✨بيـن العشـق والإنتقـام✨حلقـة7✨سرو✨
اروى: ماااما واطي صوتك بابا راقد 💔💔بالله عليك متسالينيش كيف او امتى وليش او شن حبيت فيه لان بروحي منيش عاارفه ومتخلينيش نندم لان حكيتلك تعرفي معنديش غيرك
مفيده: غباااااره امااا حب هذا يلي تحكي فيه بنتي استهدي بالله نسيتي شن دارلك الشخص هذا صدقيني يحاول تحبيه بش يحرقلك قلبك وينتقم منك
اروى: تنهدت وواطت عيونها..... ماما سبحان الله بجديات نرتاح لما يبدا موجود لدرجه نشوف ف شخصيه تانيه ف عيونه وبالنسبه للانتقااام مفيش غير عيله عمي ينتقموا مني بجدياااات مزودينهاا حتى اني كليت تهزيبه تانيه من ام وليد قريب قتلتني وفوقها تبوني نتزوج وليد هذا مبيناتنا شي وهكي مالا بعدين كيف اصلااا عارفتهااا تبي تحبسني حاسدتني فكل خطوة نسيتي ان خديت شهاده الصيدله غصب عليهم
👑روايـات الكاتبـة سرو👑
مفيده: خليني ف عمر تواا بنتي منبيش نعصب عليك او نضربك ولا ان نحرمك من هاتف ولا اي شي لانك كبرتي ومثقفه وواعيه بس خليني فالنصيحه حبيبتي صدقيييني مش ح ينفعك ردي بالك تكلميه او توافقي عالعلاقه ردي بالك تردي عليه اساسا انتي متعرفي شي عليه
اروى: خديت نفس ..... اي تعرفي ماماا ننعس وتاعبه تو نزيدوا نهدرزوا
مفيده: نوم العوافي غاليتي 🙁منوصيكش غلاتي مترديش عليه ردي بالك منه
اروى: تماام .....وركب للدار رن هااتفي رديت نحسابه عمر حتى اني منتبهتش للاسم
وليد: اهلين اروى
اروى: انصدمت من الصوت بعدته من وذني شفت الاسم لقيته وليد ..... اهلا
وليد: شن اخبارك?
اروى:بدون نيه.... كويسه وانت صحتك!
وليد: ليش تهمك صحتي!
اروى: وليش متهمنيش صحتك اخرتهااا مسؤوله عن صحتك اني
وليد: مشيتي وخليتيني موجوع
اروى: هههه اولا قلتلي جماعتك الشباب نخاف يشوفوك ثانيا امك هانتني تبيني نقعد نسمع ولا كيف اكتفيت اهانات شن تبي نديرلك تاني 🤨
وليد: تعرفي الم ووجع غير طبيعي
اروى: كيف معطوكش مسكن!
وليد: شن بيدير مسكن تعرفي تقول ابره شلل مش طلقه سلاح جسمي كله يرن من كتفي
اروى: سلاامتك بس مفروض ترتااح مش تشد الهااتف
وليد: الله المستعان تسمعي بيها هذا هو
اروى: ربي يشفيك .... نستاذنك بنسكر
وليد: اذنك معاك .....وسكرت
أروى: لو انتبهت كنت مرديتش ورطه 😩😒
..... ورن هااتف شفته لقيته عمر رديت
اروى: وينك كنت نستنى تتصل!
عمر: تعرفي فوق 7مرات نتصل نلقى فيه مشغول مع من كنتي عالخط 😑
اروى: مبيتش نقله بش ميتعصبش.... كنت نكلم ف صاحبتي اي المهم
👑روايـات الكاتبـة سرو👑
عمر: رورو غمضي عيونك وتخيلينااا مع بعض 😍
اروى: قلبي ينبض ... هههه عمر حسستني شهور متلاقيناش
