الصدفه ام القدر 🔏🖤

الـبارت الـ 36 🖤

اغرس في قلوب الناس بذور المحبة ‏ و اسقها بحسن التعامل ‏ فالحياة عابرة ‏و لا يبقى إلا جميل ما زرعت💙

#ألصدفه_أم_القدر
#البارت_الـ36

علي : صدگ عليك الله يي يا الله باسمن شنوو عيد الاسم فدوه هاهيه مشكور لا الباقي عليه... چنت بالشغل دگ عليه صديقي گلي لكيت الرقم عرفت بيمن مسجل باسم محمد ثامر مجيد صديقي هاذ نصعقت عفت اللي بيدي ورحتله دگيت الباب قوي طلعت امه

الام : ها يمه علاوي خيرك

علي : خاله صيحي محمد عندي شغله وياه تعال ارد احاچيك عن اذنچ خاله... امه مريضه مردت اخوفها طلعته بالشارع... ولك سافل الرسائل المدزوزه لمرتي السيمكارت باسمك شعندك ويايه هااااا خسيسسس

محمد : اوگف علي بس خل افهمك

علي : ولك شتفهمني لو ما الله ستر چان خربت بيتي ولك اجيتك وحچيتلك وچذبت عيني عينك شون نطاك گلبك صديق عمرك

محمد : علي اوگفففف خل افهمك

فلاش باك &

ساره : سلام عليكم محمد اني ساره

محمد : ساره شعجب داگه صدمتيني منين جبتي رقمي

ساره : محمد انته مو تكول تحبني وتريد تخطبني اني قابله بس بشرط

محمد : عيوني الچ شتطلبين راضي

ساره : تفرق بين ديمه وعلي

محمد : شنووو شدتحچين كل عقلج شنو السبب اليخليج تسوين هيج

ساره : اني اكره ديمه دائما تفشلني كدام اهلي وذاك اليوم تعاركت ويايه وضربتني واني محچيت لاحد وارد انتقم منها

محمد : زين علي شنو ذنبه يحبها

ساره : ينساها بس اذا متگدر اشوف غير شخص

محمد : لا تمام تمام قابل بس نتزوج وعد

ساره : وعد هسه انته هيج وهيج تسوي فهمته شيسوي بادق التفاصيل

محمد : السالفه ثگيله ساره وممكن ننكشف

ساره : بكيفك بعد

محمد : تمام عيوني الج

عوده الى الحاضر...

علي : اكيد چذاب انته

محمد : لا وعلي الرسائل يمي ووره مسويت الرادته چذبت عليه ومقبلت اخطبها واني چنت ناوي اكلك بالعرس بس من شفت علاقتك زينه بمرتك گلت ليش اسوي مشاكل وتركتها بيد الله هم عندي خوات وماردت اضرها والله مالي ذنب

علي : حسابك بعدين عفته ورحت للبيت دخلت مسطور راسي يوجعني صديقي وبت عمتي غدروني نگسين ضليت حاير

ديمه : حبيبي بيك شي

علي : لا حياتي ماكو شي تعبان شويه

ديمه : حضنته ممم و ليش حبيبي تعبان