حياة اليتيمة 🖤

الحلقة 6 ماقبل الاخيرة

زياد: اطللللعي تواااا نبيييييييك
خيرية:اسكت اسكت حشمتني
زياد:حشمتك شني خيييررررك علي نسررييييييين خيرررررررك
خيرية:ماخيرني شي 😒
زياد: اني بنطلع منه الحوش واقعدو ف امه
خيرية:😳😳 لالا ي وليدي تخليش الساحرة تسحرك عليا
زياد: نسريييييييين مش سحااااااارة افهمييييي النممممممم
وطلع زياد قربع الباب وراه ومشي ل عمي عبد الله
.
.
.
.
.
عبد الله: خيرك ي ولد
زياد: تي شن هدا ي بوي معقولة عروسة ليها يوم بس تعامل فيها هكي معقولة
عبد الله: ي وووه عليا بس شن دارتلها
زياد: تقول ل مرت قاسم بنيتي وهيا تقوللها مرض ولزتها قدام الجارات
عبد الله: به شن بندير درنا كل شي 😔 والله واجعتني البنت هلبا
زياد: اني قررت ي بوي خلاص احسن حل
عبد الله: شن هوا
زياد: اني بنطلع من الحوش
عبد الله: لالا ي ولدي لا تحرمني منك ومن بنتي
زياد: به ي بوي شن بندير به
عبد الله : 😔😔😔
وطلع زياد هوا وقاسم
.
.
.
.
.
عندي اني وريهام
ريهام: نوسة حبي
نسرين: نعم 😔
ريهام: عاد هيا اضحكي تعدليش عليها
نسرين: كيف ي ريهام راهو والله عيت راه
ريهام: شن رايك غدوا نمشو جردينة 😋
نسرين: لالا منبيش 😔
ريهام: عاد هيا ع خاطري
نسرين: سامحيني ريهام والله ماخاطري
ريهام : عارفاتك تحبينيش 😔
نسرين: لا والله نحبك اكتر من اي حد راك اختي 😔
ريهام : به كان تحبيني غدوا نمشو
نسرين: به حاضر 😔💕
وحضنتني ريهام بعدها روحت ل شقتها ( هما يسكنو فوق العيلة 🙃) وبعدها جي زياد
.
.
.
.
.
زياد: نوستي
نسرين: نعم
زياد: شن رايك ن... تررن ترررن اياه مني هدا الووو
قاسم: ايوااا
زياد: خيرك استحشتني 😂
قاسم: برا مرض قتلك
زياد: نعم
قاسم: ريهام اقترحت عليا نمشو غدوا للجردينة ومنه حتى نسرين تغير جوهاا
زياد: والله حتى اني كيف بنقوللها
قاسم: خلاص امالا تم
زياد: تم
نسرين: مني
زياد: قاسم قتلك
نسرين: نعم
زياد: غدوا بنمشو للجردينة
نسرين: اي قتلي ريهام
زياد: اي شن رايك
نسرين: اي عادي
زياد: خلاص امالا تم
نسرين: تم 😊
زياد: نوستي
نسرين:نعم
زياد: تعدليش عليها امي
نسرين: لالا عادي 😔💕 اصلا متحملة ع خاطرك 💕
زياد: خيتي سلمهاا
نسرين: 😂😂😂💕
.
.
.
.
.
عند ريهام وقاسم
ريهام: قاسم
قاسم: عيونه
ريهام: سخفتني
قاسم: من هيا
ريهام : نسرين
قاسم: حتني 😔
ريهام: معرفتش خيرها امك عليها
قاسم: يخي باهي امي مسكتة قدامك
ريهام: شفت بعيوني
قاسم: كيف شفتي
ريهام: مادرتش فيها خير اليوم بكلل
قاسم: شن دارتلها 😳😳
ريهام: اليوم مقعمزين مع جاراتكم قعدت تقول ريتو ريهام كنتي محلاها
قاسم: به
ريهام: مشي ناضت وحدة من الجارات قتلها حتى نسرين قنينة
قاسم: اي اي به
ريهام: ناضت امك قالت ماريتلها حلاوة نسرين ولت حمراااا كلها مع بعضها مشي الجارةة قالت لالا نسرين كل حد يتمناها
قاسم: بهههه
ريهام: ناضت امك قتلها اني مش راضية عليها الجوازة هادي وبعدها قالت ل نسرين نوضي ديري حاجة مرض
قاسم:😳😳😳😳 ءءء اي به
ريهام: بعدها جيت بنوض معاها ناضت قالت امك لالا بنيتي اقعدي استريحي قتلها لا نبي نمشي ومشيت معاها خشيت لقيتها ف حالة مايعلم بيها الا ربي
قاسم: كملي 😳
ريهام:😔 بعدها قعمزنا ناضت امك قالتلها نوضي اركبي سادك ناضت هيا واني كيف بنوض معاها قتلي امك خليك بنيتي ونسرين قتلي خليك 😔
قاسم: لا حول ولا قوة الا بالله 😔💔
ريهام: هدا باش قتلك نمشو للجردينة نغيرولها جوها
قاسم: اي هدا احسن حل
ورقدنا كلنا ونضنا تاني يوم وتينا كل شي وقعدنا نراجو ف قاسم وزياد وقلنا ل علي يمشي معانا والساعة 4 طلعنا و وصلنا للجردينة
.
.
.
.
.
نسرين: الجردينة تفتح النفس
ريهام: اي والله عندك الحق
قاسم&زياد: وحني غامينكم
ريهام&نسرين:😂😂😂😂
قاسم: زيدو مدو سنونكم زيدو
ريهام:😁😁😁😁
نسرين:😂😂😂😂😂
وقعمزنا قعدنا نهدرزو وبعدها قعدنا نتمشو كلنا مع بعض وغيرنا جونا الحق هلباااا وبعدها رجعنا قعمزنا ومشو جابولنا شكلاطات وحاجات ( سفهتني☹️💔)
لين ادن العشاء نضنا لمينا حوستنا وروحنا للحوش ولقينا البلوة 😒
.
.
.
.
.
خيرية: ريهام بنيتي وين كنتو
نسرين: كنا ف الجردينة
خيرية: ضمي فمك ماكلمتكش
زياد: الرححححموووون
قاسم: اففففففف
خيرية: اي وين كنتو بنيتي
ريهام: قتلك نسرين🙂
قاسم : زودي اركبي
زياد: هيا نسرين
وركبنا لي حياشنا واني خانقتني العبرة 💔😔
.
.
.
.
.
زياد: نسرين دوريهاش
نسرين:لالا عادي حبيبي
زياد: عاوديها الكلمة 🙂
نسرين:عادي😳
زياد:لا لي بعدها 🙂
نسرين: حبيبي😳
زياد:احححي محلاها الكلمة 🤤
نسرين:🙈🙈🙈💕
وخشينا رقدنا
.
.
.
.
.
عند قاسم وريهام
ريهام: مش معقولة راه
قاسم: به الحل كيف
ريهام: كان اني بدالها راهو انتحرت
قاسم: انتحرت مرتين 😔
ريهام:😳😳 بجديات
قاسم: اي وربي جديات
ريهام: حي حي كيف
قاسم : مرة لقيناها فاتحة الشريان ف يدها
ريهام:😳😳😳😳😳 كيف
قاسم: معبية البانيو امية والدنيا كلها دم انقدناها ف اخر لحظة 😔
ريهام:😳😳😳
قاسم: وتاني مرة خدت حبوب منتهيات صلاحيتهم
ريهام:😳😳 يناري عليك ي وخيتي
قاسم:😔😔😔 واجعتني هلبا
ريهام: قصدي كيف اني مش قادرة نستوعب 😳
قاسم: شن بديري به 😔😔
ريهام:😔💔
وخشو رقدو لانهم كانو تاعبين هلبا
.
.
.
.
.
عند اللفعة هاديكة ف الكوجينا
خيرية: فشلت خطتنا ع اساس بنقتلوها وفشلت
انتصار: به والحل ي امي هيا زي الخرا حظها قوي هلبا
خيرية: كارهتها هلبا كل يوم زايد كرهي ليها
انتصار: يمي حسستيني اني نحبها توا
خيرية: عاها قعدت قداش ما نتمناها تموت
انتصار: به كيف بنتخلصو منها
خيرية:امممم مش عارفة
انتصار: فكري ي امي انتي دماغك شغال
خيرية: قالولك أينشتاين
انتصار: لا ي كبدي احرف منه
خيرية: قولي مشاء الله
انتصار: مشاء الله مشاء الله
خيرية: اهااا جتني فكرة
انتصار: شن هيا
خيرية: نديرولها سحر
انتصار: كيف
خيرية: سحر يخلي زياد يكرهها
انتصار: به
خيرية: وبعد مايكرهها زياد اكيد ح تطلع او تنتحر
انتصار: اي صح
وطلعو من الكوجينة ولقو قدامهم ......
خيرية&انتصار:😳😳😳😳
.....:😡😡😡😡😡😡
.
.
.
.
.
.
.................يتبع
.
.
.
.
.
. انشاء الله تكون نالت اعجابكم يارب
.
.
.
.
.
.
.                                 للكاتبة:heba_kalifa 💕