رغم إِنكساري

بارت سابع

رغم انكساري
بارت سابع
الكاتبه-استبرق-

تعال وشوف حالي بغيابك ولجروح...
وتعال ومر... ولو مرة ورد روح...
وتدري بشوفتك لوطيف ترد.. الروح
ترا اني بغيبتك حتى نفس يضيج بيه...
#استبرق
__________

#في_مكان_اخر

جيلان ..فزيت من صفنتي جان الوقت عصر كولش وقت الغروب احب هذا الوقت جنت اطلع بي ..هسه وين ...نرجع بزمن شووي
جيلان ..ماما اني طالعه

جازمن..اوك ماما براحتج
جيلان ...طلعت اني وصديقاتي صحيح احنه بدوله غريبه هسه دكولون بس لا بالعكس اني ماعندي غربه لان اني نولدت هنا وتكيفت هنا واهلي علموني احجي عراقي صحيح مكسر بس اهم شي احجي ..

بابا جان من العراق من سكنه اهالي البصره اجه ل اهنا علمود الدراسه جان بابا انسان طموح ويحب يدرس ومايحب يدخل وينحكم او ينجبر ع شيء هو ميريده جان عاجبه يكمل اداره اعمال بس جدي عارض هل شي وجان يعارض هل شيء دائما رغم معانده بابا واصراره للوصول ل هدفه وحلمه

بس مع الاسف باتت محاولات بابا ب الاسف جان يلاقي الصد من جميع عائلته وبنظرهم انو مجرد هو عرف يقره ويكتب هاي كافي ميحتاج بعد الرجل عدهم اهم شي يشتغل ويكون عائله ومو الا بشهاده هاي كانت نظريه جدي بس بابا ابد مصرفله هل شيء .وترك رساله ل اهله وادبر كم فلس واجه بيهم لهنا ل امريكا طبعا بعد محاولات بابا واسطات لحته يتلقه اقامه هناك ويبدي حياة جديده من الصفر لا اجل حلمه ..

واجه بابا ل امريكا وبده ب كولشي من الصفر بس بابا صحيح ماستغنه عن حلمه بس دائما دائما يذكر جدو وبيبي ويكعد يبجي عليهم اني انقهر علي كولش صحيح اني جنت اضوج ع بابا بس ابدا ما كرهت جدو بيبي بالعكس جنت اتمنى اروح وازورهم بس بابا جان يصد طلبي اله ويكول اخاف مايستقبلوني ولا يرحبون بيه واني احتراماً لرغبه بابا ابدا مااطلب شي

المهم داوم وبده من الصفر درس اداره اعمال وبده شغله شراكه مع خالي الي هو اخ ماما جانت امي من اصل عراقي اكراد بس عايشين هنا ومجنسين جنسيه امريكيا جان خالو عنده شركه صغيره وهو بابا تعرف علي وصار شريكه ونجحت شركتهم وصارو معروفين وبده شغله يطور ل بابا هو وخالي هو هنا جان بابا وحيد بس ملتهي يداوم ويدرس ولا تعرف ع ابنيه ولا كانت فكره الزواج براسه

بس لمن شاف ماما قرر يزوج بيومها جانت ماما ماره ع خالو للشركه جانت محتاجه منه فلوس لدراستها فأجت مستعجله ونصدمت بابا وبابا اعتذر منها بس هي لا محترمت وظلت تصيح وراحت

بابا تفاجئ بيها جان شكل ماما كلش حلووو بشره بيضه كولش وعيون ملونه بس صغيره جانت ملامح ماما اوربيه ف بابا تفاجئ بجرائتها الماما ونعجب بيها من اول نظره وظل يريد يعرف منو هاي وعرف انو هي اخت شريكه طبعاً ماما همات انعجبت باسلوب بابا وشلون تصرف وياها بلطف وهي مع ذالك لقته رزاله لان جانت مستعجله ع جامعتها جانت تدرس طب جان حلمها فهي من شافت بابا نعجبت بي
وبشكله واناقته جانت تحس انو ملامحه عربيه تنطي وتندمت ع اسلوبها وياا بس ماما جانت عجوله دائماً ومتتفاهم ...