السم اللذيذ(مكتمله)

حب

#السم_اللذيذ

بارت ٨

👑 لا إله إلا انت سبحانك إني كنت من الظالمين 👑

نورين خدت جوان وطلعو ينامو.

اكرم كان مشي مع والده.
سيرين قاعده مع مراد وهي مكسوفه

مراد : مبروك
سيرين : الله يبارك فيك
مراد : بحبك. .. مسك ايديها وحضنها بحب ..
سيرين : مراد ..

مراد: نعم خلاص انتي مراتي وحلالي.
سيرين: بس انا مكسوفه .
مراد: عارف.

سيرين: مراد بقي
ضحك : خلاص. هسكت.
سيرين: يلا اطلع نام. عشان الشغل بكره.

مراد: مش هروح الشغل
سيرين: هنروح مع بعض. وانت شكلك منمتش وشك مرهق
مراد: مش جايلي نوم

سيرين: انا متاكده اول اما اتغير وتقعد ع السرير هتنام
مراد : انتي تعالي نايميني
سيرين ،: مش هينفع. يلا اتحرك. تصبح ع خير

مراد : وانتي من اهل الخير واهلي وناسي.

سيرين ضحكت. قرب وخطف بوسه من خدها وطلع ع اوضته . وهي واقفه مصدومه وحاطه ايدها ع خدها بكسوف.

مراد طلع غير وفعلا نام علي طول اما سيرين. فدخلت اطمنت علي جوان. كانت نايمه في حضن نورين. غطتهم كويس وراحت ع اوضتها

الصبح طلع. سيرين قامت من النوم وهي مطمنه. لاول مره تحس ان في حد ساندها من بعد موت بابها ومامتها. ربنا عوضها بالسند والراجل اللي تقدر ترمي عليه همومها. واللي عندها ثقه فيه ان عمره ما هيخذلها

دخلت الحمام خدت دش وطلعت لبست فستان بيبي بلو تلت كوم وطويل. ولبست كوتشي ورفعت شعرها ديل حصان
بصت ع الدبله بحب وباستها. وشالت الخاتم. عشان ميضعش منها.
دخلت اوضه جوان. كان نورين صحيت ولبست.

سيرين : صباح النور.
نورين حضنتها : صباح الفل والورد ا

سيرين : انزلي قولي لسعديه تجهز الفطار واتا هصحي جوان وانزل
نورين : تمام. . نزلت لسعديه

سيرين: جوان. جوااااان. يلا
جوان : انهارده اجازه

سيرين. : اجازه ايه بقي

جوان : بابي اتجوز امبارح.
سيرين ضحكت : هو اللي اتجوز مش انتي ياهانم .. اما نعمل فرح. هتاخدي اجازه .. يلا قومي عشان الباص

جوان : طيب. طيب

قامت دخلت الحمام واما خرجت سيرين لبستها ونزلت تفطرها
نورين : فين مراد
سيرين: نص ساعه وهصحيه
نورين : انا كده الحمد لله.

سيرين : خدي دول خليهم معاكي.
نورين : لسه معايا مصروف مخلصش
سيرين : خديهم بس.

نورين باستها ومسك ايد جوان وخرجت تركبها الباص وسيرين معاهم.
ركبتها ونورين مشيت تشوف تاكسي