الصدفه ام القدر 🔏🖤

البـارت الاول 🖤

الشارع المستقيم لا يصنع سائق ماهر، كذلك الحياة

#ألصدفه_أم_القدر
#البارت_الاول

ديمه : عيو بعده مااجه💔💔💔

ام ديمه : ديوم يجوز صارله ضرف يله حبيبتي كلها منتضرين تطفين الشمع

ديمه : تمام طفيت الشمع بس دمعتي بعيني عفت الهوسه...بنات اني ماستحمل ابقه هيچ عفيه والله حيل اختنگت صايرله شي اني لازم اروح اشوف

مريم : ولچ خبال الساعه 12 ونص وين تولين والناس هنا

ديمه : دبرنها اني رايحه والله ماستحمل صايرله شي اكيد وعدني يجي ومامفوت ولا عيدميلاد وهوه بيتهم فرق شارعين وقابل يخطفوني اطلع ع الشارع العام

عائشه : وچ ديمه تعاااي يمعووده راحت عزا العزاني

ديمه : خل اعرفكم ع نفسي اني ديمه عمري  17 مواصفاتي بيضه عيوني جوزي شعري كيرلي طويل ليجاي من ركبتي طولي 154 ... بيتنه " جان "مكون من اني وامي وابويه وخالاتي ثنين وازواجهم (اللي همه عمامي)  وكل وحده وبتها مريم وعائشه تربينه سوه البنات نفس العمر بينهم اشهر واني وره سنه اجيت امي وخالاتي وازواج خالاتي بنفس البيت عايشين لان خوات اخذو اخوه وزوجو بنفس اليوم حته واهل ابويه تبروا منهم ( هالشي عرفناه بعدين وحيتوضح بالبارتات الجايه )وبقو للكبر سوه بنفس البيت  بيوم چنه طالعين اني وماما وخاله زينه ام عائشه وخاله بشرى ام مريم للسوگ واحنه وياهن  وابويه وعمي چانو بالمحل مال انشائيه مالتهم وصار انفجار والقدر صارن ارامل بنفس اليوم واحنه تيتمنه بنفس اليوم المهم... خوالي ثنينهم مزوجين وكل واحد مهتم بحاله سكنه يم خالي الچبير سنه چان عبالك مسوي علينه فضل ومرته تكرهنه طلعنه منهم وجدي وبيبيتي اهل امهاتنه ميتين اما اهل بابا منعرف عنهم شي چانو دائما امي وخالاتي يبعدونه عنهم وماعرف السبب من يومها امي وخالاتي جمعو فلوس وباعو بيتنه والمحل هم رغم جان مفلش بس اكو عالم رادته وسافرنه لتركيا وعشنا هناك ماما وخالاتي تكيفو ع الوضع هناك وخاله بشرى وماما اشتروا شركه ازياء صغيره وطوروها وخاله زينه كملت جامعه قانون وفتحت مكتب محاماه واحنه هم تربينه ع العادات التركيه وستقرينه هناك  بس بقينه باحتشامنه ولغتنه ودرسنه بمدارس عربيه فـ بقت اللغه... چنه نريد نشوف اقاربنه نتعرف عليهم بس ماما وخالاتي مقبلو ماطول عليكم اني چنت احب مصمم بالشركه تركي من اصول عراقيه هوه هم يحبني وخطبني وتفقنه وره ماكمل دراسه نزوج وبعيد ميلادي  چنت منتضرته لان من چنت صغيره ممفوتلي عيدميلاد بيومها قلقت واتفقت وي البنات اني حروح وهنه يغطن عليه وچان فرق بينه شارعين  بيومها رحت مشي او بالمعنه الاصح ركض والحذاء عالي وكلسع اعثر وبارده وفستاني قصير چان بنص الشته عيد ميلادي ودتمطر والشارع يخوف ركضت لبيته چان عايش وحده دگيت الباب وايدي ع گلبي خايفه لا بيه شي لان تلفونه مقفول فتحتلي بنيه طويله شگره مبينه تركيه لابسه تشيرته