امجد: وصلتها جان ابوها واكف بلباب ابوها تشكر مني الحلو طلع بيتهم قريب علينا .
حوراء طبيت للبيت لكيت ماما مسويه بانيه اكثر شي اكرهه بحياتي البانيه كلبت وجهي كولت لاختي تجيب اندومي متقبل نزعجت منها رحت اني اشتري اندومي لبست صايه و شال وطلعت داروح جان اشوف اخو صديقتي
امجد: جنت طالع جان اشوف صديقه اختي طالعه كلتها شعندج طالعه بهلوكت محتاجه شي
حوراء: داروح اشتري من المحل
امجد: ليش ماكو احد يشتريلج
حوراء: اختي الزغيره متقبل طلعت اني
امجد: هسه اني اشتريلج شرايده
حوراء : لا لتزعج نفسك هسه اني اروح
امجد: بنبره حاده كولي شتريدين
حوراء: اندومي ثنين وبيبسي وجبس ونطيته الف
امجد: نزعجت من نطتني فلوس. رحت شتريتلها خليت ال فلوس بلعلاكه ودكيت الباب
حوراء: راح يشتريلي اني رحت للبيت وره شويه ندك الباب رحت افتحه جان شفت امجد نطاني العلاكه
امجد: فتحت الباب نطيتها العلاكه وكلتاها بنبره حاده من تردين شي دزي اختج او صيحيني
حوراء: نزعجت من كلامه كلتله الله كريم
امجد: يلا اني اترخص
حوراء : الله وياك رحت سويت الاندومي كعدت اكلب ب الانستا واراسل صديقاتي الي راحن للاعداديه ومنهن الي بطلن بعدين رحت صبيت اكل وتغديت بعد عناء طويل.
امجد: رحت للبيت واني منزعج منها رحت كعدت اگلب ب التليفون جان اشوف صفحتها ع الانستا اختي متابعتها و ناشره محادثتهن ستوري رحت دزيت طلب الها نتضرت توافق ...
حوراء: داكلب جان اشوف واخد دزلي طلب داشوف منو لكيت مكتوب مزغرف امجد وليان متابعته جان رفضت الطلب 😂😏
امجد: رحت داشوف وافقت او لان جان تكلع رافضه الطلب كتبتلها عيب عليج ترفضين الطلب
حوراء : لكيت داز رساله مكتوب عيب عليج ترفضين الطلب سويت روحي ماعرفه كتبتلها منو
امجد: متعرفيني يعني لسوين روحج غشيمه خال صورتي و اسمي و ليان متابعتني معقوله معرفتيني
حوراء: شنو بس انته اسمك امجد
امجد: والصوره
حوراء: ماركزت عليها شنو ميصير
امجد : اوك نفرض انتي معرفتيني وهسه عرفتي اي شلونج
حوراء: زينه بس سؤال
امجد: جواب
حوراء: ليش مرجع الفلوس
امجد: عادي شكو بيها
حوراء: لا مو عادي عندي مره ثانيه لتعيدها
امجد: تامرين ست حوراء
حوراء: يلا اني اترخص اروح اسوي عشه
امجد: مرخوصه عيوني
حوراء رحت سويت عشه وي ماما وصبيت وتعشينه اجتي جمانه حبيت اتشاقه وياها شويه شمرت عليها مي هههه
جمانه: ايا زماله ليش هيج اذا ماكول لبابا عليج
حوراء: وجع داشاقه وياج
جمانه: هوه هيج الشقه بابا بابا تعال عليهه شوف شسوت
بابا: ديلا شنو شمرت عليج تيزاب
جمانه : اي انتم دافعولها
حوراء : ضليت اضحك بخبث
بابا: حوراء عوفيها
حوراء : صار بابا
كملنه عشه وصعدت فوك للغرفه تقريبا ساعه 11:00 م. اخذت شاور و كعدت اكلب بلانستا دز رساله امجد.
امجد: شفتها فاتحه نت كتبتلها هلاو
حوراء: هلاوات
امجد: شلونج
حوراء : الحمدلله وانته
امجد : بخير اذا انتي بخير
حوراء : دوم
امجد: يدوم احباب كلبج
حوراء : تسلم
امجد: الله يسلمج
حوراء: يلا اترخص اني اروح انام
امجد: تصبحين ع خير
حوراء : وانت من اهله
يتبع ....
