ابوسك بالحلم واعلن صيام أسبوع
طعــم شفتك دوه ويمنـــع شهيـــــــتي
إذا أبوســك صدك راح اضعف هواي
لأن راح ابــقى صــايـم حـــد منـيتـي
....................................................
بعد ما خلصو صارت ب 11 بليل رادو شاي صبيتلهم وصعدت لغرفتي لبست برمودا وردي ورفعت شعري وصعدت للسطح المكان الوحيد الي احس براحة بي ورة دقايق اجت مروة
مروة/ شعدة الحلو هنا وباست ملاك واجن مريم وزهراء هم كذالك
ملاك/ الله يحفضجن الي احبجن
البنات احنة هم نحبج
مروة/ ياه انزلن اريد احجي وية ملاك
مريم زهراء/ ماشي تصبحون ع خير
اجمعين
ها مروة شبيج
مروة/ شوفي ملاك انتي هسة صرتي اول متوسط وتعرفين عمامي شكد يكرهونة ف اريدج ترفعين راس بابا شفتي شلون بس يدافعلنة حتة يخلينة نكمل مااريدج تندمجين وية بنات هواي راح تكونين ب مدرسة تختلف وراح تشوفين بنات مختلفات وراح تلكين بل اكثر مو زينات مااريدج تنزلين راسنة اريدج ترفعي بابا حيل تعب علينة شفتي شلون مفتخر بينة كدام الكل ودائما يكول بناتي وبناتي اريدج ترفعين راس بابا وماما هم هية هم تعبت هوواي ادرسج واي شي تحتاجي تجيبة الج ودائما تكول زوجات عمامنة وهنة اعداء ويانة وتكللهن بناتب وبناتي اريدج تكونين قدوة النة
ملاك ببتسامى/ انشاءالله حبيبتي وترة اني مااصير قدوة الجن لان انتي هية قدوتنة واني ادري همة شكد يكرهونة لهذا السبب راح اكون اشطر وحدة
مروة/ عفية ببنيتي يله كومي انزلي
ملاك/ شوية وانزل
ماشي
راحت مروة واني كلما اتذكر كلامهة دموعي تنزل تنزل لان اكول ليش هيج عمامي وزوجاتهم حتة عوائلهم يكرهونة
ورة شوية اجة حسين كال شبيهة ملوكتي واني جنت حيل مخنوكة حضنتة وبجيت وهوة هم حضني ونوب مسح دموعي وكال
حسين/ولج ملاكي شنو هل بجي اني مااحبج تبجين
جان هوة الوحيد الي اكدر اشوفة دموعي واحس ويا ب أمان
والله مااعرف شبية مختنكة
حسين / ابجي ابجي اتشاقة وياج حتة ترتاحين
واني ماصدكت كضيتهة بجي بحضنة لحد ما ارتاحيت
ها ولج هسة ارتاحيتي
ب ابتسامة يي شكرا
ههه ولج لا تكولين شكرا
ماشي نوب كام وراح جاي انزل وحسيت شخص سحب ايدي
اباوع عل امير عيونة دممم وكال
امير / شيسوي حسين وياج فوك
أنت تقرأ
قصة حياتي
Misterio / Suspensoقصة تختلف واقعية راح يكون بيهة القليل من الاضافة عناد كبرياء حساسة قوية ولا تعلم ماا هوة قدرهة قوي وشخصية ومحبوب ابتلى بنت اعنودية شلون راح يتعامل وياهة يا ترة
