تكملة🌚
جدي قعد غير يومين عندنا كره حياته😈 قال لجدة: نوضب وجدي روحك نرجعو للدوار قلتله: سمومي نروح معاكم😈 نطقت جدة: يا لطيف حابة تقتلي دجاجي وديري الهول فالدوار 😒 غير وصلنا لدوار جدة تحسب حسيبة بولمرقة فالجري🏃♀️😅 ديراكت قفلت شمبرتها وزادت الفريجيدار حكماته بسلسلة وكادنة😅 قتلها في قلبي والله مانطلقك اليوم درتي النش لعمرك😒 انا اصلا نعرف جدة كيفاه تخمم، درت معايا قرعة سيرو هبتاجيل فالغداء قتلها: جدة عميرتي ضربي مغرف هذا مضاد كورونا ناس قاع شربت منو مسكينة امنتني شربت مغرف اللولة قاتلي شباب وحلو نزيد مغرف😅 بعد نص ساعة رقدت رقدة اهل الكهف😈 ديتلها المفاتيح رحت شمبرتها لصندوق فيه كلش حلوة قفريط وقاطو شيكولة وقرعة كوكا من الكبيرة 😅 زدت الفريجيدار لقيتو معمر بالبيض😒 زدت رحت الزريبة الدجاج قعد غير يشوف فيا🐔 قتله: ماتخافش مانيش ثعلب انا كورونا👾 سردوك لي تأكل على روحو طار وتسمع غير قيق قوق قيق قوق درتله الخلعة مسكين هرب عند الجيران😅 ناضت جدة قتلها: دجاجك حاوزتوا شفتو يعطس فيه الكورونا😂 قاتلي: حاجة رحتي للزريبة، راحت تجري تبعتها نسمع فيها تقول مزية ذيك الثعلب ماشافتش الدراهم 😳 قلتلها في قلبي يااه تسرقي الصرف تع جدي وتخزنيه فالزريبة وهي كانت تقولهم انا جامي نسرق الصرف كي كنت صغيرة😁
ايا بزايد عليكم غلبت وانا نقص والكلافي تع الشكوبي ياخي تعرفوه تكتبولوا كلمة تخرج حاجة وحداخرا🐸💔
