احتاج لحضنك

الم

فتح عيونه بصعوبه وهو يحس بالالم ينهش كل جسمه ... بصعوبه جلس وناظر حوله ودموعه تنزل بصدمه وهو يشوف النيران تلتهم السياره حاول يوقف وماقدر
قال بصوت مخنوق بالقوه يطلع منه : يماااااااه
دموعه صارت تنزل بضعف وهو يحاول يزحف لسياره بس كانت رجله عالقه تحت حطام طلعت صرخه منه : يمااااااا يبااااااا
بدت شهقاته ترتفع وبدت صرخاته تطلع : طلعو من السياره تكفووون
سمع صرخت شخص : فيه ولد عايش
ناظر لمصدر الصوت ودموعه تنزل بعنف : طلعوهم ابي امي وابوي طلعوهم قاعد يحترقون
ركضو مجموعه شباب له وبدو يرفعون الحطام وهو يصرخ عليهم ويقول طلعو اهلي انا بخير
طلعوه وهو لسا يصرخ جت الاسعاف وشالته وشالت باقي الجثث وهو يصرخ فيهم يتركوه ويطلعو اهله بس لاحياه لمن تنادي

بعد ساعات طويله على بطلنا الصغير
كان يناظر للفراغ ودموعه على خده كل شي فيه معتفس مغبر ورايح فيها والدم الي جف عليه وملابسه الي تقطعت ... شهقاته تطلع من شفايفه وهو يحاول يكتمها بس ماقدر ... فقدهم ... فقد اهله !.
زادت دموعه وبدا جسمه يهتز من البكاء وصوته يعلى تذكر الحادث والحريق ... غطى وجهه بيديه
اقتحم الغرفه بهدوء وعقد حواجبه من هالورع الي مايفهم : انا ماقلت غير ملابسك
رفع نظره وناظره بحقد : انقلع
طارت عيونه وشد على قبضته يحاول يمسك اعصابه لاتفلت تمتم : انا وش الي طيح حظي على هالحاله افففف
طلع من الغرفه وهو مصدع من هالورع ناظر لممرضه : هاه عرفتو من اهله
الممرضه وهي تتامله : لا كل الاوراق الي لقوها الشرطه محروقه
رجع شعره بقهر ذلحين مالقو شي يدل عن اهله ولا قدرو يكلمونه لطوله لسانه ناظر صاحبه الي واقف عند الممرضات اتجه له : وليد
وليد ناظر سراج وابتسم على تنفيسته : وش فيك
سراج بغيض : شكلي ابتاخر ماقدرنا نعرف عائله الولد
وليد تنهد : ارفق بالولد تراه صار يتيم
سراج ناظر وليد ورفع حاجبه : تحسسني ابذبحه ولا ابضربه
وليد ابتسم بغباء : ادري فيك بس انتبه لاتتهور
سراج ناظر الممرضات الي يتهامسن وقال بحده : جيبو ملف الولد سرعه
انتفضو الممرضات وراحو يجيبو ملف الولد وهو اتجه لغرفه الولد ودخل بهدوء شافه على حاله تافف : شكلي انا الي ابلبسك
ناظره بدموع وقال بقهر : انت ليش ماتبي تتركني بعد عني
سراج تامل عيونه الغريبه وقال بهداوه وهو يمسك اعصابه : ادري انك حزين بس لازم تخبرني من تكون عشان نقدر نعرف عن اهلك شي
نزل عيونه بالارض ودموعه تنزل : مابي
سراج عض شفايفه بغيض : انت ماتفهم اهلك لازم يعرفون
مسك قاروره المويا وبقوه حذفها على سراح الي قدر يبعد عنها باخر لخضه عصب سراج وبحده ناظر الورع : وتراب ياحمار
انتفض وهو يشوف عصبيه سراج وبلع ريقه بخوف وندم : ا اطلع برا م مابي اشوفك
سراج بغيض تقدم منه ومسك فكه وشده بعنف همس بحده تخوف : شعور متبادل انا اصلا ماابي اشوف وجهك لذا اخلص علي اطلع بس عشر دقايق وارجع اشوفك متروش ولابس ولا قسم بالله اني لاعلقك برجولك واصلخك مثل الذبيحه
دمعت عيونه وهو يرجف بخوف ويشهق همس بضعف : ط طيب
بعد سراج وهو مغتاض طلع من الغرفه وناظر ساعته : ماينفع معاهم الا العين الحمراء
عنده اخذ الملابس الي كانو حاطينها له على السرير وهو يصيح يبي امه وبوه دخل الحمام وشلح ملابسه حس بالم من الجروح شغل الماء وشهق من برودته دموعه صارت تنزل وهو يتذكر اهله وشهقاته بدت تعلى غسل نفسه وطلع بلبس المستشفى الي يوصل لنص فخذه جلس على السرير حاضن نفسه ودموعه تنزل بصمت