إنتحال_طفله

12

#إنتحال_طفله 12

منار:تشوف لي عيونه بي عيونها يلي كانو يلمعو من الدموع ❤️
سراج:يده علي خدودها ويمسح عليها
منار:بصوت هااادي...بتخليني معاك؟
سراج:دخل يده في رقبتها تحت الوشاح وجبدها ليه
هناء:وقفت قدام الباب ..
سراج:نسى نفسه من يكون ونسي منار بنت منو!!
نسي حتى المكان يلي هوا فيك ومكان يفكر في شي غير انه يبوسها ويطفي النار يلي في قلبه ..يحضنها ويخليها تحس بي الامان ونضرة الخوف يلي في عيونها تختفي وبس !!
اما منار انتهت من نضرات سراج ليها ونفسه عليه !!...سكرت عيونها ومكانتش تبي تبعده ولا تمنعه من شي !
هناء:طقت ع الباب مرتين
سراج:في لحضه فتح عيونه وبعد من علي منار
هناء:فتحت الباب وخشت ...شن صاير؟
منار:تمسح في دموعها وتشوف لي سراج
سراج:وقف يعدل في السماعه على وذنه ويسترجع في هيبته🔥....ولا شي البنت خايفه شويه
هناء:به قريب يبدو وينطقوً الحكم
سراج:شاف لي منار...هي اطلعي
منار:مسكت في يد سراج وطلعت
هناء:قعد واقفه مكانها متلفتتش حتى💔...قعدت واقفه ونزلت دمعه من عينها لانها خلاص تأكدت ان في شي بينهم من نضرة سراج وخوفه علي منار
من لمعت عيونه لما يشوفها ❤️
نضراته مع الكل حاده🔥🔥🔥الا معاها
نبرة صوته جافه معاهم كلهم الا معاها حنينه❤️
كانت هناء حاسه بي شي يمزق في قلبها ومش عارفه شنو تحكي وشنو تقول !!

رجعو كلهم للقاعه وبعد دقايق بدي الهدوء :-
ناصر:حسب رايك في جلسات تانيه؟
ندى:مش انا يلي ماسكه القضيع بس بعد الادله يلي تقدمت والشهود خلاص الحكم من اول جلسه
هكي احساسي لان كل شي واضح
ناصر:يمكن
ندى:ماصر
ناصر:بدون مايشوفلها...هممم
ندى:شن قصة سراج مع العيله هاذي؟
ناصر:علمي علمك علاش!
ندى:حسيته مهتم بسها بزياده
ناصر:طبعا بسهتم بيها ويحطها فوق راسه زياده خايفها تهرب من بين يديه واضيع للقضيه وكل شي معاها
ندى:اي ...تو نشوفو
ناصر:ربي يهديكم انتم البنات واااك نفخات هلبا
ندى:ضحكت
القاضي:بعد الاطلاع على جميع المستندات التي تقدم بيها المحامي امجد السايح وبعد سماع الاقوال من الشهود الاربع حكمة المحكمه
الحكم بي 11السنه على المتهم امين السيد بتهمة تهريب وتصدير كميات كبيره من الممنوعات
سراج:شبح لي اللواء وابتسم بنصر
امين:وقف وكل نضراته لي منار💔وقتها لو يطلقوه عليها اكيد رح يقتلها ويمزقها بسنونه 💔
اما منار عيونها في الارض وخاطرها مكسووور من الشي يلي دراته رغم انها وقفت مع الحق بس مهما كان امين كان في حكم برها حتى لو تخلى عليها قلبها وجعها !!

طلع امين مع كم شرطي من قاعة المحكمه لي السياره واكيد لي السجن طول
وطلع سراج وسط الزحمه وكلهم يباركوله ومعتبرينه  نجاح رهيب ليه واكيد رح يترقى 🔥
وسط المباركات هاذي والزحمه والدوشه عيون سراج كانت على منار يلي مقعمزه بروحها وحاطه يديها على وجها ...سيب كل شي ومشالها ❤️
سراج:منار
منار:قامت عيونها..نعم
سراج:مد يده...نوضي نروحو تعبتي اليوم
منار:ابتسمت وعيونها حمررر ..مسكت يده وناضت
سراج:الحقيني السياره شوي وجاي
منار:هزت راسها ومشت .