بارت ٣
هذا رقمي واتمنى تتصلين بيه اليوم ساعه 10 وصدكيني مااخذ من وقتج الا القليل...المتيم سيف)
مريم:نزول عليج شلون ساطره الولد سطر ..راح تخابري مو؟؟
والله ماادري يعني مبي يصبر مبقى غير كم يوم ويصير شي رسمي دنجبي عاد كافي تبيعين مثاليات خابري الولد اكيد عنده شي ضروري..
رجعت للبيت وبقيت افكر وحايره اخابر لو لا واخر شي تشجعت ودكيت..
دك تلفوني رقم غريب ساعه 10 راد يوكف كلبي عرفتها عسل..جاوبتها
الووو
بهمس هلوووو سيف
عيون سيف شهالصوت الحلو
خجلني..اذا عندك كلام ضروري احجي بسرعه رجاءااا
عيني شدعوه هالاستعجال ادري تدللين علينه يابه لايكلج الدلال..
لا والله بس محرجه اول مره اسويها واخابر ولد.
بس اني مو اي ولد اني شخص حبج بجنون وحافظ عليج ومخدش مشاعرج ودك بابج رأسااا وردت اسالج سؤال قبل ليجون اهلي يخطبوج
انتي تحبيني ؟؟؟
خجلت مااعرف شنو اجاوب!!
شلون يعني راح تبقين ساكته مو روحي اشتعلت شعل..
انت اول انسان دك كلبي اله
تصبح على خير..وسدته
الو الو عسل
سيف:كلبت كياني بكم كلمه..اووف ياربي اني اسعد واحد بالدنياااا..
عسل: معقوله هيج اني احبه والله مدااصدك روحي ..ياربي تمم فرحتي بنجاحي واجمعني بسيف حبيبي
بقه اسبوع وتكمل امتحاناتي وبعدها يجون اهل سيف يخطبوني...
صارت بيناتنا مسجات وغزل واتصالات قليله..كلش حبيته وتعلقت بي...
اليوم اخر يوم لا امتحاني وهالمره جان منتظرني بعد الامتحان ..
سلم عليه وعلى مريم وطلب مني اطلع ويا نكعد بكوفي قريب بس اني رفضت وكتله مبقى شي وتصير خطوبتنه وحسيته ضاج..
المهم كلي امي راح تخابر امج ويجوكم الخميس الجاي يعني بعد 4 ايام..فرحت حيل بداخلي وكتله تشرفونه وسلمنا عليه اني ومريم ومشينه..
مريم:ولج انتي مجنصه مو طبيعي الولد هيمان.. والله عمي الله ينطي جوز للماعنده سنون
عابتلج مريم الحاسوده..يولي والله دحس بكلبي فرحان بس بي غصه...
مريم:الله كريم يتمملج خطوبتج على خير يولي مو تاخذين حجي صدك وعبالج دحسدج ترى اطيح حظج بس انتي تعرفيني اداهرج هوايه يااختي وصديقتي الوحيده..
ههههه لا عادي
عسل:رجعت للبيت شفت بابا ديفور ..سلمت وسالت امي شبي بابا ..
&
&
&
#رواية_بنت_ملوك😻🦋
بارت ٤
جاوبتني روحي بدلي واكلج بدلت ونزلت اركض
امي:راح نروح باجر للبصره ويه ابوج مادام كملتي امتحانات لان اخاف عليه وحده يروح صاير نار
ليش ماما؟؟
عمج مهند الطماع ابو عين الضيكه فوك كل الخير العنده ماخذ حصة عمتج امل بالبستان بحجه ديدير باله على بستانها..
هوه الافندي محوله بااسمه
واليوم خابرت ابوج تبجي وابوج تخبل من وراا..
عمي مهند اصغر من ابويه وعنده حلال واملاك وعينه طماعه ومتنملي ومطبع بطبايع مرته هم مثله وسبحان الله ولده عليهم طالعين...
عمتي الوحيده امل فقيره ومسكينه تزوجت وخلفت بنيه و ولد ورجلها بالسقوط استشهد..
جدي الله يرحمه قبل ليموت خاف عليها من غدر الزمن ومن عمي مهند بالذات فكتبلها بستان بي خير بااسمها وكتبلها البيت الي هيه عايشه بي..
عمي مهند فاتلها بلوفه وكاللها سويلي وكاله حتى انطي بستانج لشركه اجنبيه تزرع وتحصد وتسوي بيوت زجاجيه وبيها خوش فلوس ..ويجيج الصافي خير من الله..
عمتي غشيمه ومن اهل الله صدكته بسرعه وانطتا التوكيل وعمي حول البستان بااسمه لان يضن هو احق بي..
عسل:كتبت لسيف وكتله راح نضطر نسافر الصبح للبصره..لتخلي خاله تخابر على ماما خليها من نرجع بعد كم يوم..
سيف:قريت رساله عسل وضجت حيل واخذت على خاطري ...
بس بالليل منطاني كلبي ازعلهااا
جاوبتها نوم العوافي عسولتي تروحين وترجعيلي بسلامه...
الله يسلمك
كعدنا الصبح ورحنا للبصره وصلنا واتلكونا وذبحوا الذبايح لان والدي الشيخ ..ونزلنا بيتنا بيت الشيخ هو بالاصل بيت جدي وكاعد بي عمي منير اصغر واحد كلش حباب وبي هوايه طيب من ابويه وعمتي امل
زوجته كلش تحبنا وخطيه ميصير عدهم اطفال ومقبل يزوج عليها لان يحبها
رحت لغرفتي ..احنا كلمن عنده غرفه بالبيت والبيت كلش كبير مال ملوك..
سبحت وعدلت ملابسي ونزلت والتمينا وياهم على السفره واجتي عمتي امل وابنها نزار خريج صناعه وعنده ورشه سيارت كلش حباب ويعاملني مثل اخته وبنت عمي اسمها ناديه هم مثلي سادس بس ادبي كلش مقربه الي واحبها وعلاقتي قويه بيها وبئر اسراري..من نروح للبصره دائما تجي عمتي ونزار وناديه يبقون يمنا الما نرجع..
كملنا اكل وصعدنا لغرفتي لان تنام يمي ..سولفتلها على سيف وكل التفاصيل وفرحتلي واني هم كلش فرحانه بس دائما احس غصه بكلبي..
بهالاثناء اجاني مسج من سيوفي
(لَلَغُيِآبً قُصّـهّ آخِـتٌـصّـرهّـآ فُـيِ ثًـلَآثً کْلَمًآتٌ ..آمًوتٌ شُـوٌقُآ لَروٌيِاکي)ْ ...
اوف عسوله هذا عاشق وولهان الله يجعله من نصيبج حبيبتي انتي ورده وتستاهلين كل خير..
&
&
&
#رواية_بنت_ملوك😻🦋
