#إنتحال_طفله 9
سراج:قعمز ع الكرسي فتح مشروب طاقه وقعد يشرب ويتفرج ع التلفزيون
منار:بصوت ناعس وعيونها مسكرات...سراج
سراج:عيونه في التلفزيون ..ها؟
منار:متخلينيش💔
سراج:شبحلها وساكت
منار:راقده ومتغطيه
سراج:تنهد بصوت واطي وكمل يتفرج ع التلفزيون بس تفكيره في شي تاني ....البنت قاعد مش واثق فيها!زي ما كذبت المره الاولى تكدب مره تانيه
في البدايه طلعت بشخصيه قويه وانها تخدم في حجات غلط ولما سيبها بوها بدت زي العيله تبكي علي ابسط شي !!...إنتحال طفله هاذا اسمه فرخه وقدرت تنتحل الشخصيه القويه لاكن السؤال هل بجديات هاذي شخصيتها ولا لا؟!
كله رح يبان تسحابني عيل ورح تاخذني بي كلمتين ودمعتين دارتهم ..مش راقد علي وداني ومش الضابط سراج يلي ينضحك عليه🔥متأكد مليون في الميه قصت الاوراق يلي ضامتهم كذب ووراها قصه بس تو نشوفو...رجع شاف لي منار وكانت راقده في عالم تاني ❤️
_____________
حواء:طالعه من الحمام ونصدمت لما شافت فراس قدامها حطت الوشاح علي راسها بسرعه
فراس:اسف والله منسحابك هنايا
حواء:لا عادي ..انا يلي اسفه حاسه بروحي مضايقتكم هلبا ومش قادره نخليك ع راحتك
فراس:تبي الحق يعني انا صحيح وجه وجديات فعلا مش مخليتيني ع راحتي طلعو وخشوشي لابسه مش لابسه ومن ها القصص
حواء:سخنت مع بعضها ومعرفتش ترد عليه 💔
فراس:من رائي لازم ينزار حد للموضوع صح؟
حواء:كيف!!
فراس:يعنى مثلا سراج
حواء:انا موضوع سراج طلعته من بالي وعنده الحق يرفض يتزوجني حتى لو كان ع الورق ..انا لو عندي حوش اهل كنت رجعت من اول يوم بس زي ما انت عارف معنديش وين نمشي لا انا ولا ولدي
فراس:صح اي ...يالله عادي تو نتزوج وتبدا مرتي تونس فيك هنايا😅 بعدين حتى امي معندهاش غيرك صعب تخليها
حواء:اكيد هيا الغاليه❤️
فراس:يحك في رقبته بتوتر...اءء تمام امالا متبي شي ؟
حواء:سلامتك
فراس:تمام..وطلع
اما حواء رجعت دارها مكسوره حاسه روحها حمل ثقيل هلبااااا علي العيله وفي نفس الوقت مش قادره تطلع لانها معندهاش مكان تمشيله ولا في حد بيتحملها بي ولدها اصلا!!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
سراج:حاول يرقد علي الكنبه الموجوده في غرفة النوم بس كانت صغيره هلبااا ...ناض سراج توضئ وصلى العشي زي العاده ...بعد تفكير طووويل في الهموم متعه وكيف بيتصرف؟رقد ع السرير وتباعد هلباااا علي منار ...حط راسه ع المخده لاكن مجاش النوم وفجآه تجي رجل منار علي بطنه😂
سراج:شبحلها بطريقه هادي😒..وبعدين رجع رجلها لي مكانها...فتح تالفونه يتصفح ع النت وتتكركب عليه منار بي شعرها😂
سراج:متحركش وسكر عيونه بعدم صبر بعدين بعدها
منار:تحك في شعرها ونحت الغطاء من عليها
سراج:عليك ليله حرفه🤦🏻♂️...وغطاها...سكر تالفونه ورقد حتى هوا وطول الليل منار تجبد في الغطاء وهوا يجبد 😂❤️
