#اذابت_صلابتي_الجزء_25. ماقبل الاخيره
#للعنه_الصدفه
قصه حقيقيه70% اسفه ع تاخير يومين بلا نت
ـ واعر شعِور هذا !
انك تكِون تايهه مشش عَارفف رُوحك انسيت ولا كرهت ولا مزلت تحب شخص هذا ؛مره ترايفّ وتضعف وتقعد تتمنى يرجع يوم واحد معاه ومره تقُولل لا ماضِي وفَات!
شُعورر يوجع القلب لماا تكُونن ففِ نصص طريق مش عارف تقدم ولا توخرّ تستسلّم ولا تكمّل اخِ عَ حب قداش يضعفِ،💙
هنادي، لالالا الله ربحك بطني حاولت نبعد منه وكان ومغطي وجه لا عرفته بنت ولا راجل مسكني من خصري من خلف ويضرب ع بطني بيده بقوه اخخخخخخ بطني والدي ي هاوو واليدي 😭
انا، اول ما فتحت باب حمام بصوت عالي 😳 هنادي ياناعليا. انت هييييييي وقف اول ما شافني دفتني ع ساس ويجري جيت شورها هنادي انتي كويسه كانت تبكي بصوت عالي مطبسه وحاطه يدها ع بطنها وتنزف
هنادي، ساعديني البيبي تو ايموت الله يربحك اخخخخخ وووك عليا 😭
انا، به به هيا معاي بشويه تمت حبه حبه تمشي معاي وطلعنا وكان مكان الي في جاسم وسرور بعيد وقرب شي هيا سياره سرور
هنادي، اخخخخ بطني سجى ديري حل اخخخ
الله ربحك
انا،امسكي روحك شن نبي ندير ي. ربي شن نبي دير ع طول رنيت ع سرور الووو تعال بسرعه حذه سيارتك بسرعه وصكرت مسكت يدها روحنا سياره سرور
سرور، الو الو تييييي شن صاير زعمك روحت حذه سيارتي بستغراب سجى خيركم
انا، بسرعه حل سيارتك هيا
سرور،اوكي
انا، حل سياره وكبنا انا وهنادي من خلف ماسكه يدها وكانت قريب تموت وتنزف وااااااجد وتعيط بصوت عالي
انا، بسرعه ي قلبي ع اقرب مستشفى. بسرعه
وعدا سرور الي قرب مستشفى.وخشت الغرفه وخش عليها دكتور وهي مزال تعيط وانا سرور قعدنا برا وقالي كنك شن صاير وحكيتله الي صار وكيف خشيت حمام والقيت واحد يضرب فيها
،
💔✨
،
جاسم،تييييي طولت هذي توا نعدي نشوفه ي امي ونجي مطولش اوكي
ام جاسم، به ي واليدي
وعديت جهه الحمام تميت نادي هنادي ي هنااااادي وينك والله مافيش حد وفتحت باب الحمامات نلقا كله دم 😳هنا دمي نشف قلبي وقف خلاااااااص قلت واحد قتله و قتل العيل نجري امي بسرعه ي امي بسرعه هنادي مش قاعده الله ربحك قومي امي نفجعت بكل وهي مش ناقصها والله
المهم ركبتها في سياره ونا طلعت ندور عليها في حديقه ونسال ناس عليها ماحد عطاني دليل ي،ربي بعدها خطرت عليا كان دم داير خط من طلعت من حمام وانا انتبع فيه عند وصلت النهايه معش في اي دم هنا خلاص قلت واحد قتلها و دافنها في شي مكان 😔💔 روحت امي وانا وجي اسود
ام جاسم، اها ي واليدي شن رقدت عظامي
جاسم، تمى يخبط ع دومان سياره ويقول مش عااااارف تييييي ولله ماني عارف 💔😔 ولعه سياره وعده يدور في هل شوارع مش عارف شن دير وام جاسم وتبكي وتدعي
،
💔💤
،
،
#كاتبه_مروه_عمر 🖋
،
،
طلع دكتور جينا شورا انا وسرور
انا، دكتور بشر كيف حالها توا
دكتور، وين راجلها انت هوا
سرور، لا
انا، لا ي دكتور. توا جي في طريق المهم هي كيف
دكتور،والله وضع خطير الجنين وهي ونزفت واجد ونبو دم بس فصيله نادره توا نشوفو في مستشفى كما لقينا نقوللكم دورو
انا ،تمام ممكن نخش،عليها
دكتور،5. دقايق واطلعي
سرور ،ما طولش ي سجي
انا، حاضر وخشيت عليها لقيته تعبااااااانه بكل وحاطه يدها ع بطنها وتبكي جيت شورها وقعمزت ع حافه سرير هنادي اليش تبكي خليك قويه الحمدالله كويسه وانتي والبيبي
هنادي، لالا خايفه خايفه واجد 😭 توا اكيد يدور فيا جاسم وكان عرف اني روحت مع واحد غريب يقتلني
انا، تعصبت 😠 فوتي مريض،هذا توا عطيني رقمه رن عليه ماتخفش انا معك
هنادي، اوكي 092*$&$&*&%%
انا، توا رن عليه برا ردي بالك تخافي وادعي بس ربي كريم ي قلبي وطلعت وسبيته في حالها طلعت ما لقيتش سرور 😦 غريب وين عدا هذا قبل نبيه يكلم جاسم فوتي رن عليه انا وخلاص اكيده باله مشغول عليها مسكين ورن ورن 🎼
جاسم ،الووووو
انا، جاسم معك سجى وانا مع هنادي في مستشفى
جاسم ،متعصب بصوت عالي انتي انتي الي خطفتيها نوريك اي مستشفى
انا ،بكل برود تحشم ع وجك كما انا را مرتك راحت فيها هي و والدك وانا في مستشفى *%&% وصكرت ع وجه 👊تف عليك وع اشكالك والله ما عشان سواد عيونك غير انا عندي قلب
جاسم ،صكرت ع وجي كشفه ونجري الي مستشفى
ام جاسم، بسم الله ي واليدي بشويه شن صاير
،
انا.، نشوف في سرور جاي من بعيد ماسك قهوه وشكولاته وينك انت
سرور، نجيب في هذين
انا، نجك اليا شكرا ي قلبي قعمزنا ونحكو
سرور، كيف حالها بنت
انا، مسكينه خايفه من جاسم عشان مشيت معانا تافه هذا مغرور ومتكبر مش عارفه كيف متحملته
سرور،يبحت فيها 💕✨تحبه اكيد لانه لما تحبي الواحد عيوبه معش تشوفيهن فهمتي
انا، 🙂 اها فمهمت في عقلي قصده عليا انا 🙈😅
،
بعد مرور نص ساعه ⏰
وكنه قدام الغرفه انا و سرور ونشوف في جاسم وجاي من بعيد و عقد الحواجب وره امه مسكينه ما دوب تمشي صبينا انا وسرور جاي شوري
جاسم ، بعصبيه وتمى يشير عليا بصبعه انتي هي سبب صح انتي تبي تنتقمي صح خطفتيها
رم جاسم،، الله ربحك ي جاسم. ريح روحك
سرور ،خليته رواي، اهدى ي راجل لولا سجى را راحت فيها مرتك اهدى وخلينا نفهمك
انا ،كنت ورا سرور ميته خوف من جاسم مجرم هذه تحسبني كيفك
ام جاسم، وين الغرفته ي بنتي سجى
انا ،شيرت عليها هذي ي عمتي
وخشت ام جاسم وتمى سرور يحكي جاسم الي صار. وانا مزال قاعده ورا سرور ي محلا يكون عندك سند وانا ونبحت في سرور كيف يتكلم بكل ثقه عليا وبصدفه نشوف جاسم يبحت فيا 😶✨ كنه هذا شكله تمى حول 🙄
جاسم ،سامحني والله خفت عليها بكل صحيت والله مش عارف كيف نشكرك
سرور، والله فضل سجى
جاسم ، 🙁 مشكور ي نصي خش علي هنادي
انا، خزي شفت كيف مغرور مابش يشكرني
سرور، هههههه حطيت ايدي ع خدوده وشديتهن نجك اليا شدوق سمح هذين 😘
انا، هههههه شدوقي خلاص وقف
سرور،به نعدو توا خلاص هلها و عرفوها وين اصبري🙄كيف عرف جاسم انه في مستشفى
انا،😅انا كلمته نبيك تكلمه ما لقيتكش قاعد
سرور،كان صبرتي بس 😒مش مهم هيا قدامي
انا،لالا خلينا نطمنو عليها قبل الله يربحك والله شغاله بالي
سرور،ي قلب االابيض انتي ❤
انا،😅💕 حياتي ي ناس
،
💔
،
جاسم، قعمز ع كرسي حذها كيف صار هذه اها احكي شن شكله
هنادي ، تبكي وتحكي😭 اول ما خشيت نغسل في ايدي واحد يمسكني من خلف ويبقى يضرب فيا ع بطني بقوه
حاولت نبعد مني ونضربه ما قدرتش انا لا عرفته بنت ولا راجل كان مغطى كله
جاسم ، اوووووف تي من ازف عندك واحد مايحبكش
هنادي، لالا ماعندش،والله كلهم كويسين معاي
جاسم، به تريحي توا نعرفه من نطلعه من تحت الارض
ام جاسم قعدت معها وطلع جاسم برا معلش ي استاذ ءء
سرور ،صبي وقال اسمي دكتور سرور
انا، ذكرني اول موقف صار مع جاسم لما خشيت عليه القاعه قلته ي استاذ هوا قالي نا دكتور هههههه😂اويلي
جاسم، تشرفت بيك معلش نبيك تسال سجى كيف شكله الي ضرب مرتي
سرور، ينادي سجي تعالي،
انا، نعم جيت شورهم
سرور،تعرفي توصفي شكله الي ضرب مرته جاسم
انا، والله كان وجه مغطى انا متاكده 100% انه بنت لانه كانت لابسه عابيه شرعيه وممكن راجل لابس عابيه عادي را
وفي عقلي اكيد واحد يبي ينتقم منك بس مسكينه شن ذنبها هنادي والبيبي
جاسم، خضه نفس عميق اخخخخخ ي ربي. مش عارفه ميف نلقا والله مشكورين تعبتكم ممكن تروحو توا ماقصرتوش
ع جيت دكتور وقال را ملقيتش دم دورو انتو
جاسم، شن فصيله
دكتور.. O+
انا ،دمي هكي
دكتور،تفضلي به مع ممرضه
جاسم و سرور بحتو في سجى 😳 لااااا
انا ،كنكم 🙁 بنت بين حياه و موت
جاسم ،مش ضروري توا ندور برا
سرور، قربت منها همست في وذنها انتي بروحك تبي دم بلا هم كذا
انا، لا مش شوركم اصلن مش عارفه تلقو ولالا دم ونضيعو وقت وهيا توا نمشي وعديت مع ممرضه
سرور، عنشكلك ☹ خايف عليها انا
جاسم، 🙄هذا كله عشان شنو دير فيه ما مجوزه هي
بعد مرور نص ساعه عطو دم هنادي وجاني سرور في الغرفه
قعمز هذاي
سرور، معقوله انتي رغم غروره معك تساعدي في مرته
انا ،قلته بروحك مرته مش هوا وانا اصلن انحب نساعد 😜
سرور، به توا تقدي تقومي ولا تحسي بدوخه
انا، لالا كويسه بس قبل ما نعدو الحوش خليني نشوفها
سرور، تمام
انا كان ماسك يدي خايف عليا ندوخ طبيعي لما يخطو منك دم تحسي بدوخه عند وصلت الغرفته وخشيت وسرور قعد قدام باب 😉 اول ما خشيت لقيت جاسم وصبي وجه مقابل روشن كيف حالك ي سمحه
هنادي، قعمزت مشكوره ي قلبي لولاك مش عارف شن صارلي
انا، ههههه عادي ي قلبي مش بينا كلام هذه اهم شي راحتك وعينك من بيبي ره
ام جاسم، مش عارفه كيف نشكرك ي بنتي سجى ربي وفقك في حياتك ويرزقك بذريه صالحه
انا، سكت اي ذريه وونا مزال 😅 ان شالله عميمه هيا مع سلامه وانا نبي نحل باب الغرفه ونطلع ونسمع
جاسم ، 😒منسند ع ساس شكرأ ي قطوسه
انا، في عقلي مش عشان سواد عيونم ولا اللحيتك بحتت فيه. 😒وطلعت
سرور،خلاص،
انا، خلاص مسك يدي وطلعنا انا فرحانه لانه قال شكرا وانا عمري لا قلته شكرا ولا اسفه انا فزت ههههههه😂ي حليلي
،
،
،
نحنا محتاجين حد يحسسنه بحلاوه دنيا محتاجين حد م نتحشموش منه لما نحكوله كل تفاصيل يومنا بكل عمق محتاجين حد يسمعنها لانه هوا يبي يسمعنا مش فرض عليهه محتاجين نطلعو طفوله الـي بداخلنا ونتصرفو براحتنا من غير رسميات تافهة ، محتاجين حد نحكوله مشاكلنا بدون م يقول علينا انت كئيب أو نكدي ، نبو شخص ميحكيش من ورانا لما نحكوله همنا بلعكس نبو من يهون علينا نبو شخص منخافوش من دنيا ومصايبها لانه هوا جنبنا شخص يتقبلنا بكل اعيوبنا و مزاجيه متغيره فينا كل ساعه شخص يعرف امتى يكون صاحبك وامتي يكون حبيبك وامتي يبقى اخ واخت ليك..شخص يكون معانا لما انكونو بحاله حزن او يأس يحسسنه انه عندنا قيمه لغيابنا ويفقدنا نحنا نبو شخص يطبطب علينا بـِ إهتمامه وحبه وثقته وسند لينا مش أرتباط وخلاص؛
،
،
دانيه ،خشت مستشفى وتمت تسال في ممرضه ع هنادي
كيف حالها مريضه هنادي
ممرضه. ،كويسه الحمدالله انقذنا حياته وحياه بيبي
دانيه، به الحمدالله☺وطلعت من ممستشفى ،،،،،،😡 فرخه هذي يعني مزال فيها حاجه تاني
