جاءت معذبتي

البارت الخامس

أّهِمَأّلَ عٌنِيِّدِ وِګبِرَّيِّأّء قِأّتّلَ ....جِعٌلَ أّلَحٌبِ بِيِّنِهِمَ أّخَرَّس لَأّ يِّتّګلَمَ أّلَأّ بِلَعٌيِّوِنِ

وجان اشوف جعفر طب للغرفة اني طفرت طفره من الخوف رجليه صارن خيوط المشكله اشوف كنان بعده يرسال كلت
_هاي شبيك جعفر اكو واحد هيج يفتح الباب يا كاتل يا مكتول خرعتيني
_وسم انتي الي شبيج كمزتي بعبع طب عليج كومي سويلي اكل ميت جوع
_بربك مصارلنه ساعتين من تعشينا شسالفه 🤦‍♀️ 🤦‍♀️
_يلله سجى بدون نقاش كومي سويلي اكل
_كايمه كايمه اني الي مبتليه الله واكبر روح لغرفتك هسة اجيبة مو تثولني  توكف خراع خضره فوك راسي
شفته راح للغرفة اخذت الموبايل وراسلت اسفة بس جعفر اجه راد اكل كمل وين وصلنا
_كال وصلنا للوكعه الأولى عضة الجلب لمن عثرتي
_كلت يا كنان لسه تذكره كافي 😢
_والله عمري ما انساه جان احلى يوم بحياتي
_ليش
_لان شفتج وتعرفت عليج
حتاريت شجاوبه طفرت على الفايبر حجيت وية سرى كالت كولليه يمكن اله صالح تتعرف عليه كتله هيج كاله يمكن الحياة صدف
كال _سجى
_نعم
_سمعتي شنو كتلج اليوم لمن وصلت للباب
كتله _اي سمعت مجان لازم دكوله لان سمعت عنك العكس كال
ش
_شنو سمعتي
_انته ثكيل وشخصية مو مال هيج سوالف وزاحف هيج يكولون اهلي عليك
_صح اني هيج مثل مكلتي بس طلعت لا إرادياً اعتذر
_ان شاء الله متتكرر
بقينا تقريبا نص ساعه نتراسل واني اسوي اكل لجعفر واراسل واطفر بين الفايبر والواتس لان سرى عدها خبره بهاي السوالف دائما تضحك على الولد مو همة يضحكون عليه حتى مره بقيت تراسل واحد سنه تقريبا وعافته بعدين خطية هو بقى يبجي كال مو كتلج احبج واجي اخطبج من اخلص كليه ليش تردين تتركيني ولمن احجي وياهه دكول كل يوم البنات المضروبات بوري هلمرة اعكس القانون بين قوسين شخصيته قويه وثكيله تعرف شلون تجذب الشاب الصدك مو بلطلطة
المهم خلصت الاكل وصعدت الغرفتي كال_شنو ماعندج دوام باجر كتله
_لا حغيب ما دارسه ولا حرف
_لا لا حرام عليج تغيبين هذآ مو عذر يفوتج الشرح هواية حتى لو ما محضره دروس لازم تنتبهين ع الشرح يعيني لا تحضير ولا شرح تحضرين ضربتين على الكلب توجع
اني صفنت على الرساله هذا شدكول بس همات صدك صعبة لا تحضير والشرح يفيد ع الاقل رياضيات انكلش
_والله صدك لدكوله فاتتني هيج معلومه بين جنت سجاج انته
_بلضبط شلون طلعت طبيه لعد
اني نصدمت
_انته طبية لعد ليش مداوم متوظف
_خلصت وتركته ما احتاجه حاليا والدي رايدني اساعده
_اها هيج
_اي وهسة يله نامي لتسهرين مو زين وباجر وراج دوام مثل متفقنه كتله
_اوكي حنام تصبح على خير 😴
_وانتي بخير
وقتت الفون ونمت بقيت اتكلب بفراشي أفكر بكلامه... كعدت الصبح اسحل بروحي سحل داومت عادي مثل كل مره وعلى حظي ما أخذنه دروس هواية لان جان اجتماع للمدرسين رجعت للبيت هلكانه حاره جمر ولعب وتمركض ودروس يعني يوم كله حركه صعدت بدلت نزلت تغديت خلصت شغلي صادف يوم ثلاثاء يعني بعد يومين مشية مال سجاد بس زلم لا نسوان ولا هم يحزنون صعدت نمت كعدت س٥ بحوشت بلفون ماكو شي ردت اكوم وصلتني رساله من كنان كال
_مرحبا
بقيت شوية مرديت حتى ليكول هاي ماصدكت اراسله كمت شربت جاي غسلت وجهي شفت شكو ماكو بلبيت لكيته سنطه كله طالعه بس امي موجوده ل. تخابر لو تصلي فصعدت راسلت ويا كنان فتحت الرساله كتبت
_مراحب
تانيت شوية الظاهر مجان كاعد على الموبايل عفته رحت حظرت الجدول قريت خلصت الدروس صارت ب٧ كمت صليت رحت على الموبايل شفته مراسلني
_شلونج اليوم داومتي لا
_زينه الحمدلله اي داومت سمعت النصيحه شكرا وعلى حظي ما اخذونه دروس هواية جان عدهم اجتماع مدرسات
_شكد حظج حلو لعد
_يي كلش حلو بقينة نتراسل تقريبا نص ساعه تعارف وهيج اخر شي كتله
_من رخصتك اريد اكوم اسوي عشة متت من الجوع
_يعني انتي ام بطن
_ييييييي شكد متتصور
وعفت الموبايل نزلت جوه اكلت خلصت بقيت كاعده على التلفزيون شسوي لا شغلة ولا عمله ذكرت كلت لأمي
_ماما ماما
_ها شتردين
_اريد اروح للسوك اشتري غراض
_اي والله حتى اني اريد اروح اخذلي كم حاجه مناك شوكت ترحين
_باجر ما عندي شي لمن ارجع من الدوام
_ماشي بقينا كاعدين رجعوا اهلي تعشوا وخلصوا كمت غسلت ماعين صبيت جاي بعدها كله طشرت لغرفهم واني صعدت فوك راجعت دروس وبقيت كاعدة على الموبايل راسلت سرى كتله
_راح اعترفلج بسر
_وهو
_اني وكنان كل يوم نتراسل
_عززززززززززززززززة جذابة
_والله
_ليش مكلتي خايبة
_مدري والله
_شنو حجيتوا شنو سولفت ا احجي راح اكولج من البداية مو تطين مجال ديري بالج لطوخين
_وجع شبيج محجينه شي مجرد تعارف وسؤالف عادية
اها هيج اذا خلصت مراسله
ثاني يوم رجعت من الدوام رتاحيت شوية بدلنا اني وامي روح للسوك تالي محد أخذنا كوله طفرت ضربونا بوري امي بقت دردم عليهم بشارع هيج عليكم وهيج من ابوكم اني صوجي اشتريت الكم سياره كلت يفيدوني طلعتوا كلشي ماكو جنة نمشي وجان نشوف.............

&&&&&&&&&&&&&&&&&&
اعتذر عن التأخير بتنزيل الرواية الواتباد مالتي ميفتح بلنت يعني يجي يومين ويختفي يومين بس هو البرنامج الوحيد ميفتح ما عرف شنو السبب اكرر اعتذاري 🌹🌹🌹🌹 لاتنسونا بلايك والتعليق احبكم