-طب ننط في المياه ؟
-لا لا لا ... مستحيييل ... مستحييييل
-ليه ؟ ما بتعرفش تعوم ؟
-لا باعرف ... بس المياه ضلمه وانا مابعومش غير في النور .. انا لازم اشوف القرش اللي هياكلني الأول ي ختاااااااي علي جثتي !
-ماهي هتبقي علي جثتك فعلا .. يا شريييييف هنتحرررررق
-تولعوووووا .. تولعوووا اكتر ما انتو والعييين المياه نوت اونلي إنها ضلمه .. بط اولسووو ساقعه .. ساقعه ي ختااااااااي ! دي النار نفسها لو جت عليها مياه هتاخد نزله شعبيه حااااده وهتكح
طبعا في الأثناء دي محاولات المراكبي وبعض الفدائيين الأصدقاء إنهم يطفوا النار اللي قربت من الشراع لم تنقطع .. وانا بعد وصله الرقص علي صوت حميدة فشر زينات علوي .. حاسس إن مفاصلي نعكشت زي شعر علي حميدة بالظبط .. مش قاادر ...
-ياشريييييف .. النار بتقرب مننا !
-استقبلها يعني ولا اعمل اييه يا اللي تنشل ؟!
-إحنا معانا كتير مابيعرفوش يعوموا !
-هاايل .. دول ينطوا في النار اسررع بقاااا
-كل واحد بيعوم هياخد واحد مابيعرفش يعوم .. إنت خد مازنجر ..
-خدك ربنااا ي ختااااااااي .. ده عاوز حاملة طائرات تاخده ده .. ده ممكن يسبب فيضان لو وقع في المياه .. ده المفروض ياخدنا كلنا .. إحنا ممكن نعمله جزيره !
-إيه ده ؟ بص يا شريف .. الحق !
-في إيه تاني يا ختااااااي ؟ ابتدوا يضربونا بالطوربيد ؟!
وفجأة لمحنا مركب شراعي تاني جنبنا بنحو ميتين متر بس هنا بقي كان موعد التخلي عن شخصية زينات علوي .. وتقمص فوري لشخصية هند رستم في صراع في الوادي .. بنفس صوتها وإشارتها .. بنفس الصريخ :
-الحقني يا ريييييييس .. هاغراااق .. لا لا اغرق ايه .. هاولااااع
- يا شريف الحقنا !!
-اخرسوووووووا .. الحقني يا رييس .. وهالاعبك البسة .. هالاعبك البسه بتاعت البسه بتاعة محسي يا ختااااااااي ...
الراجل مش عاوز يقرب من المركب اللي النار مسكه فيها والعيال ماسكه فيها ... وهند رستم ماسكه فيها .. العيال مع عمو امراكبي كانوا في بداية السيطره علي الحريقه .. والنار ابتدت تهدا بعد مرور ربع ساعه من مجهودات مكافحة النيران من حوالي خمسة انفار .. والباقي واقف في بوز المركب بيسبق مشهد تيتانك بسنين كتيرة قوي وإحنا حاضنين بعض كلنا
____________________________________
جزء كمان اهو .. بكره هنزل واحد كمان + جايز انا بنت اقسم بالله 😂❤
+ الي هيعمل كومنت هديلوا الانستا بتاعي ( بنات فقط ) ❤
+ ايدولي قصص انزلها كمان اي قصه نفسكوا تقرأوها ومش عارفين تشتروها مثلا 😻❤
+ جود نايت بقي 💕🌙
أنت تقرأ
ذكريات ممنوعه " شريف اسعد "
Ficção Adolescenteحقبة الثمانينيات والتسعينيات ، تلك الحقبة الماسيه التي كونت لجيل كامل ، ذكرايات متشابهة إلي حد كبير . نحن عائله مصريه بسيطه ، كالسواد الأعظم من العائلات المصريه أسره مكونه من خمسة افراد ، يقودهم الاب المصري الصميم ، وترعاهم الأم الرؤوم لكل فرد في مص...
