#فرح 🔥2🔥
نور...بعد وقت قالت
شن اسمك😍
فرح..شافتلها
نور...ابتسمت
فرح...اسمي فرح
نور... عاشت الاسامي يهبل اسمك
فرح.. اول مره حد ف حياتها يقوللها كلمه حلوووه
قتلها
حقا؟
نور.. من سؤال فرح ب حقا؟ فهمت انها ماعندهاش ثقه ف نفسها💔
ف قالت اي اسمك هلبا حلو
واني اسمي نور
فرح... ابتسمت لان تعرفش اصلا شن ترد💔
فرح ف خاطرهاااا تقول
حي ع جماااالها وانووووثتها علاش جااايه مقعمزه بجنبي مافهمتش؟ قاطع تفكيرها سؤال نور
نور.... تقري فرح؟
فرح... لا
نور... تشتغلي؟
فرح... لا
نور... ماحبتش تسأل علاش وكيف
بعد وقت
فرح... ماكملتش قرايتي
نور... نعم؟
فرح... اني ماكملتش كليه قريت سنتين وقعمزت في الحوش
نور... نقدر نعرف علاش؟
فرح... هكي وخلاص
نور... ماتفكريش تكملي قرايتك؟؟
فرح.... هههههههههه💔💔💔
نور.. قرت كل شي ع فرح من عيوونها وتصرفاتها ونظرتها للناس وحركاااااتها
ف دقااايق بس قدرت نور تفهم كل شي ع فرح وتحلل شخصيتهاااا
نور((من صغرها انسانه مثقفه تقرا آخر سنة في طب الاسنان
صح صغيره بس عقلها يعطيهاا اكبر من عمرها بهلبااا فاهمه راقيه مثقفه حلووه هلبا ❤️باختصااار هي نور اسم على مسمى
نور.. فهمت ان ضحكة فرح هزوه ع روووحهااا ف ماحبتش تسألها علاش تضحكي وقالت
بالنسبه ليااا نشووف للقرايا اهم شي
فرح... هزت راسها اي اي بالله انت.......
نور... اني خيرني
فرح.... شي شي ((تبي تقول شوفي الفرق بينك وبيني انت وين واني وين؟؟؟؟
نور... اكتفت بالوقت اللي قعمزت فيه معاها وقفت
فرح خودي رقمي لو احتجتي اي شي كلميني
فرح... خدت رقمها ❤️
روحت الحوش وطول الوقت وهي تفكر ف نوور وتمنت لو عندها ربع شخصيتها وجماااااالها💔
خشت فرح ل دارها شويا وانفتح الباب بقوه
رويدا..... شوووفي القفطااان اللي خداهولي محمد
فرح... حلو
رويدا.. تاخديه؟ هههههههه ((بهزوه لان فرق الوزن بينهم اكتر من 30 كيلو 💔
فرح... غطت راسها ورقدت وعيونها معبيات دمووع💔
الصبح👇
فرح.... صباح الخير
مريم... صباح النور
قعمزو يفطرو
فرح... شن البوكس هدا
مريم... اها فكرتيني شووفي الساعه
فرح.. محلااها
رويدا.... تتكسل🙃 شن هي اللي محلاها
مريم.. الساعه بنرفعها لخالتك
رويدا.... لالا مش حلوه بكل ياماما😣😣
مريم... حلوووه بالعكس
رويدا... والله مش حلوه بكل
مريم.. شن رايك فرح
فرح... مش عارفه
مريم... مش توا قلتي محلاها
فرح.... ساكته😔((قالت حلوه بس لما رويدا ماعجبتهاش قالت اكيد هي مش حلوه بس اني نعرفش وماعنديش ذوووق💔💔
ف كل شي فرح هكي ماتعطيش رايها ولو عطااااته يتغير بسرعه ع حسب اراء الناااس💔
مريم... خيرك ساكته فرح
رويدا... والنبي بجديات انت تاخدي ف ذوووق هدي
تي شن الدووق اللي تعرفه هي 😒😒😒
فرح... صح ياماما اني عنديش ذووق ورقت لدارها💔💔💔
.
.
.
وقفت قدام المرايا تتفرج ع روووحها
من داااخل تقول كل شي فيا مش حلوووو
ف هي تشوووف انها كلها شينه💔حتى لو فيها شي حلووو ماكانتش تشوووف فيه حست بضيييق ماعندها ل من تشكي ول من تحكي تفكرت نوور 😍
خدت الفووون واتصلت
نور... الووو صباح الخير
فرح... صباح النور
نور... من معاي
فرح... اني فرح
نور.. 😍اهلين فرح كيف حالك
فرح... الحمد لله سااامحيني ازعجتك
نور... ماتقوليش هكي ازعاج شن واي صبح اني ليا خمسه ساعات فايقه🤭
فرح... ماشالله ع النشاط
نور... اي تبي حاجه فروحه
فرح.. فرووحه؟ الله اول مره حد يقولهالي
نور... 😍😍به كويس مادام اول مره تسمعيها ادعي حاجه 😘
فرح... كيف يعني
نور... من صغري كنت لما نسمع حاجه جديده اول مره ندعي شي ونبدا متأكده ان ح يصير وفعلا يصير😍
فرح... بجديات
نور.. اي والله😂سبحان الله
فرح... ((يااااااااارب غيرلي حيااااتي يارب)) ف خاطرها
.
.
نور؟
نور...نعم
فرح....اني مضااايقه وماعنديش صحباااات نحكيلهم عادي تسمعيلي
نور... كانت متأكده ان فرح ماعندهاش صحبااات وماعندهاش حد قريب منها من لما شافتها حست بالشي هداا
اي اكيد نسمعلك خلينا نتلاقو
فرح... نتلاقو؟
نور... اي ف اي مكان تبيه
فرح.. اني مانطلعش من الحوش
نور... ماتقدريش والا انت ماتحبيش
فرح... اني مانحبش وهكي متعوده
نور.... يعني تقدري تجيني ف حوشنا
فرح... به عادي
نور... تمام نستنى فيك اليوم
فرح.. اليوم؟
نور.. اي اني شويا ونروح للحوش تعاليلي ف العشيه كلميني نعطيك النعته
فرح... تمام صحيتي نور
نور... مادرت شي يشكر عليه ❤️ هيا نتلاقو
فرح... نتلاقو باي
.
.
فرح... ماما؟
مريم.. نعم
فرح... بعدين بتمشي لخالتي؟
مريم.. ايه
فرح... نبيك ترفعيني ف طريقك ل بنت
مريم... 😳😳😳😳
ومن هي؟
فرح... اللي امس ف اللمه مقعمزه بجنبي
مريم... ومن وين تعرفيها انت
فرح... تعرفت عليها البارح واليوم بنمشيلها ف حووشهم
مريم... لحظه لحظه قصدك نور؟
فرح... 😳اي من وين تعرفيها
مريم... حي هدي بنت الدكتوره سميه
فرح... متاع النساء والولاده؟
مريم... اي بالزبط ((فرحت من وسط قلبهااااا لان ماتخيلتش ان فرح ادير صديقه وفرحت اكتر لما عرفت من هي
حااااضر جهزي روووحك ونرفعك بعدين لما نطلع
فرح... اوووك تو ناخد منها النعته
مريم... لالا نعرف وين حووشهم اني
فرح... تمام😍
رويدا... درتي صحبات وبتطلعي من الحوش؟ ماشالله ماشالله😂
مريم... شن يضحك فيك
رويدا... شي
قصدي متأكده ان هي نفسها اللي قتلك تعالي لحوشي؟
فرح... اي
رويدا... ههههه والله مانصدق اكيد ترجيتيها تعزمك باش اديري جوو ان عندك صحبات اصلا انت من يقبل يهدرز عليك انسااانه فارغه متخلفه مقررررررفه منظرك مشمئز
محمد... خيرك تعيطي
رويدا. اختنا دارت صديقه وبتمشيلها اليوم ف حوووشها
محمد... وانت خيرك تعيطي اكيد زي منظرها
رويدا. محمد.. هههههههههههههههه
فرح.. بعيااااااط خلاااااااااااااااااااااااااااااااااااااص
رويدا... ياااامامي خفت(بهزوة)
محمد... بالشويا عليك راه يطقلك عرق يامنظر🤮
مريم.. خلاااص سكر فمك انت ويااااها قليلين التربيه
فرح.... طلعت تجري لدارها وهي تبكي
وقفت قدام المرااايا وهي تتنفس بقوووه
وعيووونها حمر🔥
ح نحكي كل شي ل نووور كل شي
ممكن نستريح تعبت اني ياااااااربي تعبت😭
سمعت آذان الظهر توضت وصلت وكاااانت اطول صلاه تصليها ❤️
دعت كل شي ف خاطرها ل ربي
يااااربي ساااعدني يارب غيرلي من حياتي ديرلي سبب يغيرني والله تعبت للحد هدا من الدعاء واكتفت لانها معاش عرفت تتكلم 💔 ف قالت يااااارب ساااااعدني وحققلي كل شي ف بالي ياااااااارب💔
.
.
بعد العصر
مريم...هيا فرح جهزي روحك
فرح... تمام
.
.
ترن ترن ترن
نور... الو
فرح... اهلين
نور.. اهلين بيك
فرح... اني شويا وبنطلع
نور... تمام تبي النعته توا؟
فرح... لالا ماما طلعت تعرفكم
نور.. حقااا😍
فرح.. اي
نور... خلاص نستنى فيك
.
.
طلعت فرح واول ماوصلت الحوش قالت ل امها ماتمشيش لين تطلعلها نور
نور... سلمت ع مريم ودخلت فرح
نور....
انتزرووووووني
🔥🔥Orjwan Alshareef🔥🔥
