جاءت معذبتي

البارت الحادي عشر

آلنوٌآدر لنوٌآدر وٌآلبقآيهہ للبقية

ادم
صار العزيمة وخلصت بس هلاك تعال جيب ودي وحط واني بالي يم روحي الي شفته بالمطبخ وحاير شلون راح افاتحه بسفرتي بعد شهر وشوية واطول اهناك سنتين أقل شي وخايف خاف اهله يطوهه

الا وره فتره طويله اختي رجاء الجبيرة عايشة بالخارج (آسفة ما ذكرته بالبداية من ضمن العائلة لان ماله دور بلقصة ابدا لذلك ما جبت اسمه)  متخربطة حيل وريد نوصل اله ماكو رجله يفتر وياهه وميلحك للموبايل وحنا نلوب نريد خبر عنها وهي وحدها بلنرويج وأمي كلساع تتخربط علينا بتي وما بتي الا جنا كاعدين خابرنه زوجه سمعنا يبجي نسأل شكو شصاير يمعود احجي
_البقية بحياتكم

الصريخ صار بفلس امي اغمى عليه ابويه كعد على كرويته كام يبجي اشوف ساره ملخت روحه ماعرف شسوي نقلنا امي المستشفى وكعدت تصرخ وتلطم

_ولجججججج بنيتتتتي ويييين عفتيني عشتي بعيده عني تالي اشوفج بلكبر اممميييييي لترحيييييين عمت عيني انيي اعيشش وانتي تموتين من اهمدانني اهمدانني اهمدانني

نريد نلزمه ماكو متلزم مدري مين اجته القوه وهي مريضة هيج تقاوم متقبل احد يلزمه وخلت البغرفة كوله تبجي وياهه وسجى تخابرني وترد ليورة واني مفارغ اله المصيبة وكعنه بيه مدري مين اجت
سوينه الفاتحة بيتنا ثاني يوم وهوسة ودوخة وتعبانين اني واخوي وابويه من البجي والفرة

سجى
بقيت الوب اريد اعرف شكو ماعرف ما اسمع غير صوت امي صيحت
_ياااااااااا والله صدك هاي شوكت ماتت انا لله وانا اليه راجعون الله يرحمها
نزلت بسرعه

_شكو ماما منو مات
_رجاء بت ام كنان الي بالخارج
_عزززززه شلون ماتت اكولن ليش خابرت ساره مخبوصة

_اني راح اروح الهم انتي ابقي هنا مو بكل عزا لطامة

_بقيت صافنه شبيه امي عرفت متريد التقي بكنان يالله بلفاتحة اروح

ثاني يوم صارت الفاتحة
رحت وشوفت كنان عيونه حمر وحالته حاله تعبان واضح عليه برطمت ردت ابجي بس كوه لزمت نفسي
شفت ساره خطية ملخة روحة شبكته وما صدكت اني

_راحتتتت اختي سجى اررررررررررريده والله والله قبله بيوم كلت لمى مشتاقه لرجاء بعد ما عندي اختي ماعندي

تشبكني وتبجي واني ابجي وياهه ماعرف شنو اواسيه بيهج مواقف انثول حيل

مسحت دموعه وكتله
_ترحميله ميصير هيج تبجين كلنا على هذا الطريق
_ماكدر ماكدر مشتاقتله حيل بقيت وحيده رجعت بجت
_ولي ولج لعد اني وين رحت كافي بجي فدوه اروح اسلم على خاله
رحت واسيته وسلمت عليه وطفرت يم ساره اجتلي رهف سلمت عليه

_شلونج سجى
_هله عمري انتي شلونج البقية بحياتج
_هلا بيج حياتج الباقية
كعدت يمي بقت تسولف وياية ساره راحت لمه تخربطت
_شكو ماكو شلونه علاقتج ويه كنان

_هي كالت هيج اني بهتت شدكول هاي وقت كنان هسة حمدلله زينه علاقتنه

_يعني مالكم نية تعوفيه هيج وضحكت

_ستغربت عزه بلفاتحه وتضحك ولا تريد تخربنا

_لا عمري ماكو نية ابد هوة يحبني واحبه وعلاقتنا حيل حلوه

_هاا الله يديمه من رخصتج

_شتحس هاي

المهم مشه اليوم وبالي طاير بكلام رهف

(عودة)
ولج شبيج رهف شسالفة ميحبج هي كوه
_يي كوه كوه احبه هي اجتي أخذته مني لو ما موجودة جان هسة احنا متزوجين والا ما اخرب علاقتهم صبري من هاي لعين لهاي العين
سمعت هذا الحجي وكع الموبايل من ايدي عليمن دتحجي هي وأقاربه كالت
_على كيفج عيني عافتني وطلعت

رحت للبيت خايفه معقوله عليه لا لا ابد متقصدني شعدها ويايه قابل عرفة ولفة

خلصت الفاتحة يومين واني لازمه كلبي من الي اسمه رهف خابرت كنان وعزيته خطيه بين من صوته تعبان ومكسور بلكوه يحجي تاليه كال

_سجى سمعي  قبل الأربعين مال رجاء اني حسافر للخارج مثل مكتلج

_هاا شعندك شسوي لا لتروح فدوة

_شبيج مو تدرين اني حسافر اكمل واشتغل خو مو من اخذج اخليج تصرفين من أبويه على شنو ماخذتني اروح اشتغل واكمل دراسة

_اوووووف شلون أجلها خايفه والله
_حبيبي انتي مين خايفة ماكو شي اروح كم سنه وانتي مخلصة وداخله كليه واحتمال مرحله ثانيه او ثالثه

_ماشي شوكت تروح
_هذا الأسبوع وها سجى ماريد تقصير اي تقصير بالدراسة فاهمة سادس انتي شدي حيلج وطلعي معدل عالي ماشي يروحي
_برطمت وطكيته بجية واناشغ

_ولجججججج سجى كافي تحركين اعصابي راح اتخبل لتجين
_ما ابجي ما ابجي لتصيح اصلا اني راح اروح انام نعست باي تصبح على خير
طبكت الخط بوجه حتى ما تانيته يجاوب

ودفنت راسي بلمخدة بجيت بجيت شكد اخر شي خابرت اية كتله هيج وهيج
_يي ويعني شنو من اول كال هيج هوا وليش خايفة
_ماعرف والله بس ختنكت من سمعت هيج كالي
_خليه على الله يمعودة وشيصير خليصير
_يالله اوكي باي
_بايات مو دلغمين فكيه عاد الولد حيسافر وهو منا مقهور على أخته.....
&&&&&&&&&&&&&&&&&&دطبعا دكوللي متأخره اكيد اتأخر لان ماكو واهس اذا مشاهدين ماكو ساعدوني حتى يصير عندي حافز 💐💐💖💖💖