الصدفه ام القدر 🔏🖤

البارت الثاني 🖤

نحنُ أحقُّ بقلبٍ ضَاحك، ألا لعنَة الله على كلِ ما يبكينا

#ألصدفه_أم_القدر
#البارت_الثاني

ام ديمه : ديمه اذا رجعنه للعراق وين نروح هناك احنه مصفين كلشي اذا اهلنه منندلهم واصلا اخوتي ميستقبلونه ولو ما الفلوس الندزلهمياه كل شهر ولا يعترفون بينه وهناك ميخلونه بحالنه كوم نسوان وحدنه انتن شتعرفن ع العراق عبالچ مثل هنانه يا امي

ديمه : نروح لاهل بابا

ام عائشه : اهل بابا اهل بابا اهل بابا موتوني باهل ابوكم اهل ابوكم ميردونه افهمن عاد

ام مريم : زينه كافي

مريم : ماما ليش كافي خل نفتهم شنو القصه فهمونه ليش ميردونه

ام عائشه : مچانو قابلين علينه لولدهم لان بغداديات ويسمونه حضريات ومن اجوي نسوان يتعرفون علينه چنه بالكليه وسافرات لبسنا غير عاداتنا غير عاندو اكثرر وگالولهم اذا تزوجوهم نتبره منكم وبذات اخوه جدچ كلش رفضوا المهم جنه صغار ونفكر بس بالحب وعاندوا وعافوا اهلهم واهلهم سوو اللي گالوه فعلا تبرو منهم وطلعوهم من العشيره

عائشه : واحنه ليش مندري متحچولنه زعاطيط احنه قابل

ام ديمه : مردنه تكرهون اهل ابوكم

عائشه : احنه نعرفهم حته نكرهم فدوه لعينچ شهالمنطق

ديمه : ماما رغم ذلك صفو حساباتكم هنا وسلمو الشركه بايد احد ثقه وخنروح هناك ندبر وضعنه اذا تحبيني ماستحمل ابقه هنا والله

ام عائشه : بنات اخذو ديمه هسه خل ترتاح ويصير خير

ام مريم : زهراء احنا جينه هنا علمودهن وعلمود راحتهن شعدنه غيرهن خل نرجع وبلكي ترتاح وهيه من تشوف الوضع هناك من نفسها تتراجع

ام مريم : كلام زينه صح  هيچ احسن

ام ديمه : هوه هم هيچ خل هالاسبوع نرتب وضعنه والله كريم

من جهة ثانيه في العراق ديالى...

الجده : عجلن حبوبات عجلن راح يجي حفيدي من السفر نور عيني

عمر : لعد احنه لو رايحين هم هيچ تخبصون نفسكم

وليد : ولا يعبرونه بگلاص مي

احمد : مضطهدين احنه خويي

ام عمر : ولكم كل واحد بگد البعير تغارون اهمداكم زمن زمن روحي تاكدي الصوبه مفتوحه بغرفته يجي تعبان يتغده ويرتاح

عمر : چن ترزلنه

الكل...هههه

خل اعرفكم ع الموجودين ببيت الشيخ فاضل شيخ عشيره الـــ ...
مجيد الاخ الاكبر عنده عذراء مزوجه وعدها بنتين( زهراء ومرام) و واسامه مزوج بنت عمه ضحى وعده ولد ثنين (فهد وعبدالله) وهند عمرها 16...
اما الاصغر حميد عنده 4 بنات ضحى مزوجه اسامه وشمس ازوجت وسافرت ويه ابن خالتها بالانبار وسجى عمرها 22 ممزوجه عايشه بيت خالتها نادرا ماتجي  ومينا بگد هند 16...
اما الاصغر هوه زيد عنده عمر 28 سنه وعلي 26 وزمن عمرها 19  علي خريج طب بالخارج و عمر خريج علوم بايلوجي وزمن سادس...
واليوم راجع علي لذلك مخبوصين وكلها جايه اما حيدر  سيف  مصطفى زوجوا من بنات بغداد و العشيره تبرت منهم بس  زوجوهم وراحو ببغداد ووراها بفتره عرفنه انو همه استشهدوا بانفجار زوجاتهم سافرو ونگطعت اخبارهم ...
اما العمات 3 شيماء الجبيره عدها احمد 30 مهندس ووليد 26 يشتغل وي جده تارك الدراسه وساره 20 وكلهم ممزوجين...
واسراء عدها نور وطيبه وخلدون مزوجات نور عدها ولد وطيبه ولدين وبنت وخلدون مسافر ومستقر بلندن والعمة الاصغر اسماء ممزوجه نرجع للاحداث...