الالتزام 2

الصحاب

*الصُّحبَه*🌸
الصَّحبَه عامل مؤثر جدا ف طرِيقِك إلى الله👌
الصُّحبَه هيا اللي هتْعلِى هِمِّتِك للسما او هتْحبِطِك وتخسرِك دينِك🙂
الصُّحبَه أول حاجه لازم نصلحها ف بداية الالتزام والسير الى الله💪😊
»»ولازم نعرف نفرق بين الصُّحْبَه الصَّالِحَه والصُّحبه السَّيئه👏
👈الصحبه السَّيئه🌸 اللي دايما يمنعوگِ عن الطاعه ، اللي تتكسفي انِگ تعملى طاعه قدامهم ، اللي دايما يتريقو عليكي وعلى التزامِك
👈الصُّحبه الصَالِحه🌸 هما اللي تتكسفي تعملى معصيه وسطهم ، هما اللي بيشجعوكي دايما ، بيدلوگِ على طريق الله ، تقائي بتلاقي قعدتهم كُلَّها حسنات وذكر واستفاده 😌عكس الغيبه والبهتان والنميمه✋
انتي دالوقتي عرفتِ الفرق بينهم😁
انتي دالوقتي قدرتِ تحددي صُّحبِتِك انهو فِئَه منهم😊
⬅والله لو صُّحْبَه صالِحه فذالك فضْلٌ من الله ومِنَّه👌😃
⬅ولو صُّحبة سوء فانتي لازم تبعدي عنهم✋خصوصا لو لسه بادئه التزام قريب☝متقوليش مش هيقدروا يأثروا عليا❎ لا والله ي جميلةة😊 يكفى حديث النبي صلي الله عليه وسلم *المَّرء على دينِ خليله فلينظر احدكم من يُخالل*🤷‍♀ مش هتقدري تكملى ولسه مغيرتيش بيئتك وصُّحبتِك🙆هتقوليلي اصلي بحبهم اويي🤷‍♀ هقولك النبي ﷺ قال *المَّرء مَع مَن احب* هتقبلي تُحشَري معاهم يوم القيامه😟 هترضي تكوني مِنهم يوم القيامه😕
⏪بنوته تانيه هتقول طيب انا مش عارفه يعني هعمل ايه اقاطِعهُم ولا ايه😕 هقولك لا طبعا مُقاطعه ايه ي جميلةة😊انتي تعاملى معاهم بكل وُّد ولكن في حدود وقللي الجلوس معاهم ف نفس المكان والكلام معاهم ولكن ابدا متخاصمِهش وياستي بعد ما تثّبتي رجلِك كويس ف الالتزام والدعوة ابقي ادعيهم الى الله وكلميهم عن طريق الله😌💙
»إن استجابو ف لهم الحُسْنَى وزياده😃
»ولو توَّلوْ ف *إنك لا تهدي من احببت ولكن الله يهدي من يشاء*
فانتِ لازم دالوقتي تحددي هدفك وهو *رضا الله تعالى* لازم يكون عندگ قوة وعزيمه انِك تبعدي عن اي حاجه هتأثر على طريقگ إلى الله💪 فلو صُحبتگ هتأثر على التزامِك ياريت بقا تبعدي عنهم وخليكي فاكرة أن *من ترگ شيئا لله عوضه الله خيرا منه*  ربنا قادر والله ي غاليةة يعوضك خير الصُّحبه🌸ربنا قادر يجمعك بصُّحبه صالِحه ويعلى شأنك بصُحبتهم🦋😻
ولو لسه ملقيتيش صُحبه صالِحه😁 فابدأي دوري عليهم✊ الصُحبه الصَالحه هتلاقيها ف المساجِد ، ف حلقات القرءان او حلقات العلم الشرعي او ممكن تقابليها ف الشارع اه والله عادي😂 او ع السوشيال مثلا 😁🤭هتلاقي عليها علامات التقوى والصلاح المهم اول ماتلاقي الصحبه دي اشبطي فيها 😂 متتكسفيش ابدا انِگ اما تلاقي بنوته صَالحه تروح تقوليلها انك بتحبيها ف الله وتتمنو انكم تكونو صُحاب🤝
وصدقيني اوقات كتير اوي الصُحبه الصَالحه بيكونو قدام عيوننا🥺واحنا مش شايفينهم او بمعنى اصح بنتجاهِلهُم🤷‍♀ ونكَمِّل مع الصُحبه السيْئه
»لغايه ما يجي اليوم اللي يوقعوكي فيه ف النار والعياذ بالله✋
»لغايه ما تلاقيهم اعدائك يوم القيامه
قال الحق تعالى *الاخلاء بعضهم لبعض عدو الا المتقين* اعداء لكِ يوم القيامه لأنكم كنتم بتتشاركو ف المعاصي💔 كنتم بتتشاركو في سماع الاغاني والافلام وبتشجعو بعض ع التبرج💔
- اصحاب السوء يوم القيامه كلهم هيتمنو ضعف العذاب لبعض قال تعالى *ربنا إنا اطعنا سادتنا وكبرآءنا فاضلونا السبيل&ربنا ءاتهم ضعفين من العذاب والعنهم لعنا كبيرا* صدقا والله ءايات صعبه 💔 ونفس الوقت اللي بيحصل كدا مع الصُحبه السَّيْئه الصُحبه الصالحه بيشفعوا لِبَعض بإذن الله 😻وبيتسألوا على بَعْض ف الجنه😌🦋
شوفتي بقا الفرق بين الصحبتين.🤭 ياترى لسه هتبقي مُصِّرة على صُحبة السوء🥺
👈 لگِ الاختيار😁...........!