تفاصيل 💜📎

الحب بالاهتمام

طبعا بنحكي بلسان البنت
.
.
أنا هاجر م 2002 طالبة من طرابلس (ونازحه في الزاوية ) والحمد الله
حبيت شخص وكلمة حبيته مش حتفسرلكم كمية
الحب ليه.
حبيت ولد اسمه محمد من مصراته م 98 خاش في الحرب مع .... ( مافيش داعي للذكر هو مع مني )
اتعرفت عليه ع النت واللي خلاني نتعرف عليه
استشهاد ولد خالته #البكه معروف هدا. أنا
ولد خالته نعرفه من بداية الحرب هادي. بس هو مجرد صديق وقت استشهد نزلت عليه ع الفيس
وهو خشلي خاص ومن وقتها ابدا قصة متعنا.
أحمد متعلق ب ولد خالته . كان متأثر عليه ومصدوم
وأنا وقفت معاه لأن يمكن حبيته من حزنه . اتعرف عليا ويحكيلي ويشكيلي وكأنه يعرفني من قبل واني بديت نحكي معاه ونتعلق بيه يوم عن يوم وهدا كله بدون لا نشوفه ولا يشوفني ..
ندعي في صلاتي نقول انشاء الله مافي بنت ثانية في حياته 💔
وربي يجمعني بيه
كنت نخاف نقوله حبيتك نصغر في عينه و نقلل من
كرامتي بس عرفت أنه الحب مايخلي لا كرامه ولا عزة نفس وقت تحبي شخص خلاص كل شي ح يكون هو بالنسبة ليك ❤.
حاولت انقوله و نفهمه اني اتعلقت بيه وقبل مانقوله اني هو قالي أنه تعلق بيا وحبني وربي شاهد ❤.
ف يوم قالي أنا راهو ضروري نرجع للمحور واحتمال بيكون فيه تقدم ولو صارلي شي 💔 سامحيني
كان غلطت فيك وكأنه ربي طول عمري انشاء حنتواصلو .معرفت شن نقول غير🙈🙊 اني تعلقت بيك كيف بندير بلاك تعودت عليك مانقدرش من غيرك 😢
وهو كان متردد من جوابي لأن هوا رجله مصاب وفيها تعويبه وخايف اني منقبله بيه هكي وضعه 😣😧
قالي اني بنقولها خلاص ي بنت الناس نحبك واتعلقت بيك أكثر منك وقفتك معاي مش حننساها انتي اللي ضحكتي رسمتيها
انتي راحتي ي لي كونتيها ❤ كنت نبكي وندعي نقول ي ربي ماتبعدني عليه والله واعر فراقه .

من بعدها مشي للمحور ويكلم فيا وقت يرجع لي المقر باش يكون في نت
أمس بالليل وهو يحكي معاي قالي في طيران واهي ضربت ومن بعدها صكر النت وتليفونه .
واني لتوا قعده بدموعي 😢😭
الولد خيره شن صار فيه ربي يعلم بيه .
ويلي نبي نوصله من قصتي الحب مش بي المضهر لا الحب بالاهتمام
ونتمنا أن هو يكون بي خير لأن منقدر ع فراقه 💔

العبره يلي بنوصلهالكم من القصه
الحب مش بي الشكل ولا بالمضهر الحب بالاهتمام
وأفعال
#الحب مش كلمه تنقال الحب أفعال ❤#
ي بنات متتعلقوش في شخص متعرفيش مصيره شني و ديما خيريه ي انتي ي الحرب لأنك حتخسريه
وبلادنا الشباب هما يلي يضيعو بس وامهاتهم يلي نحرقو عليهم 💔
يارب يرحم كل موتنا ويصبر كل ام محروقه ع كبدها 😢💔