جاءت معذبتي

البارت التاسع

گون تمـطـر مـسـتحى ويتبللون

اصيح الو الو يمعود كنان وينك ماكو بس سمعت الصرخة وشي تكسر اخر شي سمعت طوط شفته قطع الخط ياربي أني شنو جفصت كمت افتر مثل السمجة افتر واكعد بعدين خابرت ساره كتله
_ولجججججج ساره وين كنان بي شي
_تدرين شبي شنو كتيله ماكو قافل الباب ندكه وماكو ميفتح شنو جفصتي
_اوووف هاي شلون دكة جفصت كتله اجوني خطابه وامي كلتلهم هلا بيكم بكل وقت مدري شلون طلعت مني والله ماتحملت كمت ابجي كتله الله يخليج احجي ويا كوللي ماكو شي رسمي ويمكن ماما نست سالفتنا جانت حالته تعبانه

_اوووف منكم أوف
سديت الخط وكعدت بلكاع ابجي حطيت راسي على رجلي ودنكت ياربي شسويت اني ابجي ودموعي عشره عشره

فتحت الفون ودزيتله رساله كتبت
_والله ماكو شي بس ماما نست يمكن السالفه وكالت هيج جانت تعبانه حتى اني مردت احجيلك الموضوع ميستاهل وعفته

كنان
لمن خابرتني سجى حجيت وياهه لان المدة الي راحت بيه لبيت جده ما كدرت اخابر كلت خاف التلكف وتصير سالفة اول ما خابرتني استلمتني اذا صرت لغيرك وهاي السوالف ما تحملت كتله هذا الموضوع انسىي ولتحجين بي

وكفت العبره بلعومي لان اذا صدك صارت الغيري انتهي وبعدين بدال متكحله تعميه كالت اجوني خطابه يابه اهنا شصار بحالي اريد اجر النفس ماكدر ختنكت جان بيدي كوب مال جاي راسن شمرته على المرايا وصار طشار

وصرخت صرخة اهلي سمعوها يدكون الباب وما افتح الهم لان كلت هاي هية اذا امه كالت هيج راحت مني قفلت الخط وبقيت افتر وراسي حيل اذاني شسوي شسوي ماعرف تيهت الأول وتالي كعدت على جرباية وحطيت أيدي على راسي واني مدنك وصلت الدمعه بطرف عيني افكر شبسرعه هيج حبيته

ياربي شكد جانن اكو بنات بلكيله لو بالخارج بس ولا وحده فتحت باب كلبي الا هاي كعدت وتربعت شسالفه يا الله بعدين قطع تفكيري رساله جانت منه فتحته اهنا شويه رتاحيت بس بعدني نار كمت بلعت حب وجع راس ونمت ومادري الدنيا طشت لو رشت كعدت س ١٠ بليل على دكت الباب راح ينكسر كمت

فتحته وستلموني اسئله شبيك وجنك ميت ويبوو اريد اخلص منهم ماكو لاطشين اخر شي كتلهم جذبه يابه صارت مشكله جبيره بيني وبين صديقي وهيج مطلع حجي عليه وماتحملت امي فطيره راسن صدكت أدهم يحاول يصدك اما ساره جانت الواضح منه

تعرف لان ابتسمت اكيد متخفي عليه شي سجى بس يا ويلي اذا اجة ابويه ودره لان هسة يبقى يسأل المهم بقيت ٣ ايام تحاول تراسلني او تتصل اني ما مطيه مجال لان صدك طكت روحي ذاك اليوم حتى اجتي ساره حجت ويايه واني قافل على الأخير

سجى
من وديت اله الرسالة وشفته قراهه بس ما جاوب روحي راحت بقيت ابجي شكد اتصلت بي ولا فكر يرد خابرت ايه كتله هيج وهيج اخذتلي رزاله مرتبه من هاي التمام مرن ٣ ايام عليه مثل السم لا خايفة لا يعوفني مليت لا اكل بس المي

يطب البطني احاول انام بس ماكدر بقيت جسد بلا روح وياهو الحجي وياية بالي مو يمه اهلي يسألون شبيه وشبيه اني ما اجاوب حتى كامرا يشكون بيه أخذوا الموبايل فتشوا بي حمدلله اني امسح كولشي مستحيل اعوف مراسله كنان

الا فد يوم جنت كاعده بالحديقة على المرجوحة رصافنه بسمة جانت س ٥ العصر سمعت فوني يدك شفت الاسم يابه مدري شصار بيه ودي اموت من الفرحة راسن صعدت فوك بغرفتي رديت
_الوووووو كنان وينك

_وهلا شلونج
اني سمعت هيج طكيته بجية واناشغ كوه الفظ الكلمه

_م م مو زي زينه اببد ل ليش هيج سو سويت بيه عبالك طفله هستوني احجي

_اشش كافي كافي شبيج ااني المو زين مو انتي روحي راحت لمن كلتي خطابه اجوني لو مكايله وباقي على عمه عيوني احسن والله ختنكت ولج

_ليش اخابرك مترد ولا تخابرني
_ماعرف كول الي جنت أريده ماريد احجي وياج خفت خاف دكوللي نخطبت َماعرف شنو

_بعد لسوي بيه هيج

_مستحيل ابد اني وياج نتأذه هسة عوفينا شكو ماكو

_ماكوو شي صافيه دافيه

_شصار بهاي المره الي خطبتج

_مدري بعد لا خابرت ولا اجتي بعد
بلاحسن خفة وراحة
_هههههه حلوه هاي يالله روحي اقري
صخمي

_باجر جمعه
_ولج روحي صارلنا هواية نسولف
_اوككي باي

هيج مرت الايام وصارت عطله نهاية السنه جانت بسنه ٢٠١٦ هذا كل الحجي
ونجحت صف سادس اخر سنه الي ومنا ابتدت معاناتي اني وكنان وياريت ما تعرفت عليه

&&&&&&&&&&&&&&&&&&
مرحبا حبابيب قلبي شلونكم اسفة على التأخير بس ان شاء الله اعوضكم ومن البارت الجاي حتبدي المعاناة الحقيقة البطله بلكوة تحجيلي الأحداث دكول من اذكر حياتي انتهي
مثل كل مره لاتنسونا بلايك والمشاركة الرواية 💞 💞 💞