صدفه بخت

بارت_3_

#صدفه بخت
#للكتابه بتول..

ليان/عله گوله مثل صباح رباح كمت صبح فتحت شباك غرفه كاعده بيها واسمع صوت عصافير والبساتين موجوده بالمنطقه كلش هواي وصوت جهال هلشي محسيته موجود بمنطقتنه بغداد ناسها جانت متكبره وشايفه روحها عله كلن خلي اكوم عيب مني فوكما باقيه يمهم ومتأخر بالنومه...

ردت اروح للحمام وشعري منكوش صاير حرب بيه بس ما اندل وين حمام فرحت كبل عله اخر غرفه بالممر وفتت بيه گبل لان جنت جد محتاجه حمام..

واله ما اشوف هل متعجرف كدامي وعزه عزاني ان. شاءالله وملابس بس شورت وتوه طالع من حمام مدري لساني انعگد شحجي شكول هسه امده حضي غمه تاخذني..

اسد/طلعت من حمام واشوف هاي قزمه كدامي وتبلع بريگها شبيج يول بزون ماكل لسانج شعندج. بغرفتي...
شفتها ماكو بالها مو وياي اتقربت منها ورجعت ليوره ولزكت بالحايط ردت اشوف رده فعلها شنو...

ليان/عزه هذا شجاي يسوي مبين هل شيخ والله منحرف شبيك مشايف هيج تشوف عيوني وخر من كدامي اريد اولي للحمام..

اسد /تعرفين عيونج حلوات بس انتي وكحه ام لسان يله ولي وين متردين لا تاخذين راسي بحجيج من صباحيات الله..

ليان /وخرت من عنده هل منحرف ونزلت كبل جوه رحت يم حجيه واشوف جميله تهف بيدها ابد مدخلت لگلبي جنها حيه ام راسين..

رحت للمطبخ اشوف حجيه جاي تحضر ريوك لاسد ومدري بكوب شجاي تخبط..

صباح خير حجيه..

ام اسد/هلا وكل هلا ببنيتي ان شاءالله نمتي زين بارحه..

ليان/حمدالله حجيه كلش ارتاحيت بالنومه متقصرين فدوه اروحلج بيش ترديني اساعدج..

ام اسد/سلامتج بنتي بس جاي اسوي شغلات كالي سيد اسويهن كالي خلي هاي حجابات قاري عليهم وكاتب بيهن ايات اخليهم بماي دافي واشربه لاسد كون عمل قوي والحمدالله ربج ستر دزلياج وخلصتي ابني من موت مدري شلون اجازيج..

ليان/ما اريدن شي منج خاله مهم صحتج وسلامه ابنج وربي يحفطج ويخليج فوك روسهم مالي خلك هسه خلي اسوي شي حجيه حتلو اسوي اكل..

ام اسد/جا شمالج بعدج صغيره وبنت بغداد شلون تعرفين تركبين انتظريني انطي هل ريوك لجميله تاخذه لاسد وهسه اجيج واخذج لغرفتي وتحجيلي مفصل بارحه ملحكت اسالج عله كلشي بنيتي..

ليان/حاضر حجيه انتظرج فراحت ام اسد انتظرتها لحد ما رجعت اخذتني لغرفتها وقفلت باب ..

ام اسد/حدري يمي بنيتي خلي اسمعج كوليلي هسه

ليان/والله حجيه مدري شكولج سبق وكلتلج بارحه عليه وعله اهلي اني هيج مظلومه حجيه الله وكيلج من جنت صغيره عمري تسع سنوات امي علمتني طبخ وخبز كالت اعتمدي عله نفسج هواي مرات مجانت ترجع للبيت فاتعودت اسوي اكل لنفسي واكعد ارتب وانظف بيت اتحملت مسؤوليه وحدي صرت لروحي ام واب اهلي مجرد جانو ينطوني فلوس ومنطيني حريه...
مع هذا حمد والشكر عله كلشي..