حوراء: كاتلتله اوك وتشكرت منه وكعدت ب لغرفه ابجي واندب حضي ليش هيج ديصير بيه ممكتوبلي ارتاح ليش بعدين مسحت دموعي ونزلت ساعدت خالتي ام امجد ونضفت البيت طلعت حرگتي ب التنضيف اتذكرت اهلي وشتاقيتلهم فكرت اكول ل امجد يوديني بعدين اجه امجد سويتله غده و صعد لغرفته. رحت صعدت وراه دكيت الباب كال تفضل دخلت لغرفته اثاثها اسود وفخمه كلتله ممكن اطلب طلب كال تفضلي اكعدي كعدت كال شنو هلطلب كلتله اريد اروح ال اهلي ولله مشتاقتلهم وصارلي مده مشايفتهم اتمنه توديني. كال الله كريم حضري روحج باجر الصبح نروح اني فرحت رحت راسا جبت عباتي غسلتها صح هيه نضيفه بس اغسلها احسن ورحت صليت وقريت قران ل روحهم ونزلت سويت عشا و تعشينا. بعدين رحت كلتله عفيه مو تنسا كال لا ماانسه رحت تمددت ضليت صافن وافكر بعدين غفيت مدري شون وكعدت ب 5:30 صبح نزلت سويت ريوك ع كدنه اني و امجد لان كولها نايمه اكلنا ورحت بسرعه غسلت و بدلت بعدين طلعنه طول ما نمشي اني صافنه ع الشارع اجه بالي اسال امجد كلتله امجد
امجد: ها
حوراء: تحبني
امجد: ليش هلسؤال
حوراء: هيج بس داسال
امجد: مادري والافل ماريد هيج اساله
حوراء: من الفشله دنكت وضليت صافنه ع الطريق وصلنا رحت انهاريت يم قبورهم.
ابجي واعاتبهم ها عفتوني وحدي مافكرتو وين اروح ليش عفتوني ليش ما اخذتوني وياكم يمه مشتاقه لدفو حضنج مشتاقه لحنانج بابا مشتاقه تدافعلي يوسف ليش رحت مشتاقه نتعارك جمانه مشتاقتلج ولله مشتاقه نتعارك ونصالح مشتاقتلكم ليش خليتوني امشي مكسوره ليش فهموني ولله كوه انام اليل يمه جنت كل ما اختنك اجي يمج اسولفلج هسه المن اسولف وين اروح شفتي شسوه بيه عمي شفتو الذله الي عشتها يمه اني مذلوله اخذوني تعبت من حياتي وضليت املخ بروحي بدون وعي اجه امجد حضني وكالي اني يمج لتخافين محد يكدر يكسرج واني موجود كلتله انته هم بلتالي حتعوفني وتروح وابقه بحدي اني ممكتوبلي ارتاح جان يكولي لتضنين انو اعوفج انتي تجرين وي دمي انتي ماخذه كلبي وعقلي احبج حوراء بعدني احبج وللموت اضل احبج بس ادري بيج متريديني.
سكتت وكال يلا نروح نزور و نرجع للبيت رحت زرت الامام علي كلتله يابو اليتامه اجيتك مكسوره ريح كلبي لا تردني من دخلت شويه ارتاحيت. وراح يشتري الاهله ورجعنه للبيت رحت بدلت و نزلت غسلت البيت نضفته و وسويت غدا جانت ساعه 12 وتغدينا جان ام امجد تكول ل امجد حتجي خالتك و بناتها عود ارجع من وكت عيب يردون يباركولك ويباتون يمنا لازم تكعدون انته ومرتك بغرفه لان هيج ح تشك بيكم انو مزوجين ع الورق وتضل ع كل لسان
اجوي جانن كولهن مدري شون سلامهن من وره خشمهن اني مهتميت الهن رحت صعدت لغرفتنا لان نتقلت ل غرفه امجد لبست ونزلت سويت عشا جان تجي تكولي هي انتي كلتلها اسمي حوراء كالت مسالتج ع اسمج كلتله ميحقلج تكوليلي هي اني مو خدامه عندج فاهمه جان تكول لتراددين ع تاج راسج كلتله بس اهلي تاج راسي. واحسلج لزمي حدودج وكولي شتريدين كالت سويلي جاي راسي يوجعني كلتلها عندج ادين وسويلج جاي جان تروح ل امها تبجي تكولها ماما هاي جنتهم كلتلها بلا زحمه فدوه صبيلي جاي من يمج جان تكولي هيو انتي كومي سوي اني نصدمت من كلامها وكلتلها ولله مو هيج جان تكولي خالتي مو عيب عليج تحجين وياها هيج وكلها صدكتها ما عدا ليان محجت شي ضلت ساكته. اني صعدت ابجي جان يجي امجد يكول مو عيب عليج هيج تسوين عبالي ترفعين راسي طلعتي معندج اخلاق كلتله ماسمحلك تشكك ب اخلاقي ومتوقعت ابد تشك بيه جان راد يضربني اجتي ليان كلتله انته مفتهم غلط اني جنت اريد اشرب مي جان سمعتها تحجي وتهين ب حوراء ومثلت هيج جان كلها ليش ما كولتي كدام اهلي كالت منطوني مجال احجي حته سجلت صوتها ب لموبايل لان اعرفها حيه جان سمعه امجد وصار نار راح وداه ل امها و امه و سمعهم صاحوني رحت جان تعتذر مني خاله كالت اسفه لان شككت بيج حبيبتي جان امها كالت هيه هم ماقصرت كالتها ليان بس بنتج البدت وبدت تستفزها. شكو ذابينها بلية حوراء جان يصيح امجد حوراء خط احمر كرامتها من كرامتي والي يسويلها شي او ياذيها بكلمه امسح بي الارض مسمووع كولهم خافو وكالو ماشي راح وجان يصيحني كال اسف لان شككت باخلاقج بجيت كلتله عادي هيه هاي الماعدها احد تنذل عادي مو كلتلك انته هم يجي يوم وتعوفني ضليت ابجي جان يحضني
يتبع ......
اسفه لان تاخرت ب تنزل البارت بس شويه مالي خلك اكتب وافكر اسفه
اتمنه تعجبكم
