العشق الفاخر[ مكتمله ]

حبيبتي

#العشق_الفاخر

الفصل الثاني عشر

👑سبحان الله .. الحمد لله .. لا إله إلا الله .. الله اكبر👑

في المقهي كانت بسمه تجلس مع عمر يتحدثون .. يخبرها كيف استطاع أن يساعد الشرطه في القبض علي رجال العصابات .. ل يرن هاتف بسمه  نظرت إلي الهاتف ثم اغلقتهبضيق

عمر : مين بيتصل
بسمه : احمد
عمر : طيب ردي عليه
بسمه : لا
عمر : انتي زعلانه منه
بسمه : من حقي ازعل
عمر : مش اتفقنا كفايه زعل وحزن . انتي قلبك ابيض.  كلميه اكيد بيطمن عليكي ..

بسمه اتنهدت واتصلت باحمد اللي اول اما شاف رقمها رد بسرعه
احمد : بسمه انتي فين
بسمه : قاعده في كافيه .
احمد : انتي كويسه
بسمه : الحمد لله

احمد سكت شويه وبعدين اتكلم : انا اسف . بس كنت خايف عليكي . انتي اختي الصغيره وكنت فاكر اما اخبي عنك اني كده بحميكي . لو حصله حاجه كنتي هتتعبي

بسمه : علي اساس اني متعبتش وله كنت مبسوطه بفكره انه اتخلي عني

احمد : خلاص بقي ما هو رجع تاني اهو. واتغير علشانك ده انا اما شفته مصدقتش ان ده توماس. 

بسمه ضحكت .. احمد : هو خرج يجري وراكي
بسمه : قاعد معايا

احمد : والله . طيب كفايه كده ويلا علي البيت . لو عايز يقعد معاكي يبقي بعد الخطوبه

بسمه : كان لسه بيتكلم

عمر : اديني احمد . اظن انكم اتصلحتو باين من وشك
بسمه : خد التليفون

عمر : احمد انا عايز اتجوز بقي مش كفايه كل دي خطوبه

احمد ضحك : يا عم براحه علي نفسك . لسه في كلام كبير

عمر: احنا ممكن نكتب الكتاب انهارده وتبقي مراتي وبعدين الفرح والشقه هشتريهم من بكره .

احمد : هو الموضوع بالسهوله دي . مش اما نشوف راي بابا الاول .
عمر : اكيد عمي هيوافق . ملكش دعوه . حرام عليكم انا عايز ارتاح
احمد : ترتاح ايه ماتلم نفسك

عمر : اهي افكارك القذره دي هتوديك في داهيه.  مع ان نفسي.  بس انا عايز اطمن انها بقت مراتي .

احمد : خلاص هكلم بابا . انت معاك تليفون .

عمر: اه .هرن عليك وسجل الرقم . وانا قاعد في فندق ال***

احمد : يعني قاعد في فندق وهتتجوز وتعيش هناك . مش لازم يكون عندك شقه

عمر : هشتري قصر . اخلص الاول واكتب الكتاب وبعدين نتصرف انا وهي

احمد : هكلم بابا وارد عليك

عمر : تمام . السلام عليكم

قفل عمر مع احمد وانتبه لبسمه اللي بتبصله اوي