احببته فكسرنى (عشق الاسر)

هل سنسامح

اندفعت عشق إلى مكتب اسر وقبل أن تفتح الباب سمعت صوت صراخ فقررت الاستماع
اسر انا عمرى لمستك عمرى خنت عشق معاكى
مايا لا اسر
(اسر وهو يمسكها من شعرها )
اسر امال انتى بعتالها الرساله دى ليه انطقى
مايا بألم لانى بحبك اسر
اسر وانا ما بحبكيش
مايا ليش لتكون بتحبها وانا ما بعرف
اسر اه بحبها على الاقل مش واحدة رخيصة زيك ويكون فى علمك انى هكلم تيمور باشا أنه يبعت حد يكون محترم يمثل الشركه بتاعته وانتى دلوقتى هتيجى معايا وتقولى لعشق الكلام ده انا عمرى ما خنتها معاكى ولازم تعرف

وفى تلك اللحظه دخلت عشق لمحتها مايا بسرعه فاسرعت و ارتمت فى احضان اسر

مايا مدام عشق شو اللى جابك
دفعها اسر بقوة
اسر عشق اسمعى بس مفيش حاجه حصلت احكيلها يا مايا
مايا شو بحكيلك انو انا واسر عم بنحب بعض

لم تكمل جملتها لتقع صفعه على وجهها اسقطتها
عشق انتى تطلعى دلوقتى بدل ما اجيبلك الأمن يرموكى زى الزباله بررره
مايا راح عرفكم مين بتكون مايا عن قريب
اقترب اسر من عشق
اسر والله انتى فهمتى غلط
تفرست عشق ملامح وجهه يبدو أنه ليس من بعث تلك الرساله كما كانت تعتقد
عشق انت مش اللى بعت الرساله
اسر رساله ايه
أراته عشق الرساله
جوزك برئ لو عايزة تسمعى الحقيقه بودنك تعالى بسرعه على مكتبه
اسر يعنى انتى سمعت كل حاجه
عشق ايوه بس مش عايزاك تفتكر انى سامحتك ويكون فى علمك هنطلق قريب بس للمرة دى طلاق من غير رجعه
اسر يبقى بتحلمى طلاق مش هطلق عشان انتى بتحبيني انا نبض قلبك بيقول اسر
عشق لا لانى قلبى وقف نبض من القسوة عارف انت احساس عروسة لبسه فستانها الأبيض و تلاقى جوزها مكشر فى وشها ويسبها ويروح على شغله فى ليله الدخله عرف احساس لما الناس يجوا يبارك لك على جوازك يقولوا جوزك فين اقول فى الشغل اكيد مش عارف كم مرة استنيتك وانا مجهزالك الأكل وانتى تطلع وتسبنى عارف يا اسر انا لغيت شخصيتى عشانك كل حاجه فى اتغيرت مش انا عشق القويه الذكيه الاولى فى كل حاجه انت دمرتنى

اسر انتى مش عارفه انا كنت حاسس ازاى وهما بيقوللولى أن تعب عمرى اتنقل بأسم حد تانى لا وكمان مراتى حسيت ان رجولتى انجرحت بقيت جوز الست نفسى انكسرت بس ندمت والله ندمان عارف و بطلب منك فرصه فرصه واحدة اثبتلك فيها انى فعلا اتغيرت
لم يسمع رد
اسر انا عارف ان غلطى كبير انا مش عايز حاجه اكتر من انك ماتطلبيش الطلاق نفضل مع بعض بس فرصه واحدة
عشق بتفكير هو شهر هحدد فيهم هنكمل فيه مع بعض ولا لا
اسر امسك يديها بفرحه فعلا صدقينى مش هتندمى
أبعد عشق يديها
عشق بس هتبقى زى الاول انت فى اودتك وانا فى اودتى زى المخطوبين لنتعرف على بعض
اسر موافق المهم أن انتى معايا
عشق ماشى اتفقنا انا هروح على مكتبى
اسر لا انتى جايه معايا
عشق على فين
اسر وهو يسحبها من يديها مفاجأه
عشق قولى يا اسر بليييز
اسر بعند لا هتعرف لما نروح
عشق بطفوليه نى نى نى هتنفى نما نوح
اسر بطبرطمى بتقولى ايه
عشق مش بقول
اسر ماشى
كانت سعادة اسر وصلت إلى السماء فقد أعطته حبيبته فرصه وعادت إلى طبيعتها اللطيفه المرحه
وذهبوا الى الخارج باتجاه سيارة اسر
..................................
فى مكتب عشق
رنا هى عشق راحت فين عمرها ما بتتأخر كده انا هرن عليها
اه ده دى نسيت تليفونها كمان
أمسكت هاتفها وطلبت رقم اخر
الو معلش ياعم عبده هى عشق مشيت
عم عبده ايوه يا بنتى هى واستاذ اسر
رنا شكرا
رنا يا دى المصيبه مش عارفه اعمل ايه وجلست تبكى وتندب حظها على ما وصلت إليه فكانت صديقتها الامل الوحيد
هنا ولم يتحمل العاشق اندفع إليها
إياد رنا انتى كويسه
رنا وهى تمسح دموعها اه انا هروح على مكتبى
إياد اسر مش هنا وقالى مش هيرجع يعنى مفيش شغل
رنا طيب انا همشى
امسك إياد يدها مانعا ايها من الخروج
إياد رنا احكيلى فى ايه اللى مخليكى عامله كده
رنا مفيش
إياد بحنان رنا انتى ممكن تثقى فيا وتحكيلى عشان اساعدك
لما تعرف رنا لم شعرت بالامان الذى تفتقده منذ موت والدها مع إياد شعرت أنه أمانها و سندها قررت أن تحكى له وبداخلها يقين أنه سيساعدها
رنا انا هحكيلك كل حاجه من الاول
جلسوا على الكرسيين المتقابلين
رنا من خمس سنين بالضبط كنا عايشين أسرة سعيدة جدا انا وبابا وماما كانت الحياة هاديه لحد ما ماما تعبت جامد والدكتور قال انها لازم ترتاح راحه تامه عشان هى ضعيفه غير أنها مريضه بالقلب
بابا كان مخلى باله منها كان طول عمره حنين و طيب بس بعد سنه بابا كان رايح شغله زى كل يوم
هنا وزاد بكائها و تعلو شهقاتها
إياد لو مش قادرة تكملى دلوقتى
رنا لا لازم اقول كله مرة واحدة
بابا كان نازل وسلم عليا انا وماما كأنه بيودعنا
نزل ب الاسانسير بس الاسانسير عطل بيه و بابا عنه ضيق فى التنفس وكان ناسى البخاخه على ما عرفنا نفتح كان بابا مات من ساعتها وان مش بركب الاسانسير الا نادرا لحد المرة اللى فاتت بعد موت بابا انفتحت علينا ابواب جهنم عيلتنا اللى اخدت مننا الميراث المضايقة فى الطالعه والنازله كان ده كله مش مشكله بالنسبالي طول ما ماما معايا
ابن صاحب العمارة اتقدملى كذا مرة وانا كنت برفض لحد السنه اللى فاتت كنت نازله على السلم لقيت اللى شدنى من ايدى لشقة ضلمه وحاول...حاول ...حاول يعتدى عليا بس أن ضربته بحاجه على رأسه ومشيت من ساعتها وانا عندى فوبيا من الضلمه عشان كده كنت بصرخ فى الاسانسير بعدها انا ماقولتش لحد عشان خفت هو كان بيحاول يقرب منى وانا كنت بصده لحد النهارده قالى لتتجوزينى يا اما هفضحك انتى وامك
انا خايفه اوى ده انسان شرانى ميعرفش ربنا
إياد انا عندى الحل
رنا ايه الحل
إياد مش دلوقتى عايزك تثقى فيا بس
رنا طب هو هيبقى عايز رده بكره
إياد قولتلك ما تخافيش بكره هنبلغه الرد بس مش عايزك تقولى لحد الموضوع ده هيبقى سر بينى وبينك احنا الاتنين بس
رنا ماشى بس انا خايفه اروح مش عايزة اشوفه
إياد لا مش عايزك تخافى لازم تبقى قويه عشان اللى هنعمله مش سهل
سمعوا طرق على الباب فابعد إياد يديه الممسكه بيدها بينما هى شعرت بفقدان الامان الذى شعرت به وسمح هو للطارق بالدخول
رامى مدام عشق
هى مدام عشق فين
إياد مدام عشق خرجت وقالت إنها مش هترجع النهارده
رامى طيب سلا
هو انتى كنتى بتعيط يا رنا ؟
رنا لا مفيش حاجه بس مجرد تعب
رامى لا باين على غنيمة لو انتى عايزة مساعدتى انا موجود ما تنسيش انا رامى باشا برده
رنا بضحكه خفيفه ماشى شكرا لسعادتك مش عارفين من غيرك هنعمل ايه
رامى نحن نعلم سننتظركم وداعا
رنا هههه وداعا يا اخويا
بينما هناك من يحترق ارتفعت حرارته مقاربه لدرجه الغليان تضحك مع هذا الغبى لما يريد هو أن يساعدها لما يتدخل بينه وبين حبيبته
انقطع حبل أفكاره على صوتها
رنا إياد فى حاجه
يا الله لما لاسمه طعم مختلف من شفتيها لقد انساه كل الغضب الذى كان بداخله لمجرد قول اسمه هل يحبها الى تلك الدرجه رغم أنه وعد بعدم الوقوع بالحب مرة أخرى
إياد مفيش تعالى عشان اوصلك و زى مافهمتك مش عايزك تضعفى قدامه
و اه عايز رقم تلفيونك
رنا طبعا اتفضل
بعد تبادل ارقام الهواتف
رنا إياد انا معتمده عليك
إياد متخافيش تعالى اوصلك
ماشى

😘😘😘😘😘😘😘😘
يتبع

ياترى ايه خطه إياد
ومين اللى بعت الرسالة لعشق
يا ترى عشق هتقدر تسامح اسر
مين اللى عايزين يدمروا اسر
ويا ترى مايا هتقدر تعمل حاجه

عايز بليييز تفاعل على الفصل ويل ريت تقولوا انتوا عايزين القصه كام فصل و اقتراحتكم
انا بفرح جدا بالتعليقات اللى بتكتبوها وشكرا اللى بيدعمونى