السم اللذيذ(مكتمله)

حزن

#السم_اللذيذ

بارت٢٥

👑اللهم صلي وسلم علي نبينا محمد👑

تمر الايام
حازم خرج من السجن وتم قفل قضيته ولكنه اصيب بشلل وحالته متاخره.
كاميليا مخلصه ليه وبتسعده

نورين واكرم مستمرين في جنانهم . ومع الحمل جنانها بيزيد . و اكرم بيحب يشتغلها لانها طيبه جدا
.
اما مراد وسيرين فحياتهم مستقره. و سليم ابنهم حالته الصحيه اتحسنت جدا وجوان كمان

مراد : سيري انتي فين

سيرين : هنا . تعال.

خرج كانت في الجنينه وقعده علي المرجحيه . قرب وباسها
مراد : عامله ايه

سيرين : الحمد لله.

مراد : مالك
سيرين : هننزل مصر امتي

مراد : خلينا هنا . حياتنا مستقره. ليه عايزه تنزلي
سيرين: انت بتهرب

مراد كشر
سيرين : مامتك كلمتني وقالتلي ان حاله باباك متاخره. انزل شوفه
مراد : متتكلميش في الموضوع ده تاني

سيرين: لحد امتي يا مراد هتفضل تهرب. انا مسامحه وهو تعبان فعلا . وانا عايزه انزل مصر نورين هتولد وانا كمان. وهناك بيتنا وحياتنا وحياه الولاد

مراد : وسليم . انتي ناسيه ان الدكتور بتاعه هنا
سيرين : سليم حاله الحمد لله اتحسنت والدكتور طمنا

مراد سكت وهي : بصيلي يا مراد . قلقان من ايه

مراد : مش عايز تحصل حاجه تبعدنا عن بعض
سيرين: مفيش حاجه هتحصل . ولو حصلت احنا هنتخطي كل المشكله طول ما احنا ايدينا في ايد بعض.. ومع بعض هنتستقوي ببعض . الحب بيقوي يا مراد مش بيضعف

مراد قرب وحط راسه علي كتفها وهي ابتسمت وطبطت عليه .

اخيرا قررو انهم هيرجعو مصر . اكرم كلم سعديه تنضف البيت . وهما قفلو البيت اللي في تركيا والشركه هيديروخا وهما في مصر. .. ونزل مراد وسيرين ومعاهم جوان وسليم ابنهم ...اكرم كان منتظرهم في المطار ومعاه كاظم

اكرم حضن مراد ولسه هيقرب من سيرين . كان مراد زقه
مراد: هتعمل ايه

اكرم : هسلم عليها ..

مراد: من بعيد يا بابا. .. وانتي كمان سلمي بالكلام بس.
سيرين ؛ ده اكرم

مراد: اي راجل ميقربش منك .
سيرين😏😒

اكرم باس سليم هو بيحبه اوي وكاظم سلم عليهم

كاظم : حمد لله علي السلامه
سيرين ومراد : الله يسلمك

اكرم شال جوان : برنسيس واحشتني
جوان : وانت كمان يا كوكي .

اكرم : والله ما حد بيدلعني غيرك انتي.
سيرين : ونورين