#فرحي و فرحتي
البارت الرابع و الثلاثون
ل ورد العامري
-السلام عليكم
-وعليكم السلام
-تعيشون واذكرون ان شاءالله
زياد: طب سلم خالي ورباب وامها فاتن جوه
-هاا ده تصبون
مهدي: اي والله شلونك عمي ابوكريم
-بخير حبيبي الحمدلله
زياد: عفتهم وطبيت شجابهم ذوله
نازك صيحي بيبي
ام عادل: ها كمل الغده
زياد: ذوله شجابهم
ام عادل: منو
زياد: اخوج وبنته شجابهم
ام عادل: شنو شجابهم غير اني عزمتهم عله سنه اخوك
زياد: انتي عزمتيهم
ام عادل: اي لعد غير لبنيه تحضر سنه رجلها
زياد: ياعيني شكد انتي وهيه حاطين اعتبار اله
ام عادل: زياد لاتلح محد بحالك تره لبنيه جايه وجايبه بناتها حته يحضرون سنه ابوهم
واني عزمتهم
زياد: هههه اني الي مو بحالهم بس وجودهم يلعب نفسي فرح جوه يمه لتخلوني اكلب السنه عله روسكم
ام عادل: مااحاجيك لان الي بيه كافيني
زياد: اي خطيه حزانه اذكرتو لمواجع ههههه الي يسمعكم ايصدك والله
صبينه الغده والتمو الزلم. وحد والنسوان وحد
مهدي اصعد ابدل صرت دهن
دخلت للبيت النسوان ملتمين بالصاله
غسلت وصعدت بدلت ونزلت
فرح واكفه ع مغسله تغسل ايدها
بالعافيه
فرح: الله يعافيك تعيش كد ترابه وتذكره ان شاءالله
زياد: تعاي للمطبخ
باجر ويانه اكيد
فرح: وين
زياد: نطلع لكربلاء
فرح: مادري والله خل اشوف
زياد: ششوفين تجين ويايه اريدج
فرح: اشوف بابا شيكول
زياد: ابوج كال مااكدر اجي عندي دوام بس امج يمكن تروح
فرح: لامتروح متعوف بابا وحده
زياد: امج متعوف ابوج وحده بس انتي تعوفيني وحدي
فرح: الوضع يختلف ههه
زياد: شنو الي يختلف انتي مو هم مرتي لو اني غلطان
