بارت ١٧
عسل:بقيت يومين بالفراش وصارت مواقف دمرتني وتعبتني هوايه اريد قربه وحاسه بي بس ماكدر اكله اني..شسوي ياربي والله راح اموت...
عسل:باجر اخر يوم بااتفاقنه وينتهي كل الي بيناتنا نمت وعيوني كلها دموع وتنزل مثل النار على خدودي...
مصطفى:اعصابي تلفت وحاس نفسي مربط وكرهت الاتفاق ولو مارس حقوقي وياها من البدايه جان هسه احنه عايشين طبيعين مثل اي اثنين..بعت شهامه ومثاليات وقطعتلها وعد واني هسه مدمر وماكدر اخلف وارجع بكلمتي.
عسل:كعدنا الصبح ومبين علينا كلنا حزنانين وخاله موصيها مصطفى متتدخل بس كالتلي شويه كلام اتأثرت بي وبجيت واني جنت متحمله ونفجرت..
ام مصطفى:صحيح انتي اجيتينا بظرف متنحسدين عليه بس الله شاهد حبيبت وعزيتج بغلاه ولدي وتمنيتج تبقين وتصيرين بنتي الي ماولدتها
مصطفى:عسل بجت بحركه من كلام امي واني ادري بيها تبجي على وضعنا وحالها صعب وحالي مو احسن منها،داموت الف موته بس ماباليد حيله.
مصطفى:مادام جهزتي خل نروح للسيد واطلكج..كلتها واني داتكطع..
عسل:ممكن اطلب طلب؟؟
أمري..
خل ننفصل بس بدون طلاك ومنا لسنه طلكني لان اخاف على سمعتي وسمعه اهلي والناس مترحم المطلكه والنوبه بااول شهر زواج..
ام مصطفى:زينة البنات ام عقل الجبير والله خوش تفكير..
مصطفى:طرت من فرحتي يعني اكو امل جبير ترجعلي ،جاوبتها ،اني احترم قرارج عسل واسوي الي تريدي.
مصطفى:سلمت على امي وحضن وبجي ونوفل هم بجه وياهم واني كلبي ديبجي ،طلعنه ومحجينه طول الطريق بس اول موصلنا كتلها عسل اكتبي رقمي حتى من تقررين الطلاق خابريني..
عسل:فرحت من نطاني الرقم واني جنت بس رايده احصل عليه ..
نزلت من السياره وهو اجه يمي(طبعا جان طالب سياره خاله الجبير حتى يوصلني)
عسل:ولا اول مره صافحني وكلي موفقه بحياتج عسل وصعد بسرعه وطلع مستعجل...
من صافحني ارتخيت وذبت بعيونه وحسيته باجي ...
متحملت نظراتها ولمسة ايدها طلعت وسقت سريع وحته مباوعت ورايه...
عسل:فتت لبيتنا ولكيت اهلي ينتظروني جاين من بغداد ياخذوني لان ماما فهمت بابا بالسالفه..بس اتفقت وياهم يكولون رايحه اسوي قبولي..وبعدين ينحل الموضوع بالتدريج..
فرحت بشوفت اهلي بس بداخلي دامووت على فراك مصطفى وشلون راح اتحمل بعده...
مصطفى:طول الطريق وعيوني تجري حسيت قطعه من كلبي راحت وياها من طبيت للبيت ،امي حاسه بيه وبقت تصبرني وكلتلي يمه نصيبك يصيبك.
كل ركن بالبيت بي ريحتها وضحكتها بااذني.
تعذبت وعانيت بفراكها بالبدايه ،بس هالشي انطاني قوه ،وقررت اتغير علمودها وبالفعل طورت نفسي وبديت اشتغل ليل ونهار بالمستشفى وزاد راتبي وترقيت لان المدير حبني وشاف مثابرتي والتزامي...
بيتنا بعنا جان مساحته 300 م وقديم واخذت بداله قطعه 150 م وانطيتها لمقاول سوالي بناء تركي كلش حلووو...والمبلغ الباقي كدرت احصل رخصه وفتحت عياده وتخصصت باطنيه...
تحسنت اوضاعي واخذنا اثاث جديد وبعدين اخذت سياره بالاقساط واسددها من وارد العياده...
عسل:بعد ماوصلت بغداد جنت شبه ميته انسانه محطمه وامي تعبت ويايه وعرفت بقصتي ومشاعري وشجعتني اصير واوصل وكالتلي اذا هو قسمتج يرجعلج..
مريم صديقتي زارتني وجنت محتاجتلها حيل ..وجانت ناجحه ومعدلها 72 ومروان ابن خالتها خطبها..
حجتلي على سيف وكالت من رجعوا اهلج وعرفت امه الموضوع من خاله سيف تخبل وراح خطب بنيه وجان مستعجل يمكن دينتقم ب3 اسابيع خطب وزوج..
عسل:الله يسعده..
حجيتلها قصتي وشجعتني اقدم طب البصره وفعلا قدمت وره فتره طلع قبولي طب البصره وجنت ممصدكه..
&
&
&
#رواية_بنت_ملوك😻🦋
بارت ١٨
كل هاي الفتره واني مااعرف اخبار مصطفى بس من اشتاقله اطلع صورته يوميه واغفه عليها
والدي اعترض بالبدايه على روحتي للبصره بس امي قنعته وكالتله مرايحه يم غربه هي بيتنه ويم عمها منير..
رتبت وضعي وبده دوامي ورحت للبصره..
اول مشميت هواه البصره نزلت دموعي وقررت اروح لبيت مصطفى وازورهم لان مشتاقه لخاله ولنوفل وراح اموت على شوفته..
فرحوا بجيتي بيت عمي منير لان مرت عمي مربيتني وتحبني وتعتبرني مثل بتها لان ماعدها اطفال..
اول مسمعت بجيتي عمتي امل وناديه اجوني راسا وفرحت حيل بشوفتهم ..
سويت خط للكليله وبد دوامي واتعرفت على بنيه بشعبتي من اهل ديالي وساكنه بقسم داخلي كلش حبابه اسمها رضاب وقوت علاقتنه.
دراستنه كلش صعبه وماخذه وقتي كله ..بس مايوم بطلت تفكير بمصطفى بس حايره شلون اروحلهم..
سولفت لرضاب قصتي بااعتبار صار شهرين نداوم وصارت مقربه الي كلش ،فطلبت نصيحتها
رضاب:عسل ترى انتو بعدكم مزوجين ومابيها شي كولي لعمتج امل توديج مو تكولين تحبني ومعتبرتني مثل بتها..
عسل:اليوم اجرب احجي وياها ...
رجعت من الدوام وكتله لعمي منير وديني لبيت عمه امل عاجبني ابات يمهم اليوم خميس..
عمي منير:من عيوني من تكملين كوليلي..
كملت ونزلت اركض ورحت ويه عمو منير لبيت عمتي ،كيفو حيل من شافوني وفرحوا لان راح ابات..بقى عمي تعشا وراح واني بتت ..
بالليل سهرانين وناديه تدري بالموضوع.،غمزتلها علمود تطلع واخذ راحتي بالسوالف ويه عمه..
بقيت اسولف وكتلها السالفه كلها وتعجبت
يعني انتي لسه على ذمته بنتي
اي عمه طلبت منه وره سنه يطلكني علمود سمعه بابا..
ان شاءالله باجر الصبح اخذج ب٩ واوديج تشوفيهم حبيبتي...
ممصدكه شراح يجيب باجر شيصبرني..
كعدنا الصبح وتحظرت وطلعنه اني وعمتي ودليت ابو التكسي ونزلنه باب بيتهم .. ندك بالباب وماكو محد يفتح..
طلعت حجيه من البيت الي بصفهم..
عمتي حجت وياها وكالتلها عيني متعرفين وين راحوا بيت الدكتور؟؟
الحجيه:عيني بيت الدكتور شالو لبغداد،اخذ مرته وراح
عسل:خاله خاف تقصدين امه؟؟
الحجيه:امه نطتج عمرها وهو اخذ مرته وراح..
عسل:متت من القهر منا وفاه خاله ومنا انصدمت بزواجه...
رجعنا وبقيت ابجي وممصدكه معقوله مصطفى يزوج واني على ذمته ،زين شلون بعد سنه ممكملين يادوب 7 اشهر صارلنا مزوجين..
عمتي انقهرت عليه وبقت تحجي ويايه وتكلي لتنقهرين بنتي كلشي قسمه ونصيب..وانتي بعدج صغيره وحلوه والحياه كلها كدامج..
وقصتج ويه مصطفى محطه ولازم تعديها وتشوفين حياتج...
عسل:بقيت الليل كله اتكلب ومصدومه وناديه مقهوره عليه ..وتعبت من التفكير..وقررت اخابره الصبح واطلب منه الطلاق ...
نمت وكعدت وترددت اخابره او بالاحرا ضعفت..
بقيت بيت عمتي جمعه والسبت رجعت..
&
&
&
#رواية_بنت_ملوكك
