بصملله نبداو
كاعادة مانقدرش نريح بلا مشاكل😈 استغليت فرصة مدام خالاتي وعماتي عندنا،نلم شوي دراهم😂 رحت ليهم على 11 تع الليل قعدت نشعل فالضو ونطفي ونزيد الصوت تع التيليفيزيون قلتلهم: والله ماترقدو😒 قاتلي ماما:وشبيك ثاني يا شعالت لعوافي واش من مصيبة طاحت عليك هذي الليلة🙄قتلهم: سموكم كامل عند الشومبرة تاعي ولا والله ماترقدو😈قتلهم خالتي: غير نوضو هذي مهبولة وبسبتها نباتو برا🤣غير دخلو شومبرتي لقاو التاي وكاوكاو وموسيقى مولاي السلطان 💃😃 عمتي قالتهم: هذي ميش نورمال جيبو كاش راقي الله يحفظ😒 قفلت شمبرة بالمفتاح قتلهم هيا نلعبو لي ترقص اكثر من ربع ساعة نعطوها صوارد وايا كل وحدة تحط صوميل فوق الطابلة😈 خالاتي في ثلاثة قالولي ماناش هازين معانا الصوارد🙄 قتلهم نعرفكم من بكري الدراهم تخبوهم في صدركم غير اطلعو بيهم😛قاتلي ماما: ولي تفوت ربع ساعة تدي قاع الدراهم 😅 قتلها: هيه ايا عجبتهم اللعبة وبداو هز هز شد شد اردح اردح وانا درت هاك وهاك رحت عند بابا قتله:روح تشوف التبهديلة نتاع خواتاتك وخالاتي ماخلاونيش نرقد😂جا ليهم قالهم: اييي ماعلاباليش راني حال بار فالدار وتشوفهم وحدة تردم في وحدة ولهربة تسلك وانا لميت 600الف ديتهم الشح فيهم يعرفوني بلي انا مانرحمش😈😌
