احببته فكسرنى (عشق الاسر)

فوبيا

الحبيب الصادق من يضحى ولو بروحه مقابل ابتسامه ترتسم على وجه من يحب
ALZOZ
ذهب اسر الى شركته مصمما على معرفه السر و لكن سوف يحاوطها و يحميها فيبدو انها ليست بمهمه سهله امسك بهاتفه واتصل برقم
اسر السلام عليكم
سيف وعليكم السلام ازيك يا اسر وحشتنى صوتك مش بتسأل علينا خالص
اسر معلش يا عمى مشغول انا و عشق بالشغل اوى دا احنا مش عارفين ندير حتى
سيف عارف يا بنى ربنا فى عنكم
اسر انتوا مش هترجعوا يا عمى انت وبابا احنا من ساعة ما اتجوزنا و انتم مسافرين مش عارف مسافرين ده كله ليه
سيف فى حاجه بندور عليها ولسه مش لقينها بس قربنا
اسر حاجه اه دى يا عمى
سيف مغيرا الموضوع مش مهم انا عايز حفيد ليا قريب و ابوك كمان هيزعل لو نزل وما لقاش حفيد بيجرى عليه
اسر ههههه طب اعملها ازاى دى احنا متجوزين من كام شهر عايزنى اخلف برص بيجرى من ست شهور
سيف ههههه مليش دعوه حل الموضوع ده مع ابوك المهم يا اسر خلى بالك من عشق هى بتحبك اوى و بتعمل كل ده علشانك
اسر قصدك ايه
سيف انا لازم اقفل ابوك بينادى
واغلق الخط
اسر لا كده الموضوع كبير وليه علاقه بأهلى و تقريبا هو نفس الموضوع اللى مسافرين عشانه
دخل الى الشركه مرفوع الرأس كالعادة شامخ مثل الاسد
دخل الى مكتبه وورائه رنا
رنا تحب اقول لحضرتك الجدول دلوقتى
اسر اتفضلى قولى بس الاول اخبار والدتك ايه
رنا بتنهيده الحمد لله بقت احسن و قربت تعمل العمليه
اسر ربنا يشفيها واكيد مش محتاجه اقولك أن اى حاجه تحتاجها انا موجود
رنا عارفه يا فندم و كفايه إن حضرتك بتسبنى اروح بدرى عشانها
اسر ده ولا حاجه
قاطعهم دخول اياد بدون طرق كعادته
اسر يا بنى ارحمنى انا هقطع الخلف منك فى مره
إياد هههه لا انا بعمل كده عشان اخليك مستعد الصدمه فى اى وقت
اسر روح يا شيخ منك لله
إياد هههههه
تاهت رنا فى هذه الضحكه الرجوليه الخلابة
بالله ما اجمل هذا الوجه عندما يبتسم
قاطع شرودها صوت اسر
اسر ممكن تحطى الجدول هنا وانا هقرأه بعدين
رنا حاضر
و تركت المكتب وخرجت
اسر بخبث البت رنا دى محترمه و كويسه فى شغلها غير أن هى حلوه
إياد بغيره وانت مالك بشكلها مش المهم أن هى بتشتغل
اسر انا مش قولت حاجه انا بوصفها بس
إياد ماشى انا قررت انى هعمل شركه صغيرة على ما اصفى شغلة اللى بره

اسر ليه طب ما تشتغل معايا احنا عندنا نقص فى المحامين غير أن احنا كنا بندور على حد يكون ثقه للعقود الكبيرة و مش هتلاقى احسن منك
إياد بس انا
اسر مفيش بس انت معايا خلاص
إياد ماشى اللى تشوفه ممكن ابدأ امتى
اسر من دلوقتى لو حبيت
إياد انا عايز ابدأ دلوقتى انت عارف مش بحب قعده البيت
اسر خلاص
وامسك هاتفه وطلب حضور رنا
رنا حضرتك طلبتنى يا فندم
اسر ايوه يا رنا ممكن توصل استاذ إياد لقسم المحاماة
رنا اكيد اتفضل يا استاذ إياد
خرج الاثنين وسط الصمت وركبوا الاسانسير
رنا فى سرها اجمدى يا بت مش كل يوم تتنيلى تخافى من البتاع ده ماهو لو مكنش معايا كان زمانى طلعت بالسلم
إياد فى نفسه هى البت دى مجنونه دى عماله توشوش نفسها من ساعة ما طلعنا
فى لحظه اهتز الاسانسير و اظلم
رنا بهيستريا لا لا لا هو جاى جاى لا
إياد اهدى يا رنا مفيش حاجه دلوقتى هيشتغل
أضاء إياد مصباح هاتفه حتى يراها
وجدها متكوره فى ركن الاسانسير و دموعها منهمره وهى تردد أبعد عنى أبعد عن
احتضنها إياد بسرعه مربت على ظهرها بحنان بالغ وشعر بمقاومتها وهى تردد نفس الكلمات