هاااي اشلونكم ابليز اتفاعلو بل روايه ولا تنسون اتصوتون 🥺
.🖤..........................🖤.
شبسرعه تنسون اشعجب🤔
مو جنه كلشي البارحه؟
مو كلتو؟
نهواكم نضل لو هيه كلمه ورايحه؟؟
.🖤........................🖤.
...........
زهراء. كعدت الصبح باوعت على الساعه بل تسعة تذكرت اليوم ماكو دوام ضليت اتكلب بل افراش ما بيه حيل اكوم احس جسمي امفلش وشعري منثور على كل السرير احين اشكد اضوج منه لان ايضوجني بل تمشيط اخذت نفس وكمت رحت للحمام تكرمون غسلت وجي واسناني ومشطت شعري ولبست شي مريح باوعت على الساعه بل تسعة ونص ااااوف خل الحك اسوي العمو ريوك لئن بل عشرة ايروح للشغل رحت ركض للمطبخ وسويت ريوك الي واله اشويه واجه ابدل
زهراء. صباح الخير عمو
حاتم. صباح النور بنيتي اااالله شنو هل ريوك اليفتح النفس
زهراء. صحه وعافيه
حاتم.يله اكعدي تدرين ما اتريك بدونج
زهراء. هههه يله كعدت اتريكنه وخلصنه راح عمو حاتم للشغل اليوم عده قضيه عمو حاتم يشتغل محامي وهوه كلللش ايحب شغله وصادق بي احسه نفس ابويه نفس الحنيه حته يشابهون بل ملامح احيان احسهم اخوه بس رغم هيج ابقه مفتقده ابوي يبقه الاصل وامي اخخخخ ما اكدر اوصف اشكد مشتاقتلهه اما اخويا جان اقرب صديق اليه هزيت راسي حتى اتروح هل أفكار من راسي كمت غسلت اماعين ونضفت البيت ما جان بي اهواي وصاخه لان اني أغلب وقتي بل جامعه ولمن أرجع أقضي اغلب وقتي بل غرفته مالتي قاطع سلسلاه افكري فاطمة اتخابر عليه
زهراء. هلو فاطمة اشلونج
فاطمة. هلو زوزو(دلع زهراء) تمام اكلج اليوم اطلعين اويانه طالعين اني ومحمد وعلي واستاذ غياث
زهراء. مادري اخابر عمو اوشوف
فاطمة . ماكو داعي اتخابرين اني اخذت اذنه قبل لا اخابرج وافق
زهراء. اوك ابيش اساعه اطلعون
فاطمة. بل اتلاثه نتغده وبعدين اروح للمول وبعد مادري محمد وين ياخذنه
واكلج لا تجين لان احنه راح انمرلج
زهراء. اوك يله باي
باوعت عل ساعه بل وحده بعدلي ساعتين كملت البيت عل سريع ورحت اسبح سبحت لبست اروب وطلعت كعدت امشط شعري يرادله بل نص ساعه حته اكمله .
كملت تمشيط وسويته كبابيه ورحت طلعت اهدومي بلوزه سوده وتنوره سوده وشال وحذاء كعب بيضه وحطيت مكياج خفيف مسكاره وكحله وحمره ورديه و مورد مال اخدود
باوعت هل ساعه بل ثنتين ونص ضليت العب بل تلفون الحد ما يمرون عليه صارت ب تلاثه وخابرت فاطمة اتكلي انزلي منتضرينج بل باب نزلت لكيت محمد ويمه أستاذ غياث بل صدر كاعد واليوره فاطمة فتحت الباب ودخلت
زهراء. السلام عليكم
غياث وفاطمة و محمد .وعليكم السلام
كعدت يم فاطمة شاورتهه وكتلهه لعد علي وين
فاطمة. سبقنه ابسيارته هوه وساره خطيبته
زهراء.همممم
(غياث)
كعدت اساعه بل عشره اتنهدت اليوم ماكو ذاك الصوت الحنون صوت امي اكو غيره دائمن هيه اتكعدني تعرفني من نضره اعيوني اتنهدت والله اشتاقيتلهه مع انو ما صارلي بس يوم امفاركه احسهه الهوه كمت سبحت ولبست بس برموده لان الجو بده يحتر كعدت على السرير وخابرت امي
بس سمعت صوتهه ارتاحيت حسيت هم انزاح عن كلبي امي كلش حنونه وطيبه ماكو مثلهه اشكد ما احجي ما اكدر اوصفهه صدك من كال الاجنه تحت أقدام الامهات
غياث.هلو يمه اشلونج شخبارك مشتاقلج
الام. هله يبعد روحيتي الحمد الله اشتاقتلك العافيه بعد كبدي اشلونك شخبارك
غياث.الحمدالله اشلون الوالد البنات العائله اشلونكم
الام الحمد الله والله اخواتك البارحه بل كوه نامت مشتاقاتلك بس يتباجن
غياث. حبيباتي سلميلي عليهن كلش وكليلهن خل ايديرن بالهن على نفسهن
الام انشالله اوليدي.
ضلينه نحجي مواضيع عشوائيه باوعت عل ساعه ب 12:00 اخذ ولا احس بل وكت لمن احجي ويه امي ودعتهه ورحت طكيتلي بيضه او كعدت اتريك دك عليه محمد كلي اريريد يطلع هوه وخطيبته وصديقتهه وعلي كلي اطلع وياهم كتله اوك لان ماعدي شي كتله ابيش اساعه اطلعه كلي بتلاثه امرلك ب ثنتين ونص كتله اوك سديته ورحت بدلت لبست بطرون كابوي وبلوزه سوده بينت عضلاتي ورفعت شعري اجه محمد كعدت بل صدر وكلت
غياث. السلام عليكم ردو السلام كلت ل محمد علي وين
محمد. راح ابسيارته ويه خطيبته وصلنه يم بيت مادري بيتمن جان ايكول
محمد. فاطمة ديكي على زوز خل تطلع
فاطمة . اوك
اشويه وطلعت زهراء سلمت وكعدت ما طلع منه اي صوت بس اشويه مادري اشهمست ال فاطمة وبعدين سكتن اباوع عليهه اشكد حلوه او ملامحه هادئه جنت اباوعلهه من امرايت السياره جانت صافنه على جامه اشويه وباوعتلي اجت عينهه ابعيني خزرتني ونزلت عينهه بس يابه شنو من خزره اخخخخ طيحت كلبي غياث اشبيك اثكل اشويه شنو هل حجي كلت ابكلبي.
....................🖤
مرات اكفر بل عشك
واستغرفر الله تكبالهاا
زغيرونه مو مالت عشك
حيل اني احاب اخبالهاا
.................🖤.....................................🖤..........................🖤...............
لا تنسون اتعلقون حته استمر بل روايه وشنو توقعاتكم اشراح ايصير بهل طلعه بليز صوتوووو🥺🥺🥺 بااااااي
أنت تقرأ
🖤 مستقبلي معك انت🖤
Romanceما ذنبي ان اكون يتيمه ما ذنبي ان يقتل جميع عائلتي بسب عدوه قديمه اكره الماضي ولا اعرف ماهو حاضري هل سوف اكون سعيده لا اتوقع هذا ف الشيئ الذي رئيته لا يصتطيع احد تحمله رئيت عائلتي تموت امام عيني لماذا لم اكون معهم💔💔...
