالعين البنتبي يجيها التوحد راه
قاسم : وانت خيرك ساكت تكلم ولا دير لقطة
زياد: شن بندير به امكم وتعرفوها ماعندي ماندير
علي: تي انت كنت تحبها وتقول اختي اختي وديما معاها شن يلي غيرك عليهاااا النم
زياد: ماتغيرتش لاكن لاهي ف الخدمة
قاسم: واااضح متغيرررر
زياد: ناض متعفلق وكسر المزهرية تبووووني نقوللها اني معااااش نشوف فيها اختي الصغيرونة تبوني نقوللها ان الحب متع الاخوة تحووول ل حب تاااني تبوني نقوللها اني لمانشوفهااااااا قلبي ينبض ب قوووة
قاسم&علي:😳😳😳😳😳😳😳😳😳
زياد: الموضوع هدا مانبيش ولا جن ازرق يعرف بيه
قاسم: ق ق قصدك تتتتحبهاا 😳
زياد: ايي اييي نحبهاا اييي
علي: تجوزها 😳
زياد: تي شن تحسابه الموضوع ساهل ولا كيف امالا من امك وخوتك
علي: انشاء الله خير وخلاص 😳
قاسم: نمشي نشوفها انشاء الله غر قاعدة حية البنت
علي: جاي معاك
قاسم: هي
وناضو الزوز مشو ل نسرين وطقطقو وفتحت الباب
قاسم: خيرها بنيتي زعلانة
نسرين:☺💔 لالا مافيا شي
علي: فوتيها ع غيرنا خوتك احني نعرفوك
نسرين: مضايقة بس
علي: خيرك شن في
قاسم: طبعااا بتضايق ليها قريب 4 سنين ماطلعتش
علي: والله عندك حق
قاسم: ف لي هدا انسة نسرين توا بتنوض توتي روحها
نسرين:😳 علاش
قاسم: بتنوضي ولا نجيب بي الطوبو متع الغاز 🙂
نسرين: لالا مانبيش
علي: هي عاد ع خاطرنا ع الاقل
نسرين: به حاضر
قاسم: هي نراجو فيك
نزل قاسم بدل هوا وعلي وبعدها نزلو ولعو السيارة واني لسبت عباية ازرق كحلي كانت اول مرة نلبسها جابهالي عمي ومعاها وشاح بيج وشنطة وسبيدرو نفس اللون ونزلت
خيرية: وين وين ي ماما
نسرين: طالعة
خيرية: هدا لي كان ناقص غر انتي تطلعي
قاسم: هيا نسرين اطلعي 😠
خيرية: ماهي طالعة الا ع جتثي
عبد الله: عليا الطلاق لو ماتطلعش اليوم بناتك نبطلهم ويقعمزو ف الحوش هما مش خير منها
خيرية:😠😠😠 مشت وهيا متنرفزة
قاسم: هيا نوسة
نسرين: عادي والله ماهو لازم والله
قاسم: تواااااا قدااااامي تطلعي
عبد الله: امشي ي بنيتي تعدليش عليها مهبولة هادي
وطلعنا وكنت نتفرج ع الطريق وب لهفة لاني ليا اربعة سنين ماطلعتتش من موتت ماما وبابا وبعدها درس قاسم السيارة ونزل هوا وعلي  للسوق واني قعدت نراجي وبعد ربع ساعة جو وفي ايديهم شكاير معبيااات بالشكاليط والبطاطات وكل شي وركبو وفتحو اغاني والحق غيرولي جوي وبعدها درسنا ف مكان ونزلنا والمكان هدا زي المنتزه قعمزنا شوية وبعدها قاسم ناض رد ع التاليفون ومشي ( عنده موعد😂) وبعدها قعدت اني وعلي نهدرزو وبعد ساعة ممكن او اكتر جي قاسم ومع بنت قنينة و واضح عليها عسولة وتنحب اسمها كان ريهام
ريهام: السلام عليكم
علي&نسرين:وعليكم السلام
قاسم: هادي مرتي المستقبلية 😁
ريهام :☺☺☺☺
نسرين: تهبل محلاها
ريهام: انتي احلا حبيبتي
قاسم: قعمزو تعرفو ع بعض
وقعمزت بحداي ريهام وعلي وقاسم مشو للكافي
ريهام: شن اسمك
نسرين: نسرين وانتي
ريهام: ع الاسامي اني ريهام
نسرين: سلمك وع الاسامي
ريهام: مواليد كم انتي
نسرين:96 وانتي
ريهام: اني 95
وقعدنا نهدرزو وهيا كانت تعرف ب كل شي يصيرلي لان قاسم كان يحكيلها
وبعدها جو الاولاد وهدرزناا مع بعض ونضنا روحنا واول ماوصلت الحوش لقيت مرتي عمي حاطة ايديها ف نصها وقارنة حاجبها ( وووه عليها كان اني راهو حدفتها ب حاجة 😒) وخشيت والاولاد طلعو وعمي كان مهناش
خيرية: الحقيني مرض
نسرين: به
واول ماخشيت الدار لقيت انتصارو مودة
نسرين: خيركم  😳
انتصار&مودة&خيرية:.........
.......
.
.
.
............يتبع
.
.
.
انشاء الله تكون نالت اعجابكم يارب
.
.
.
.
                        للكاتبة؛heba_kalifa 💛