العشق الفاخر[ مكتمله ]

عشقي

#العشق_الفاخر

الفصل السابع عشر 

👑سبحان الله وبحمده .. سبحان الله العظيم 👑

عندما خرجت سمر من مكتب عمر ذهبت الي رحيم  لتتفق معه ماذا سيفعلون مع عمر

رحيم : لا قتل ايه .انا مش هقتل حد

سمر : ليه . انت هتعمل فيها الشريف .ماتظبط كده.  ما انت بتقتل كل يوم ناس بالبطئ بالادويه منتهيه الصلاحيه اللي بتبعها للمستشفيات

رحيم  سكت بس بيفكر في طريقه يتخلص منها

رحيم : ما انتي كمان خربها ومشتركه مع الدكاتره في
العمليات وانتي اللي بتجبيلهم الحالات قبل ما عمر يعمل موضوع جمعه الخير للفقراء

سمر : ايه الهبل اللي بتقوله ده

رحيم : وانتي فاكره انتي هتمسكي عليا ذله وانا لا . لا فوقي لنفسك كده.  انا دورت وراكي وعرفت كل حاجه عنك

سمر : رحيم انا خلاص مبقتش اشترك في العمليات دي

رحيم : . مصدقك يا سمر 😏

سمر : تمام. 
رحيم : انا جعان تاكلي معايا
سمر : ماشي اطلبلنا اكل

سمر كان معاها سم وقررت تتخلص من رحيم عشان ميفضحهاش عند عمر
وهو كان معاه سم وقرر انه لازم يقفل بوقها نهائي عشان متتكلمش 😈

########

في المستشفي يجلس عمر مع محمد

محمد : كده نظام الحمايه الجديد اتفعل وكل حاجه تمام.  والدكاتره الجديده وصلت واستلمت شغلها

عمر : تمام اوي.  الجرسون بتاع الكافتيريا اللي كان مع سمر مشي من هنا .

محمد : اه مشي . خد حسابه ومشي

عمر : الحمد لله
محمد : في مدير اتعين جديد . وتحت الاختبار . انا هتابع شغله
عمر : اشطه

محمد كان فاتح اللاب توب: ايه ده. 

عمر : في ايه
محمد : بص كده اقرا

عمر  قرأ خبر وفاه  رحيم وسمر مسمومين

عمر: لا حول ولا قوه إلا بالله. 

محمد : اتسممو.  الخبر بيقول انهم كان بياكلو والاكل كان مسمم
عمر : ربنا يرحمهم من حفر حفره لاخيه وقع فيه
محمد : اللهم لا شماته . 

وصل الظابط صلاح ومعه إذن بالقبض علي الأطباء الذين شاركوا في عمليات المشبوهة .

عمر : شكرا علي سرعه الاستجابه

صلاح : لا شكر علي الواجب.  القضيه هتفتح بسرعه . والادله كلها ضدهم . وكمان المستندات اللي انت قدمتها  دليل كبير في إدانتهم ...

عمر : الحمد لله .

خرجت الشرطه  بعد ان  قبضت علي الدكاتره ومنهم دكتور التخدير لانه مشترك  في الجرائم .