السلام عليكم ورحمة الله وبركاته
الحب كلمه اصبح معناها مفتقد اصبحنا نتلاعب به من اجل الحصول علي ما نريد القليل منا مازال متمسك بمعني الحب الحقيقي....
عند ظهور اول خيوط لاشعه الشمس بدأت ملك في فتح عيونها ولكن كان الامر صعب عليها في البدايه بسبب الم رأسها الشديد وبعد مجاهده بدأت تفتح عينيها ولكن شعرت بمن ينام علي يديها فقالت
ملك : حسام حبيبي قوم ولكن لا رد فهو قد سهر بجوارها طوال اليل ولكن غلبه النعاس فنام علي يدبها ظلت ملك في تحاول افاقته حتي بدأ يفيق
حسام : ملك حبيبتي انتي كويسه حاسه بأيه اناديلك الدكتور ردي عليا مش بتردي ليه إيه الي بيوجعك
ملك : اهدي يا حسام انا كويسه حاسه بس بشويه صداع وبعدين انت مديني فرصه اتكلم مانت عمال تسألني الاسئله ورا بعدها
حسام: معلش يا حبيبتي انا بس قلقان عليكي وقطع رنين هاتفه كلامه امسك به ووجد ان اخيه ادم هو المتصل فقد كانت هذه المره العاشره التي يتصل فيها عليه من اجل الاطمئنان علي ملك فرد عليه
ادم : الو ايوه يا حسام ملك فاقت ولا لأ
حسام : ايوه الحمد لله فاقت قولي انت ماما عامله ايه دلوقتي
ادم : كويسه شويه بتلبس و جايه
حسام : ليه يا ادم مش الدكتور قال انها تعبانه متخلهاش تيجي
ادم : انا مش قادر عليها مش راضيه تسمع كلامي
حسام طيب انا هكلمها
ادم : ماشي
حسام : ايوه يا ماما عامله ايه يا حبيبتي دلوقتي
وفاء (والدته) : ايوه يا حسام انا كويسه الحمد لله ملك عامله ايه يا حبيبي طمني عليها
حسام: كويسه يا حبيبتي حتي هي فاقت اهدي انتي بس علي شان متتعبيش تاني زي امبارح
وفاء : انا عايزه اكلمها يا حسام
حسام : حاضر يا ماما
وفاء : الو يا ملك يا حبيبت ماما عامله ايه يا حبيبتي
ملك بتعب وصوت ضعيف : كويسه يا حبيبتي المهم انتي عامله ايه
وفاء : انا كويسه يا حبيبت ماما طول مانتي كويسه انا هجيلك دلوقتي عايزه حاجة اجيبها معاي
ملك : لا يا ماما مش عايزه حاجه خالي بالك بس من نفسك
وفاء : حاضر يا ملك سلام يا حبيبتي
ملك : سلام يا ماما
اخذ حسام التلفون من ملك وجلس بجوارها فقالت ملك حسام هي ماما مالها
حسام : مافيش بعد ما عرفت انك عملتي حادثه اغمي عليها وادم جبلها الدكتور وقالها انها ممنوع تتحرك و كتبلها علي منوم و بعض الادويه الاخري بس علي شان كده انا مخلتهاش تيجي وهي تعبانه
ملك : طيب مين الي جابني هنا
ملك : حسام هو ايه الي حصل انا اخر حن اجه فكراها اني كنت مع ريم وفجأه لقيت العربيه جايه عليا و مش فاكره حاجه خالص
حسام : في واحد اسموا اياد هو الي انقذك من العربيه وهو بردوا الي جابك هنا واتبرعلك بدم لم كنتي محتاجه لدم وبس
ملك : يأه عمل كل ده وهو ميعرفنيش
حسام : ايوه يا ملك ربنا يجازيه كل خير
وقطع كلامهم دخول الطبيب المعالج لملك
الطبيب : صباح الخير
حسام و ملك : صباح النور يا دكتور
طبيب : و هو يوجه كلامه لحسام ممكن يا استاذ تخرج بره علي شان اعرف اكشف عليها
حسام : اه حاضر
وخرج حسام من غرفه ملك وترك الطبيب بالداخل
ولكن بعد دقائق سمع صوت والدته وهي تسير بأتجاهه بخطوات سريعه
وفاء : حسام ملك فين هي كويسه انت واقف كده ليه
حسام : اهدي يا امي هي كويسه واشار علي غرفه ملك وقال هي في الاوضه هنا والدكتور عندها جوه و انا منتظر خروجه
وقبل ان تتحدث وفاء خرج الطبيب
وفاء : بنتي عامله ايه دلوقتي ارجوك طمني عليها
الطبيب : اهدي حضرتك هي بخير في بس كدمات في جسمها وبعض الجروح و كمان في كسر في درعها اليمين هي بس محتاجه رعايه وراحه وهتكون كويسه
حسام : طيب هي ممكن تخرج امتي يا دكتور
الطبيب : هي ممكن تخرج في اي وقت بس الافضل انها تبقي هنا دا احسن ليها
حسام : ماشي يا دكتور احنا مش عرفين نشكر حضرتك أزاي
الطبيب : انا معملتش حاجه الف سلامه عليها عن اذنكم
بعد ذهاب الطبيب اسرعت وفاء في فتح باب الغرفه ودخلت الي ابنتها واخذتها في احضانها وبدأت في البكاء
ملك : اهدي يا ماما انا كويسه والله انا كدا هعيط
وفاء :.لا يا حبيبت ماما متعيطيش انا بس كنت قلقاته عليكي
ملك : طيب اهدي قامت بمسح دموع والدتها
ادم : خلاص يا ماما ماهي كويسه اهي اهدي وجذب كرسي واجلسها عليه وذهب الي ملك وقال
ادم : عامله ايه يا حبيبتي احسن دلوقتي
ملك : اه والله انا كويسه هدوا يا جماعه
وفجأه وجدوا من يدفع الباب ويدخل في سرعه و يقوم بحضن ملك و يبكي بشده
ملك: اهدي يا دعاء انا كويسه
دعاء : وهي مازالت في حضنها قلقتيني عليكي معرفتش انام واول ما الشمس ظهرت جيت بسرعه
ملك : وهي تبعد دعاء عن حضنها خلاص اهدي
ونظرت الي ريم التي تقف بجوار سريرها وتبكي في صمت ملك وقد جذبتها الي حضنها خلاص انا كويسه يا ريم اهدي
كان يقف حيام وقلبه يألمه بشده لانه يري من يعشقها تبكي امامه ولا يستطيع فعل شيء هو يريد ان يأخذها بين احضانه يقول لها لا تبكي ولكن هناك اشياء كثيره تقف في وجهه
جلست ريم و دعاء بجوار ملك بعد ان توقفوا عن البكاء فقالت ملك
ملك : مين الي انقذني يا ريم
ريم : اياد يبقي اخو فريده صحبتي كانت معاي زمان في ثانوي الي اعرفوا ان هو ظابط
ملك : كنت حابه اشكره علي مساعدته ليا
ريم : انا شكرته يا حبيبتي و نظرت الي حسام وقالت وحسام بردوا شكروا المهم
دعاء : كويس ان هو شافك وانقذك
وفاء : الحمد لله ربنا يحميه لشبابه
ادم : وهو بنظر الي ملك انتي فطرتي يا ملك
حسام: لا يا ادم لا انا و هي فطرنا
ادم : طيب انا هروح اجيب اكل
حسام : طيب انا جاي معاك
ذهب حسام وادم وبعد خروجهم بدقائق سمع الفتيات احدآ يطرق الباب فقامت دعاء لفتحه ورأت فارس احلمها يدخل
ادهم : وهو ينظر الي ملك ولم يلاحظ دعاء التي تقف بجواره صباح الخير يا انسه ملك
ملك : بالرغم من انها لم تراه إلا مرات قليله في جامعتها ولم تتحدث معه إلا مره واحده وهو يسألها عن اسمها في المدرج إلا انها عرفته بسبب نظراته لها في المدرج
ملك : صباح النور يا دكتور
ادهم :اخبارك ايه النهارده
ملك : الحمد لله بخير
تحدثت دعاء والدموع بدأت ان تتجمع في عيونها : عن اذنكم انا وخرجت دون ان تسمح لاحد ان يسألها اين هي ذاهبه خرجت من الغرفه تجري ولم تلاحظ من يأتي بأتجاهها واصتدمت به وعبرت بجواره دون حتي ان تعتزر منه
الشخص : مالها دي بتجري كده ليه يا انسه حاول ان ينادي عليها من اجل معرفه لماذا هي تبكى ولكن لم تسمح له دعاء
ودخلت الحمام وبدأت تبكي بشده وصوتها يرتفع
في غرفه ملك
نظرت وفاء الي الشخص الذي يقف علي مقربه من سرير ملك نظرات استفهام فهي لم تراه من قبل
ملك وقد لاحظت نظرات امها
ملك : ماما يا دكتور ادهم ماما دكتور ادهم مدرسي في الكليه
وفاء : اه ازبك يا ابني
ادهم الحمد لله يا امي بخير انتي اخبارك ايه
وفاء :الحمد لله يابني اتفضل اعد واقف ليه
ملك : ريم هي دعاء راحت فين
ريم : مس عارفه والله يا ملك هروح اشرف هي فين
ذهبت ريم تبحث عن دعاء ولكن قابلت في طريقها ادم وحسام فسألها حسام
حسام : رايحه فين يا ريم
ريم : بدور علي دعاء كانت وقف معانا بس فجأءه خرجت من الغرفه
ادم: وهي خرجت ليه من الغرفه
ريم : والله مش عارفه احنا كنا واقفين بعد دخول دكتور ادهم وفجأءه خرجت من الغرفه وهي زعلانه
حسام : طيب انتي هدوري عليها فين رني عليها علي التلفون
ريم: لا مش هينفع ارن عليها لان الشنطه بتعتها في الغرفه
ادم : طيب خليكي وانا هدور عليها
ريم : لا انا هدور عليها خليك انت روحوا لملك علي شان تفطر
ادم : خلاص مش مشكله انا هدور عليها معاكي ونظر لحسام وانت يا حسام روح لملك
حسام : خلاص ماشي ونظر الي ريم لم يكن يريد ان يذهب معها ادم ولكنه يعرف ما يشعر به ادم
ذهبت ريم وادم معها يبحثوا عن دعاء
ادم : طيب احنا هندور عليها فين المستشفى كبيره اوي
ريم : بص احنا ممكن ندور عليها في الحمام او في الجنينه بره
ادم : خلاص تعالي ندور عليها بره احنا قريبين من الجنبنه
ريم : خلاص ماشي
خرج ادم و ريم الي الجنبنه الخارجيه للمستشفى وظلوا وقت يبحثون عليها ولكن لم تكن موجوده
ريم : كده مش قدمنا غير الحمام انا هروح اشوفها وانت ارجع للغرفه
ادم : لا مش مشكله انا هاجي معاكي
ريم : ايوه بس انا هروح حمام للنساء
ادم : طيب خلاص انا هستنكي بره وانتي شوفيها
ريم خلاص ماشي
ذهبت ريم وادم الي حمام النساء وقفت امام الباب وقالت
ريم : ادم خليك انت هنا وانا هشوفها جوه
ادم : ماشي
دخلت ريم الي حمام النساء بعد ان اطرقت علي الباب عده مرات ولكن لم يأتيها رد فدفعت الباب ودخلت فوجدت دعاء تسند ظهرها علي الحائط ومغمضه العينين وتبكي في صمت نادت عليها ريم ولكن لم تشعر بها فأقتربت منها ووضعت يدها علي كتف دعاء مما افزع دعاء واهتز جسدها
ريم : اهدي يا دعاء مالك بتبكي ليه و مال جسمك بيرتعش كده ليه ووقف هنا بتعملي ايه
دعاء : نظرت اليها وعيونها ممتلئه بالدموع مافيش تعبت بس وحاولت اطلع بس معرفتش
ريم : طيب بتعيطي ليه
دعاء : مافيش حاجه انا بس عايزه اخرج ومش قادره رجلي مش قادره ادوس عليها
ريم : طيب تعالي اسندي عليا ووضعت يدها في وسط دعاء ويدها الاخري امسكت بها يد دعاء وسهدتها على السير ببطئ شديد وخرجت من الحمام فوجدت ادم في انتظارها والذي افزعه منظر دعاء فعونها منتفخه بشكل كبير ودموعها تسير علي خديها الناعمين فاقترب من ريم
ادم : ايه دا هي مالها يا ريم
ريم : وقد لاحظت نبره صوته القلقه مافيش هي بس تعبت شويه
اثناء حديثهم هذا حدث شي لم يتوقعه احد لا ادم ولا ريم.......
الي اللقاء في الجزء المقبل
اتمني لكم قرأه ممتعه
بقلم اسماء الدلاش
