رغم إِنكساري

بارت عاشر

رغم انكساري
للكاتبه استبرق

ضحكتج ضيعت دروبي ..
وكل هاي الوكاحه البيج ..
احبنها يبت روحي ..
نظرتج من تباعيلي ..
وحاجب من ترفعيلي⁦☹️⁩ ..
ترد الفرحه بكليبي ..
تمنيت النصيب يصير وتنوريني بتفاصيلج ⁦♥️⁩✨
#استبرق

_______
بارت عاشر>>

شهم.... شنو عمي ظل بالي يمك شنو محتاج شي
جلال...عدي موضوع وياك وااريد اسؤلفلك واريدك تساعدني
شهم...دلل عمي
جلال....عمي اني رجعت للعراق لأن مريض عدي مرض بالكليه مالتي ومااعرف ربك شكاتبلي بعدين اني اجيت هنا حتى اامن ع مستقبل جيلان لأن كلشي يصير وهاي

اني جبتها هنا اريد أمن عليها بين أهلها وناسها واريد اشتري بيوت بغداد واجرهن الها كمصروف الها يصير
شهم . عمي عمرك طويل ان شاء الله ليش تحجي هيج وان شاء الله جيلان بعيونه مثل ساره لاتحسب احساب وسالفه العقار شكو بيها اشتري بعد الاحسن تأمن مستقبلها

جلال. .لا عني لا اني حالتي تعبانه وراجعت هواي دكاتره هناك بعد الامر بيد ربك مااكدر اصرف شي واني مااردت ابقيها هناك خاف تضيع وحدها صحيح هي مو غريبه عليها العيشه هناك وعاشت بنصهم بس بين أهلها احسن مااريدها تحس بالنقص الي عشته هاي اني راح اموت وماعشت بين ناسي تغربت علمود حلمي وطموحاتي

شهم.. .اي صح كلامك عمي الواحد اجكد ماا يتغرب تبقى روحه معلكه بموطنه ليش عمي شنو ماله علاج مرضك ...
جلال...اي صحيح كلامك ..لا ماكو لأن بسبب السكر صار عدي فشل كلوي وبين فتره وفتره يحتاجلي غسل كليه وشايف غسل الكليه شنو اشوف الموت

شهم... عمي ليش هيج خليت صحتك تدهور
جلال. ....اني ضيعت نفسي وضيعت بتي وضيعت اهلي كلشي ضيعت

شهم....صفنت ع كلام عمي شنو قصده بضيعت بنتي ليش عمي شنو سبب
جلال...تدري شنو جانت حياتي هناك كلها مكرسها للشغل وشركاتي مجنت مهتم الكلشي

شهم....ان شاء الله عمرك طويل وان شاء الله بس يخلصون امتحانات طالبات الوياي لأن مااكدر اتركهم هسه امتحانات وروح اني وياك ل بغداد

جلال.... اشكرك الله يحفظك مراح انسى وكفتك هاي
شهم....لا عمي مابيناتنه شكر عليمن خل نروح لشط العرب شنو رئيك ناكل سمج هناك
جلال ...يله ليش لا ..

+-+-+-+-+--+-++-+--

رغد وصلت للبيت راسي يريد ينفجر كبل نمت ماكعدت للعصر فتحت النقال كلت هسه الكه كرم مراسلني وهم مااكو بله اروح اراسل رفيله

ها رفيله ام ضامنته حجيتي وياه انمار لا لو هم يريدج تقرين يخاف ع مستقبلج
رفل..هاي شبيج رغد شنو هذا حجيج شنو جاي تستهزئين ترا اني ممسؤله عن تصرفات كرم انمار جان طالع ويه كرم للكوفي وراجعين باليل كلش متأخر ومره ثانيه عيني حجيج هذا مال استهزاء بطلي